浪跡天涯 漫步袋鼠國 我們的澳洲日誌

讀書咁耐, 除左幫人補習, 好似未試過打暑假工。趁而家放緊"暑假", 就係朋友既舖頭做SALES。做SALES真係唔簡單, 唔止幫客襯下衫、介紹下, 仲要識得係適當時機捉住顧客的購買欲, 了解顧客既需求。我有時會跟一位資深的SALES一起, 看她的銷售技巧, 是很自然、不做作的, 並可以替顧客找到貼心的衣服, 所以我都想學到一兩招旁身。 今日有個客看中一條有LACE的牛仔裙, 她在盤算買不買時, 我立刻出招, 游說她買, 真的成功了。很多時顧客心大心細既時候, 佢地心底裡是很想買下, 但同時產生很多不買的理由, 如價錢、是否稱身等, 只要猜想她們想什麼, 再解決她們的疑團, 大多數便會購買。 去完澳洲後, 整個人都變得不太怕羞, 外向一點, 跟任何人都可以聊天, 所以找工作的方向都不同了, 想找一些跟外界溝通接觸的工作, 這樣才可學習其他人的優點, 加強溝通演說既技巧。好~ 我還是再努力一點找工作吧! 另外, 如果各位靚女想買衫既話, 歡迎黎荔枝角宇晴軒HeadToToe幫襯下

2011 年7月30日  Yahoo Blog 轉新版面 , 支持下先 幫yahoo blog 扮靚 , 發覺無得幫每 一項文 字更改顏色 .. 不夠個人化 Banner , yahoo 見 議用 width 970pixel. 但Blog 的描述文字竟然飛左出界 (yahoo 的見議只有 i.e. 適用 , firefox , chrome 會飛出界) 結果現在用上 width 1000 pixel 打新post 期間可以upload photo , 一次可以upload 多過一張 , 兼可以由不同folder upload, 比之前方便左 但upload 個人照片經常出錯誤...指定要JPEG 檔 , JPG 都唔得 打blog 時無得將照片 cut and paste 搬位 , 不方便 ,  唔通因為我用Chrome? 在yahoo搜尋相關內容 , 沒有直接連到相關post 一頁, 反然連了 blog 首頁, 失敗 yahoo 未做好 user acceptance test??? 相簿: load 相勁慢... 自問己經用bb100 多左封面功能 , 話就話似雜誌 , 但有雜誌封面係咁既咩? 我想photoshop 砌一張靚靚image ,  solo  擺封面都唔得 ....\ 新介面無左'最近訪客' !! 愛八卦既我點可以接受!

2011年7月25日 香港 在澳洲一直掛念香港的蝦餃燒賣 , 原來回港後才發覺最想吃的反而是... 大X樂 一哥焗豬排飯. 維她 檸檬茶 大埔墟-豆腐花 貢丸麵  牛腩河 陪伴住成長既始終係最好 Winjo: Kelvin 而家比我仲為食.......... 我最想吃的還是煮家菜吧.........家裡的蒸肉餅很好吃呢

2011年7月22日 塔門 自從大學畢業後 , 已有很久沒有 放暑假 趁回港後還是待業的日子 , 享受短暫的假期 最近天氣很好 , 不想在城市吸廢氣嘆冷氣, 行街shopping行到悶既話, 最適合戶外活動, 出外走走 香港雖然高樓林立 , 但也是一個最容易到達郊野公園的地方 今天選了...塔門 平日關係 , 先到西貢再坐#94 巴士到黃石碼頭. (西貢碼頭是沒有船到塔門的) 原來黃石碼頭真係有舊''黃'' 石架! 你睇 ! 點解舊石會變黃? 被狗仔柯咮柯到黃? 但又真係聞到有牛fe味! 水都幾清 , 可以見到魚 去塔門的船每30分鐘一班 , 我們下午2:30 才上船 , 船上只有6位乘客 單程: $9.5 船程大約十五 - 二十分鐘 便到了塔門 塔門是一個小島 , 今天行程是塔門的南半部 經天后廟左邊的山路 , 往Look out 行 塔門的山路簡單易走 (係極易) , 最近還鋪了新路 , 不需經過墳墓 玩下''浮'' 先 浮住飲可樂 遇到有牛擋路 , 唔駛怕 , 小心在牠們身邊經過 有點被右邊的黑牛嚇倒, 牠不停用牛角撞向草地 傳說中的 '呂' 字疊石 平日關係 , 遊客繆繆可數 浴路指示清晰 真的乾燥? 行完山 , 幫襯阿婆食舊菠蘿冰. 新鮮菠蘿製成 , 比罐頭菠蘿更爽和更香菠蘿味 塔門只有幾廿人居住 , 街方街里個個互相認識. 阿婆由水上人家搬上陸地居住 , 已有50年. 阿婆仲識搵生意 , 黎搭門露營如果要沖涼 , 可以去佢度沖 , 只收$10 一位 島上居民都好友善 , 仲教我地邊條路去碼頭 (咁大塊牌寫 Wong Ma Tau Road , 唔會唔識路啦) 見到個藍球架 , 好想打藍球 原來香港都有咁靚咁有層次既雲 黃昏 , 坐六點尾班船回黃石 晚上轉戰西貢晚餐和糖水 滿足

