辦工室失蹤事件
我盒飯唔見左??? 話說係pantry丁飯，轉頭返去panty 拎飯食，點知搵黎搵去都唔見盒飯喎! 枱面無，微波爐入面無，連雪櫃都無! 如果有同事大懞拎錯左，佢都應該留左盒同差唔多既盒係pantry 丫， 但咁都無喎。 疑惑，正打算去買野食之際，有位貌似暑期工既烏小姐拎住我盒飯，再拎住盒樂天熊仔餅向pantry而來.... 又好氣又好笑，我都無要到烏小姐盒樂天了 了解之後，烏小姐話佢盒個樣唔同我果盒....咁都拎錯真厲害 by 卓
文章
黑仔病
話說上星期五食lunch 時, 因為天雨, 冇得出去出面食, 只好係office 下面新開的"咖啡達人"食意粉啦, 點知排到埋去話冇晒意粉, 乜都冇得賣。咁算啦, 去番豚肉到食日式叉燒鰻魚飯。我低估左條鰻魚, 鯁骨, 咁我忍住痛, 以為一陣冇事啦。番上office, 試下整唔整到條骨出黎, 點知仲衰, 又嘔又痛得勁左, 即刻去左私家醫院 (因為知道公立的, 一定要等成8,9個鐘, 先會睇下你)。入到去, 個醫生用舊L 形的東西 (似電視幫病人插喉的儀器) 檢查喉嚨, 即使有麻醉藥, 都好想嘔。 但佢都睇唔到條骨, 可能插係喉嚨好底的地方。之後去專科到, 今次仲用左條內規鏡由個鼻入照落喉嚨, 但乜都找不到, 醫生話可能插左入淋巴, 要食抗生素等條骨出番黎。好彩我一d都唔驚, 因為我一心想拔出來, 就解決到了。不過我而家心痛我個銀包ja, 希望可以快d claim 得番la。 到尋晚, 因為落雨la, 就開冷氣訓, 點知今朝早5點幾已經鼻塞到訓唔到, 感冒了。禍不單行呀, 係咁食藥。 希望去到澳洲天氣好d, 空氣好d, 冇咁易病了。 God bless me!! By 詩
開不了口
由決定了要去澳洲後, 一直都在想著點樣同並肩作戰了一年多的上司講。原來真的不用去選擇幾時講, 因為個天會安排一個最合適的機會。就係今日她跟我說promotion的status時, 我覺得我唔可以再唔同佢講, 一定要讓她有心理準備。要講少少background 啦, 我做緊果team 只有我同佢兩個, 一堆一堆既工作都只係我地兩個完成, 兩個人做三四個人野。雖然知道promotion 在即, 但我真係好擔心佢做唔黎, 想早想同佢講, 等佢可以請個人早d學識我既工作, 等我走左之後可以幫佢。我講左之後, 我真係忍唔住咁.....不過佢反而安慰我, 叫我唔使咁擔心, 時間到了問題就會自然解決。 她真係一個很好的上司, 除左教我technical野之外,仲有好多人事上既解決方法, 做得攰仲請我食野打打氣。雖然對我所交既功課有要求, 但只有這樣才會令我加倍小心, 做事更加仔細。 知道她都好唔捨得我, 但我應承佢, 我會得閒探下佢。 她是我的良師益友。 By 詩
馬灣公園
剛過去的星期天我地再到馬灣公園 好好天好好天，藍天白雲全都走出來同大家玩遊戲 XD 挪亞方舟星期天休息，不過你平日都要$100入場費，有咁好玩咩? 有咁岩得咁橋，袋鼠出沒版寫住 "NEXT 3m" ，Next 3 Month，知嘞知嘞，我地三個月後會去探你嘞 阿矛你生鬼了，點可以唔post 你出黎 晚上返荃灣食日本菜 WARAKU，掛住食都無影相了，個芝士湯拉面好好食呀 食完仲送左$30 coupon，不過你係荃灣太遠了，荷李活廣場間PASTA de WARAKU就可能用得著