浪跡天涯 漫步袋鼠國 我們的澳洲日誌

2011 年4 月9 日 塔斯精彩遊最後一天 各位團友都想encore 再食塔斯生蠔 聽聞機場附近有一個蠔場 , 於是係今朝還車之前揸去蠔場食早餐 點知......今日星期六間餐聽要10:30am 先開門....我地去到係8:00 am..... 10:00a.m. 還車... 行程變動都慣架啦 唔去食蠔轉去行公園 澳洲每個地方都有Botanical Garden 植物公園 今朝我地去Hobart Botanical Garden 當晨運 越黎越似公公婆婆退休生活 年輕時享受片刻的退休生活都唔錯呀 澳洲咩都大過人.... 紅葉呀 是誰放了一幅畫在門口? 睇真d原來係間室內花園呀 ! 太似一幅畫了 今日花園有人Book 左舉辦婚禮 每逢週六Hobart 都有一個市集攤位 Salamanca Market 今日可以上飛機前去逛下啦 好似行緊年宵又或者廟街 大多數是手工藝品 , 林林種種咩都有 , 又有酒飲 右上角: 澳洲土產香蕉 , 拎上手先知係木頭 右下角: 我地去唔同省都會留意每個省既車牌有咩特色 , 這個將車牌摺做手袋仔 , 超正呀 呢間德國熱狗勁多人買 , 我地都買番隻食先 腸仔有辣有唔辣 , 即煎即食 , 客人源源不絶 $5 一條又有多種味選擇 , 勁好食! 行完市集去超市買野 , 慣左以車代步 , 還左架車要用腳行好唔慣tim... 再見了搭斯 , 有時間我地回來探你啦

2011 年 4 月8日Tasmania 要離開Launceston 返回南邊的 Hobart 了 , 有點捨不得 我們從寒冷的南邊北上 , 一日比一日和暖 現在回南邊又要著番多件衫... 離開Launceston 先到Longford , 本來想去一個老農莊參觀 , 但係農莊門口見到一群綿羊無所事事 , 我地玩下趕羊仔先 =) 羊毛在羊身上好硬呀 !! 農莊咁都要收入場費 , 即刻無晒興趣 , 我地之後都去騎馬學校都有好多動物啦 , 所以唔入去了 , 即走 其實我地係好好彩, d羊係偷走出黎, 我地玩完之後, 佢地又跳番入屋 司機請不要自拍 , 不要看柯柏文 , 司機請尊心駕駛不要超速 這個澳洲路牌夠特別啦 沿著Tasmania 正中間的 Heritage Highway 繼續向南來到 Oatsland 我們都被個大風車吸引就駛左入去 原來大風車是個磨坊 , Information Centre 仲有本地麵粉賣tim 25 KG  麵粉, 我地重遇嘞 (詩: 你學d差差用頭頂?!) 街道上部留著古歐陸式建築 駛過河谷，平原，朝Mt Field National Park 進發 最喜歡秋天 到此一跳 楓葉由加拿大漂到澳洲!?? 邊個巨人留低左隻特大左腳鞋！？ 我地經過森林去搵瀑布 Russell Fall 唔知呢條大樹通道係唔係時光隧道呢 (詩: 依個係多啦A夢變小既隧道) 傳說中的Russell Fall 瀑布果然要係雨天時先睇．．．今日天晴．．． 行上 瀑布頂有個 Horseshoes Fall 呈馬蹄型，不比Russell Falls 遜色 4個人4個大背包3個大喼全部放得入 過埋聽日你任務完成嘞 夜晚返回Hobart , 住傳說中的Transit Backpackers 這裏更合乎正常的Backpacker , 大廳, 大廚房 , 人多 搭斯團最後晚餐 , 今晚加餸 , YEAH

