澳洲浪漫旅行結婚-第11-12天 : 暢游大堡礁

作者： -
2013 年2 月25日 Port Douglas


酒店Check out 了.今日會去Port Douglas , 一個海邊小小鎮,鋪頭只有一條街.黎呢度為左聽日出海大堡礁. Port Douglas YHA 安排左架車黎酒店pick up. 往北行一小時便到達Port Douglas.途經Trinity Bay. 再往北行有段無敵海景路全長25km , 靚到爆




呢間Port Douglas YHA (Port O'call) 勁頹,我地間四人房無其他人住. 

可能佢真係遠左少少, 行出town center 要20分鐘, 又熱又濕都幾甘.  





 呢度有個小有名氣景點Sugar Wharf, 新人會係度設晚宴.




另一邊係 4 miles beach, 吹下海風.咁熱都係搵番支Strongbow 啤一啤為妙.
2013年2月26日 Port Douglas

出海玩, yok ho~~ 8點鐘過到黎碼頭,行出黎果陣見到遊艇個倒影好靚 (原來去程有免費pick up 的, 只限Port Douglas)



入去QuickSilver check in. 係船公司唔係賣衫果間. 今日坐Silver Sonic 去其中一帶外堡礁 Agincourt Reef , 外堡礁除左人少D,珊瑚多D 仲靚D : )


全日包早,午,下午茶三餐,去程出左去甲板吹風, 見到有海豚游過. 水好清好藍. 深潛和浮潛都有briefing , 因為落到水咬存個氧氣塞講唔到野, 所以教練會教幾個簡單手勢 .全日有三段時間落水, 每段都係唔同地方, 每段大約40分鐘, 咁我地就有兩次浮潛和一次深潛. 因為有報深潛, 所以唔駛租潛水衣 : )





因為沒有潛水牌, 所以報左introductory scuba dive, 由個日本教練Yukito一個帶4個落水.係船上會教定我地兩個練習,因間落到水做番一次. 我地先落水, 好快就完成練習.
另外2個partner 係講廣東話既阿嬋,唔似香港人.係船上已經煩, 又遲換衫,又話個眼罩唔岩size, Yukito 話 universal size , 人人都岩. 其中有個唔識游水又驚水又要潛, 落到水做練習做極都做唔完. Yukito 帶佢上水, 又落水, 又上水, 又落水. 我地係水入面睇到呆左, 咁就俾佢消左10分鐘, 得返20分鐘 .... 想叫阿嬋回水lor . 落到水,kelvin 係較重果個, 好易沉, 睇住Yukito 好似好辛苦咁拉果2位阿嬋往下潛.. 沿著珊瑚山潛落去, 到底轉左個圏仔, cam man 影左張相, yukito 就話完了要上水. wholly shit , 乜咁快. 上水同yukito 吐下苦水, 明知無用, 不過不吐不快.



第三段係浮潛, 有個教練係上入面帶tour , 跟住佢游, 佢會淘水潛落水底執舊珊瑚水黎介紹, 轉俾我地摸下有幾硬. 教練話舊珊瑚有D jelly 狀物體, 可以當lotion .



第三段既地點係最出, 係大堡碓既邊緣 , 珊瑚好鮮好靚 , 睇魚游埋去珊瑚食野 .




船上有得買cam man 影既相, 我地見到一張咁靚就買左了. $16AUD 一張俾佢啦








好多旅遊地方都有既紀念冊 , 畫番隻龜先









回程坐Quick Silver 安排既大巴返YHA . 完成大堡礁漂亮之旅


呢幾日晒左咁多 , 要茶after sun 了


留言

  1. Thomas2013年8月14日 上午7:57

    你好，D相好靚啊，我想問你大堡礁係邊間玩啊，同埋大約幾多錢啊？唔該！
    [版主回覆08/14/2013 23:33:41]哈，陽光夠空氣好影相就靚。我地果隻船係silver sonic.大約每人AUD 230. 係當地經agent book

    回覆刪除

發佈留言

此網誌的熱門文章

澳洲旅行結婚 , 出發準備

作者： -
圖片
2012 年8月香港 曾參與過大大小小的婚禮和婚宴 ， 在香港搞大龍鳯始終不是我們杯茶. 又想特別少少 ， 點算好呢? 澳洲 ， 我地又返來了 每到澳洲都唔係旅遊咁簡單，上年完成了一年的working holiday, 來年我地會去澳洲旅行結婚  順便玩一轉大堡礁 。 計劃行程 , 做足出發準備 , 呢種似曾相識既感覺又返返黎。  諗起再次執拾背包 , 諗起都興奮 . 最重要既係 , 做我地所想 基本上每個state 既手續都差唔多，在澳洲註冊要在認可的婚姻監禮人celebrant下才有效，可以自行搵celebrant 在自選的地方註冊，這些私營的celebrant 一般都按服務收費；亦可搵政府的celebrant 主持儀式。黎緊我地會去Queensland  的 Brisbane 個 Registry office 簽紙，一黎中意大樓的復古英倫建築風格，室內寬敞可容納50人，二黎唔駛另外搵celebrant，一個價錢包左場地，官員和儀式。 室內 (quoted from official web): 大樓外貌 (Google map): 係澳洲註冊唔似Las Vagas 咁walk in 就可以註冊，當日最少要有兩個證婚人，一個月前要交張叫 Notice of Intended Marriage 既表格，表格可以親自去澳洲交，而我地揀郵遞，郵寄的話要在大日子前最少６個星期要遞交。呢張Form 要係合資格人士見証下簽名(The original signed NOIM form. The signature must be witnesed by a qualified witness specified on the form)，咁可以搵律師搞啦，不過搵律師咁貴，去澳洲大使館搞化算Ｄ。郵遞申請仲有其他附件，包括個人身份文件副本，即係我地本PASSPORT，呢個副本要搵人證明係真實啦 (Certified photocopies of the identification documents)，澳洲註港領事館會提供付費公證服務。最後一併寄埋一封Cover Letter，寫下想咩日期註冊。因為要在大日子前五日俾官員睇文件正本，如果未能...
閱讀更多

