澳洲生B記 - 妹妹出世

2018-03-13 Brisbane

妹妹出世了! 辛苦晒老婆 !
早前登記左市內公立醫院Mater Hospital 分娩. 離屋企30分鐘車程.
太太係屋企斷斷續續痛左10個鐘, 應該去得醫院唔會俾人彈走. 去到醫院順利上房
醫院好新, 好似係香港私家醫院咁 .
夜晚12點打支無痛針. 不斷有醫生護士黎睇下.
第二朝朝早順利生左阿囡出黎. 同阿哥一樣咁多頭髮.

病房全部二人房 or 一人房
太太出血比較多就安排左一人房．正 !
Mater 係澳洲首間有room service , 可以叫餐上黎房, 仲要係任叫 ! 4 頁餐牌滿足各國口味
住到我有D唔捨得走

4日住院埋單一個仙都唔洗. 交稅都 Gur d

by kelvin

Hello World 🌎 妹妹謝允心 Kyra 在2018.03.13 8:06am 出世了，原來係大肥妹3.8Kg，十分準時，真的在預產期當天出世。

2018.03.12 5am 突然肚子感到奇怪的痛，我都唔肯定係咪作動，但老公就迅速起身去煮個雲吞公仔麵我食飽飽先，食食下就已經出現陣痛，我都好肯定要準備去生產。初初出現陣痛都幾密，隔5分鐘、隔3分鐘......我心諗乜咁快就咁密要去醫院喇？！但坐坐下又有時15分鐘、20分鐘咁，唯有痛住咁訓下休息下，儲返能量去生B。初初的痛都可以忍受到，比m痛痛少少，同我想像中既痛完全係兩回事，想像中的以為會死人。但隨住時間既過去，可以忍受既痛變成極痛，每次開始痛既時候，真係要叫下、打下張床先發洩得到😖而每次痛都要去㩒著Timer 去計時。因為在澳洲入院既條件係5分鐘一次陣痛（有規律），或者出血，或者穿水，否則會俾醫院趕走。

2018.03.12 3pm 突然出現連續兩分鐘的陣痛，同老公講要起程，即刻車去醫院。不過係車上一直都好舒服，陣痛變左20分鐘一次，心諗大穫，會唔會醫院唔收。

2018.03.12 6pm 係Early Pregnancy Assessment Centre 檢查，度心跳度宮縮，已經開左兩度，可以上產前房。產前房係單人房，好正，老公叫Ubereat上黎食，但我其實已經痛到冇心機食，老公都係咁質我食多d，想我有氣有力D。突然開始出血，護士就已經話要去產房喇。

2018.03.12 9pm 去到產房，準備打無痛。其實打無痛，自己睇唔到就唔太驚，係老公形容完之後先覺得恐怖，但我知唔打仲恐怖。我對無痛藥反應過大，出現嘔吐、shaking、black out，但醫生即刻減量，好快就消失左。

2018.03.12 11pm-6am 我在睡覺😴😴😴😴

2018.03.13 6.30am 終於有10度全開，midwife 話等多一個鐘就可以push

2018.03.13 7.35am 開始push，每次陣痛時，就push 3次，因為感覺唔到痛（但有輕微既觸覺），我係全憑想像去用力。

2018.03.13 8.06am 終於出世了

比起開刀生產，自然產多左一種經歷，每個過程都很深刻。選擇自然生產的推動力全是來自愛我們的主，祂給我勇氣、力量，凡事靠祂就不必恐懼，而小女兒的來臨也是祂允許下的心願。

By Winjo

產房好大, 仲有張櫈俾我訓左陣覺.



一人病房唔洗共浴





出院時借架手推車.