2011 年4月7日 Cradle Mountain 黎Tasmania 必要遊覽最出名的 Cradle Mountain 搖籃山 , 我地今日選擇了漫步湖邊欣賞Cradle Mountain 朝早Sheffield 出發 間Hotel 咁舒適Hea 多陣先出發 , 哈哈 嘩 , 好耐未試過有包早餐嘞 !! 仲有牛奶和橙汁任飲 貪心的我們仲入左成枝橙汁take away 係酒店既隔離係古玩店, 參觀期間, 突然聽到周杰倫既歌聲, 因為老闆知道我地係香港黎, 特登播俾我地聽。老闆唔係只係知道首歌係中文, 佢仲知道歌手係邊個。 e個熊仔扣針都係古玩店買ga 扣針上面寫住Toy Run 99, Toy Run係一個慈善活動, 有好多電單車掛住玩具, 沿途售賣, 收益會捐給有需要既小朋友 古玩店上面點解有人爬煙囪既?! Sheffield 小鎮居民會畫壁畫記低小鎮發生的故事 這個是很久以前一班人上Cradle Mt. 突然行雷閃電將馬嚇到人仰馬翻 其中一個男人墜馬6星期後過生... 遠處望到草泥馬...........走埋去點知要俾錢, 雖然寫住donation, 但咪又係俾個阿伯 因為要慳錢, 俾左50cents, 阿伯唔俾我放入草泥馬掛住既箱...... 唔理, 影番夠本先......... 各位backpacker, 記住帶d神獸過黎, 加多個箱, 坐係coffee shop 等人俾錢影相 沿途風光明媚, 山頂被雲遮蓋 我地入到去Cradle Mountain的遊客中心, 才知道要泊車在遊客中心 , 再乘坐shuttle bus入去 (其實只是當局建議 , 可以自己揸車入去的) 本來想唔買票揸車衝入去National Park , 任務失敗 我地行Short Walk 沿著Dove Lake 行一圈 經過叢林 , 深呼吸新鮮空氣 , 當堂醒晒 水手豬仔要登岸了 e條大樹枝過多幾年唔知會唔會俾人訓到斷呢.... 明明無人住, 點解有間屋仔呢? 我地估用來存放小艇 行行下不經不過就快日落了 . 行下停下又影下相 , 明明只需2小時完成 , 我地用左3小時  !! 原本計畫...

2011年4月6日 Tasmania Day 7 我地跳出香港 , 搵Eason ..... 幅壁畫 朝早暫別Launceston 向Mole Creek 進發 今日係Launceston 市區明明好好天氣 , 一上到公路前面白濛濛一片 , 仲以為係山火 但又無燶味 , 原來係大霧 !!! 好彩係公路 , 路面暢通 第一站來到Mole Creek 的 Honey Farm , 本來不列在計劃中 , 但沿路經過 , 地圖又見到有介紹 , 所以就落車順便入去參觀下 小蜜蜂嗡嗡嗡 為食總'詩'令試勻咁多款蜜糖呀 豬仔係澳洲終於遇到小熊維尼嘞 榛子黃梅 蜂蜜雪糕 第二站 Mole Creek WildLife Park 入場費好貴呀 , 要$18....不過得動物園先見到Devil 入到動物園第一件事係抱袋熊呀 好'聚'手呀 , 好似BB 咁樣 , 仲巻埋一舊 我都想好似袋熊咁樣一日訓23個鐘呀 之後睇Devil , 18歲以下須由家長陪同收看  , 敬請留意 咪睇Devil 個樣好可愛 , 佢一o猛大口 就有吸血僵屍既牙齒同埋魔鬼既叫聲 工作人員拎左件肶 , 係袋鼠肶呀 ! Devil 一見到就狂咬 , 工作人員要出力拉... 呢隻Devil 好似俾人打左懵仔針咁 , 一抱上手淨係識訓 , 可以俾我地近距離接觸 Possum 袋貂 手腳同埋尾都有 塑膠組織 , 有助在樹上 靈活 行走 仲以為得Devil 和 wombat 睇, 咁$18 就好貴呀 原來仲有成群袋鼠等著你 , 咁數番又抵d 我地第一次近距離接觸袋鼠ja..... :) 袋鼠仲唔怕人 , 任你摸任你影, 仲會跳埋黎tim 比袋鼠仲跳得高 玩完袋鼠來到 第三站Marakoopa Cave , 第一次睇鐘乳石洞呀 , 比大陸的彩色鐘乳石洞正常好多 , 多一份天然美感 滴滴滴 , 快高長大  , 快d連埋一條啦 成長中要多加保護喲 你將來都會連成一條架 有白鴿呀 !! 石頭白鴿 ! 夜光蟲 , 關上所有燈後更浪漫 有鐘乳石和夜光蟲 睇好抵呀 最愛這張 , 洞內的水映照出漂亮的倒影 '操...草泥馬' , 在網上見得多這名字 原來澳洲真有這種動物架 它又是羊又是駱駝 , 當地人稱它作大草原上的駱駝 仲有人會養佢做寵物! 最後一站來到Sheffield ...