澳洲回顧

2016-08-26 Brisbane

好耐無寫blog , 希望無打錯字.

上年8月幸運地搵左份工做POS 的, 移民到澳洲後, 失業食老本期只是兩月, 呢個成績已很好了. 全公司都講廣東話所以適應不是問題, 人客有國語有英語, 小弟一口爛爛煲東瓜派上用場. 公司仔得幾丁人全部工作都有做 , sale 客, clone 機裝機, set 磅, 鑽枱鑽窿, 整線, 修理電腦底板, 修理thermal printer , 搬機搬紙, 送機送紙, 以至吸塵拖地. 因為出街做野得多, 手車都揸好左. 而因為咩都有做, 所以都有新野學到.

多謝太太全職照顧霏霏仔, 霏霏學識周屋爬無耐, 就識得用pat pat 行先爬落樓梯. 有呢個意識去公園爬上爬落安全好多.
雖然霏霏得一歲人仔都唔知咩係生日, 但太太俾足心機預備生日會. 霏霏大個D睇番相要多謝媽媽.


唔怪得咁多人以為你係女仔


悉尼Auburn 公園賞櫻 , 仲有Cross play



拍拖10週年紀念, 去左食日式炭燒放題, 正正正, 依家諗番好在有去過食.下次唔知幾時有機會再食


踏入11月 , 四周都染成一遍紫色, 亦提醒學生考試到啦



悉尼橋倒數煙花, 好多人 ! 食埋老麥返到屋企都成3點


悉尼已經老化, 人又越黎越多, 車又越黎越塞 , 樓又越黎越貴.買得起既樓距離返工超遠. 開始搵Brisbane 既工, 揀布市因為無Melbourne Adelaide 咁凍, 無Perth 咁遠, 近Gold Coast 有主題樂園. 樓又平好多. 咁好彩, 因為有本地相關工作經驗, Brisbane 有公司請我! 因為太太Winjo 同霏霏仔一早買左機票返香港玩兩個禮拜, 我要先搬到布市返工,搵地方住, 分開個半月.


由昔日Working Holiday 開始, 揸長途車已經當食生菜無難度. 所以揸自己車分兩日由悉尼北上900公里到布里斯本 , 第一日途經Coffs Harbour 訓一晚air bnb (留左一晚都無見過屋主). 第二日到Gold Coast 約Ken 食午飯, 傍晚返Brisbane 入住已安排好既shared house. 安頓好行裝訓一晚, 下一日朝就返新工. 技術方面不是大問題, 重點是要講好英文, 聽好英文 , Team Manager 都係香港人. 佢既口音好易明, 其他同事就要講簡單D遷就下我...


工餘時間就係煮飯啦, 一支公煲個飯 煮一個餸 , 又可以帶埋飯. 一係就搵地方住啦, 上網book agent weekend 去睇租盤. 加加埋埋睇左十多個盤 (一朝走5個地方, 又考我飛車技術) , 最終搵到個townhouse 岩心水, 又新又大. 接著買傢私電器. 電器主都在Goodguys 買, 但傢私分幾家店買, 又因想慳各店付運費. 所以租架Van 一車自己運晒批新傢私入屋, 加上有Dennis 幫手砌傢私, 總算趕得切一家團聚前安裝晒傢私電器執好間屋 , 住得訓得.



搬滿架貨Van



由悉尼託運上黎, 塞滿左個車房



入伙第一晚 , 放工後抺埋個廚房, 砌完兩張櫈就眼訓到收皮


大戰ikea 八格櫃



大功告成好滿意!


霏霏好中意間房






Botanic Garden 野餐



Mt Coot-tha 睇 city 景色



Wynnum 坐蒸氣火車. 買party 票小朋友大人一齊任坐. 霏仔坐完一圈又指住再坐多圈



布里斯本比悉尼無咁繁華, 人少D車少D 路寛D. 而唐人食材就比悉尼少D , 但整體好滿意.

#移民澳洲 #悉尼定居 #移民布里斯本