浪跡天涯 漫步袋鼠國 我們的澳洲日誌

照完X光片的第四天, Working Holiday Visa 順利批出!! GO GO GO 批出後一年內要出發, 另外, 出發當天起計最長可停留澳洲一年, 當中可以無限次出入澳國 By 卓先生

『照肺』太敏感的term, 幸好小妹冇俾公司拎去照肺。 去到診所, 只要交出passport、相、form160EH, 再填埋份form (診所份form) , 就可以等入去照肺。中間有個小插曲, 小妹變成先生, 護士錯手將小妹既相貼左係K先生的form 上, 幸好被發現了。 入到去x-ray 房, 要換左上衣, 只穿佢預先安排的白底衫, 要加一件袍。女仔既話, 就要束記頭髮, 固定在頭上, 絕對唔可以有任何頭髮擋住背脊。之後扒係放左x-ray片上的箱上, 深呼吸, 忍住一陣, 就已經完成左, 真係完全冇感覺呢!! 男仔一脫衣, 企岩位就照, 快過打針~ 照完之後, 趁好多公司有特價, 睇下要帶去的褸款。 心目中想買的款式係二合一的 防水透氣風褸。羽絨城一年一度特價, 人迫迫都去睇下。其實都幾失望, d款真係麻麻地, 比較靚d又貴到死, 都係走吧。再去星光行上面既戶外城, d款式牌子多好多, 地方又大, 可以慢慢試 (講到幫人賣廣告咁)。入到去就已經望到年紫色風褸 , 著上身就已經決定要買喇, 仲要有半價呢, 由千七減到去八百幾, 抵抵抵!! 仲要買大喼, 大背囊, 睡袋!!! By 詩詩 By 卓

對於我黎講, 最難既係得到父母批准。由12號到今日, 一直都囉囉攣, 日思夜想應該點樣講出口。每當想講時, 塊面就開始好熱, 再退縮, 閃走了。不過而家咁少少困難都應該唔到, 去到澳洲又點可以解決困難呢?! 於是我打鼓起勇氣, 講晒出黎。雖然佢地有d驚訝, 但佢地都覺得我大個女了, 要走既, 都會支持。我即刻喊左出黎, 太感動喇, 多謝爸媽。 去澳洲的決定, 首要學的是捨棄。 捨棄家人每日既照顧, 得閒哦下你既感覺。去到澳洲就要自己下廚, 冇得飯來張口喇! 捨棄朋友, 一年內的gathering 都參加不了, 還有兩位好朋友的畢業照都影唔到。 (可以 key 我的頭上去嗎???) 捨棄工作, 收入尚算穩定, 又有對自己好好的上司, 用心教左我一年野就要走, 實在對唔住佢。 捨棄的應該還有很多很多...........................再諗就會好易有思鄉病...........

由決定去澳洲working holiday 到交form, 都只不過係3天的決定。幸好有online application, 唔使去大使館申請, 真係方便得多。 About Working Holiday: http://whs.esdlife.com/ Online Application: http://www.immi.gov.au/e_visa/working-holiday.htm#b (港人要選 Subclass 417) 申請資格: 1) 18歲以上、30歲以下 (幸好還在中游位置 ) 2) 身體健康, 冇穿冇爛 (因為要照肺) 3) 有錢!! 唔使多, 最緊要夠 (就由交form 開始, AUD$230就已經要俾, AUD匯價低時申請比較好) 係填form 之前, 要準備定passport 同 credit card。 份form都幾長下, 要俾d耐性ar。要填既都係基本資料, 地址、電話、passport id 等等。著眼點應該要留意份問卷, 例如會否用當地醫療資源, 一定要答"no" 。 如無記錯, 係Apply 時有得入Visa card 資料,即表示仲有Quota Model answers in the following parts: 1) Health declarations => No 2) Character declarations => No 3) Declaration => Yes 最後果part 選擇health check, 有online health check 同 mental health check。Online health check 要成 HK$330多。係慳得就慳既大前題下, 選擇了尖沙咀的診所照肺。旺角果間要有passport 同 副本, 相, 同埋要"排街症"咁等多2-3weeks 先得, 護士們擺出一副唔憂做既姿態 。尖沙咀的護士有禮貌得多, 唔需要自己帶影印本, 佢地幫你影埋, 仲可以任何時間上去照一照就得, 30蚊抵俾, 再俾多個good 你。 [溫馨提示: 相片要露耳仔, 靚女們記住帶多個髮夾去影相ar!!] Medical Clinic HK$250 Quality Healt...