浪跡天涯 漫步袋鼠國 我們的澳洲日誌

2013 年 3 月 1日 Cairns > Sydney > HK 要走了 , 有機會會返黎的 因為係旅行社book , 返香港果程要係Syd 轉機 , 本來兩班機之間有兩個幾鐘轉機, 點知去Syd 班機delay 左 , 到Syd 落機遲左一個鐘. 拿拿林跑去拎行李 , 點知行李又鬼咁落耐先出到黎 , domestic airport 去 internetiona airport 又要等shuttle bus. 點知架shuttle bus  原來要錢, 仲要只收現金,每人$5.5 , (去程明明唔駛錢)  我地玩到得番 $2.5 唔夠錢俾 , 上唔到車會miss 左班機喎 ! 好好彩後面個歐洲人幫我地俾. 俾港紙佢又唔收, 真係好好人. 黎到int. Airport 距離起飛時間得番半個鐘. 結果都係過晒check in 時間 miss 左班機 ... 搵個人黎理論 , 話係第一班機delay 係佢airline 既錯. 佢叫我要再book 過. 去到sales counter 個哥哥check 電腦話我地班機無遲仲比原來早左5分鐘. 我話你個system 無病呀 , 點會係咁 , 一定係佢地入時間入錯 sydney time (+3 hr) 和 Qld time (+2 hr) 啦, sales 哥哥打電話double check 番係system record 錯 , 幫我地安排坐另一班機 , 轉坐CX . um. 呢個offer not bad. 唔知點解 , CX 呢條航線 既flgiht attendance 比其他air line 都要忙, 忙到頭髮都亂晒 CX 飛機餐係豐富d wor, 仲有酒飲 因為無晒雞 , 空姐俾左份Business Class 餐我  , 有蝦同帶子 !! 仲有多左舊雪芭 睇完2套戲又派早餐了 飛機都有粥揀 第一次半夜4點 先返到香港 , 人影都無隻既入境大堂 今次比上次帶得仲多野返黎 XD 用原仔薯仔做既薯片係特別好食. Cairns 仲有好多紐西蘭出產既Manuka ( 麥蘆卡 ) 蜂蜜 , 增強身體抵 抗 力. 香港有得賣澳洲出既吉百利朱古力, Manuka 都有得賣 如果香港都買到澳洲SMI...

2013 年2月27日  Cairns 又番黎Cairns 了, 要作回港前最後衝刺 , 去超級市場同手信店買買買 熱係上黎 YHA 呢個pool 會插晒人 我地都受唔住又熱又濕既天氣,街都唔想行, 落左去浸左陣, relax下 夜晚係街邊玩煙花 : ) 2013 年2月28日  Cairns 最後一項活動 , 今日去玩激流 (Rafting) 中級刺激果班 .   朝早坐大巴出發 , 坐兩三個鐘去一個叫Tully 既地方, 巴士上會安排我地入邊一組Raft , 我地組由我地 + 兩個台灣妹 + 日本情侶 + 本地教練 . check in 時有得租鞋 , 我見有d台灣妹著自己對Cons 都照玩 我地Team 都好齊, 教練落order , 我地有時會向前橕, 有時會向後 , 當逆流橕時, 教練就話不要問只要信 haha. 橕幾下就會衝一個水流. 有幾個rapid 都好刺激. 有次隻艇落左入個旋渦 , 大家合力勁橕隻艇出黎 , 好好玩. 有時會落水游 , 係河上飄好涼快 . 係河邊望住個fall 食午餐 -- Aussie Burger, 有扒有腸有洋葱 , 自己夾生菜蕃茄芝士 , 黎左澳洲咁耐, 終於見識到澳洲烏蠅既厲害, 除左好煩咁成日飛埋黎 , 熱帶雨林加上係澳洲出產, 烏蠅成隻蜜蜂咁大. 仲會咬人. 咬到痛一痛俾針吉到咁 . 下午繼續Raft , 餘下行程較輕鬆 , 教練同我地吹下水. 原來教練都Raft 左十幾年, 佢最中意係北歐Raft , 有時會行兩日山先到條河, 用直升機吊隻艇落河, 好誇張呀 , 一去就三個月, 同佢老婆講 I will be back , 返到黎隔一排又講 I will be back , haha. 台灣女仔都係working holiday , 其中一個係Cairns 做導遊帶大陸團 , 成日出海大堡礁. 未段有個4 , 5米高既大石 , 教練問我地邊個想Rock jump 跳落水 , 我地個個舉手就衝左上去. Kelvin : 爻底左一秒就跳左出去. Winjo: 爻左成分鐘都唔敢跳出去 , 睇左幾個人跳先敢 , haha (是怕跳得不遠撞石) 中級難度未夠十個刺激, 有機會要玩extreme 級啦 中途站係級酒吧休息 , ...