Australia Working Holiday - 嘔心瀝血終極大總結

作者： -
圖片
2010.09 - 2011.07 澳洲 前言 Working Holiday  工作假期已經唔係咩新奇事物 , 現在可以工作假期的國家還有加拿大 , 愛爾蘭 , 德國 , 日本, 韓國 , 澳洲 , 紐西蘭 遇過有一對大學生情侶一畢業就去澳洲體驗一年. 有在三十歲前趕上尾巴車闖盪澳洲. 有結婚後留底老公係香港,獨自來過新生活. 又有留底男/女朋友係香港自己過黎 . 亦都有結婚後一齊去澳洲一年當渡蜜月 . 也有不少在職場打拼數年後要衝出香港尋找新刺激 世界很大 , 有很多美麗地方 , 何不出去看一看 下圖攝於Tasmania 每個人都帶著唔同既理由去WH.  以WHV 身份來澳洲99%不是只來觀光. 更重要是在這裏生活. 以下摡括澳洲生活一些資訊 (資料如有不足 , 可自行google , 看澳洲網頁當學英文啦. 以下價目全以澳元計. 澳元/港元: 8.3) 澳洲....大得很 地圖上看, 澳洲面積只比中國或美國少一些, 而澳洲比印度大一倍有多. 但澳洲只有2千多萬人口 !!!! 只比香港多3倍!!!  或許在澳洲, 羊和袋鼠的數目真的比人多.. 澳洲境內有6個省:  New South Wales  (最大城市Sydney悉尼)  , Queensland  (最大城市Brisbane布里斯本) , South Australia  (最大城市Adelaide阿德來德), Tasmania  (最大城市Hobart 荷巴特), Victoria  (最大城市Melbourne 墨爾本) , and Western Australia  (最大城市Perth柏斯) 和2個領地(同省沒有大分別) —the Northern Territory (最大城市Darwin 達爾文)and the Australian Capital Territory (最大城市Canberra坎培拉) 每個省有各自的省政府和交通工具網絡 . 雖然各省有省法, 但大致上法律內容差不多 有個英文字一定要識, 就係Suburb . 即係區咁解. 澳洲每個地方都細分做唔到既Suburb. Suburb有大有細, 有D深水堡咁大, 有D元...
閱讀更多

WHV 網上申請

作者： -
圖片
由決定去澳洲working holiday 到交form, 都只不過係3天的決定。幸好有online application, 唔使去大使館申請, 真係方便得多。 About Working Holiday: http://whs.esdlife.com/ Online Application: http://www.immi.gov.au/e_visa/working-holiday.htm#b (港人要選 Subclass 417) 申請資格: 1) 18歲以上、30歲以下 (幸好還在中游位置 ) 2) 身體健康, 冇穿冇爛 (因為要照肺) 3) 有錢!! 唔使多, 最緊要夠 (就由交form 開始, AUD$230就已經要俾, AUD匯價低時申請比較好) 係填form 之前, 要準備定passport 同 credit card。 份form都幾長下, 要俾d耐性ar。要填既都係基本資料, 地址、電話、passport id 等等。著眼點應該要留意份問卷, 例如會否用當地醫療資源, 一定要答"no" 。 如無記錯, 係Apply 時有得入Visa card 資料,即表示仲有Quota Model answers in the following parts: 1) Health declarations => No 2) Character declarations => No 3) Declaration => Yes 最後果part 選擇health check, 有online health check 同 mental health check。Online health check 要成 HK$330多。係慳得就慳既大前題下, 選擇了尖沙咀的診所照肺。旺角果間要有passport 同 副本, 相, 同埋要"排街症"咁等多2-3weeks 先得, 護士們擺出一副唔憂做既姿態 。尖沙咀的護士有禮貌得多, 唔需要自己帶影印本, 佢地幫你影埋, 仲可以任何時間上去照一照就得, 30蚊抵俾, 再俾多個good 你。 [溫馨提示: 相片要露耳仔, 靚女們記住帶多個髮夾去影相ar!!] Medical Clinic HK$250 Quality Healt...
閱讀更多