2013  年 2  月 25 日  Port Douglas 酒店 Check out  了 . 今日會去 Port Douglas ,  一個海邊小小鎮 , 鋪頭只有一條街 . 黎呢度為左聽日出海大堡礁 . Port Douglas YHA  安排左架車黎酒店 pick up.  往北行一小時便到達 Port Douglas. 途經 Trinity Bay.  再往北行有段無敵海景路全長 25km ,  靚到爆 呢間 Port Douglas YHA (Port O'call)  勁頹 , 我地間四人房無其他人住 .  可能佢真係遠左少少 ,  行出 town center  要 20 分鐘 ,  又熱又濕都幾甘 .   呢度有個小有名氣景點 Sugar Wharf,  新人會係度設晚宴 . 另一邊係  4 miles beach,  吹下海風 . 咁熱都係搵番支 Strongbow  啤一啤為妙 . 2013 年 2 月 26 日  Port Douglas 出海玩 , yok ho~~ 8 點鐘過到黎碼頭 , 行出黎果陣見到遊艇個倒影好靚  ( 原來去程有免費 pick up  的 ,  只限 Port Douglas) 入去 QuickSilver check in.  係船公司唔係賣衫果間 .  今日坐 Silver Sonic  去其中一帶外堡礁  Agincourt Reef ,  外堡礁除左人少 D, 珊瑚多 D  仲靚 D : ) 全日包早 , 午 , 下午茶三餐 , 去程出左去甲板吹風 ,  見到有海豚游過 .  水好清好藍 .  深潛和浮潛都有 briefing ,  因為落到水咬存個氧氣...

2013 年 2 月24日  Cairns =14000呎係澳洲最高skydive 高度.= 原本跳十一點 , 但skydive 果邊send text 黎話要delay 到3點半 . 終於到左3點 , 有架車黎接我地 , 雖然得Kelvin跳 , 但Winjo都可以跟黎睇, 去landing area 等. Kelvin係office 填d form , 睇下skydive 需知dvd  .  因為有過雲雨 , 教練團話要過多15分鐘先決定出唔出發. ..... 好耶出發, 7個教練+7個勇士一齊上車 10分鐘車程到機場 , Kelvin 個教練係南非仔 Jeano , 係最靚仔果個 , 佢話佢本來叫Jean , 但澳洲音唔識讀 , 所以改叫Jeano ("Gino") . 其他教練都係伯伯級 上到發機教練就同勇士綁埋一齊 , 上到14000呎就 ~ 每10秒推一個出街 ~~ 飛呀~ 另一邊Winjo 到英國司機吹水等班勇士landing . 原來英國司機James 移民左黎10年 , 係早一批既working holiday . 佢介紹呢度以前多日本人, 但依家無論旅遊同住既, 中國人已經多過日本人. 佢又話小朋友返幼稚園要$15 一日, 養一家四口負擔都好重 . Cairns 咁多甘蔗田係因為甘蔗太易種 , 人又懶 , 種甘蔗岩晒. 教Winjo 聽飛機引擎聲 , 知道班勇士幾時跳機 free fall 速度超快, 除左好爽,仲係極速燒錢 ~ haha