2011年7月20日 香港 Kelvin 的大嫂成功產子 , 母子平安  , 可喜可賀. 不往我地及時回港睇BB 回港已有10天 , 時不時都會掛住澳洲既生活 以下是working holiday 最sweet 的一刻 在世界中心呼喚愛 ... 唔係  應該係 . 在世界中心求婚成功 詩: 當天到了世界中心的一刻已教人興奮, 在欣賞的途中, 突然被拉到較少人的看台。Kelvin問了幾個奇怪的問題, 但我依然未發現有異樣, 最後, 他終於講到戲肉, 向我求婚, 我卻傻傻的呆了, 個心跳得很快, 很緊張呢。多謝你給了我這美好的回憶, 我愛你呢。 澳洲真的很美, 很希望在這樂土拍婚紗照, 更想去Carins渡蜜月呢..........Carins 是我們想去但未有機會去的地方呢~~~ Kelvin: 在世界中心求婚 , (正式地名叫烏魯魯, Uluru) , 好型呀 , haha 回港要做既野有好多 , 先要搵工 , 再儲錢 , 買樓 , 結婚 , 漫漫長路 , 廷續我們的故事

2011 年 7月5日- 7月9日   今次新加坡自由行有兩大目標 --- 係新加坡食番10個月澳洲既Quota 係新加坡玩番大阪無玩既Universal Studio 新加坡之食 我地黎新加坡既目的就係要食, 所以行程都係 food court->food court-> ..........->food court。 hostel樓下就有檔 food court, 有點似茶水檔 , 黎新加坡又點少得食海南雞飯。 我地去親food court, 都要食雞飯, 但試左多個有貴有平既雞飯後, 都係樓下依間最好食。雞汁超香, 加埋徐師傅自製既甜辣醬, 食一碟都唔夠呀 , 原來徐師傅煮既係正宗海南雞飯 , 唔怪得特別好味。我地日日都走去食, 食到師傅一眼到我地就知我地要雞飯, 仲不停同我地吹水。 依間係Ajunied MRT EW9 隔離 坡幣$3.0 , 港紙計唔洗$20 第二樣要食咖央多 咖央牛油多. ''阿坤''好出名 , 不過食過其他好似差唔多 第三食唦嗲串燒 老爸剎旁邊的唦嗲街 , 夜晚好熱鬧 唦嗲唔辣有花生醬味 老爸剎在Raffles Place  站出 呢幾日食左既仲有... 雪糕三文治 , 係Orchard Road 沿路有好多檔. Orchard Road 在 Orchard 站出. Orchard 一帶有幾間大商場 , 涼冷氣唔錯 , 要shopping 都多野行 仲有好多小食未能長列 魚尾獅當然係必行景點 . 聽說之前封左做維修 . 好好彩黎到及時解封 Raffles Place 呢個站成日都會去. 點解 ? 因為魚尾獅又係呢個站 , 老爸剎又係呢個站 原來每晚8點鐘. 魚尾獅對面隻快艇都有幻彩詠香江 新加坡唔大. 係澳洲行慣既我地 , 行多d地方又睇得多d野. 行左幾日. Raffles Place 同埋對面河既 Suntec , City Hall 一帶都行到熟 Suntec 有家樂福. 呢間超市好大好多零食手信買 任務二: Universal Studio ! 大鄉里出省 , 原來呢個波係係門口 . 唔駛入場! 在門口買飛就得 , 可能係平日 , 加上離公園開門還有15分鐘. 唔洗排隊就買到飛 最近用Master Card 買仲有8折 ! 仲送$10SGD 場內購物劵 10點準...

2011 年7月4日 Perth 完成10個月工作假期 , 也在今天正式終結在澳洲的生活 雖然不捨得 , 但終會有離開的一天 柏斯國際機場沒有公共交通工具可到 , (好似有架shuttle bus 去內陸機場 , 再轉巴士火車) 幸好屋主Tom 車我地去機場 : ) 坐著車子, 望著 窗外的一切, 想把所有都記下來, 同時腦海裡浮著第一天到達坐巴士的情景 像夢又實在的旅程真的完結了, 幸好我所帶走的都是快樂、難忘的回憶 今晚坐Tiger 去新加坡 , 玩四日再回港

2011年7月3日 Lancelin , Pinnacles 玩樂最後一天 石林 , 滑沙 最後一天在澳洲的玩樂日, 終於搵齊腳一齊租車去Pinnacles同滑沙 先到Lancelin滑沙, 第一步就係爬上沙丘 Kelvin一支箭就沖上去 我地租企板, $15 兩小時, 要小心唔好刮花 很難站起來 到Winjo 爬上去, 真的很斜, 用力地爬 租一塊板就夠玩 Winjo坐住黎滑都好快 每天都下雨, 幸好滑沙時停了雨, 很喜歡的藍天, 很想把它帶回香港 終於可以站著滑了 每人輪住擺pose 滑呀~ Kelvin: 點解向住我部機掟沙?! 唔使用板都滑得到 Kelvin 超貪玩, 玩到爆咀同撞親腳 我地架車俾沙食實左郁唔到, 幸好有架4WD經過幫我地拉去安全既地方 通常每個警告牌只有一隻動物, 這個有兩隻呢 之後去到Pinnacle, 每舊石頭以前都係一棵樹, 有一次水災, 所有樹都死了, 過多好多百年, 所有樹都變成了化石 大家都忘了不可爬上去 賣車廣告嗎 Andy 是攝影師傅 師傅要我地咁擺pose先靚 最後的日落 突然有隻袋鼠跳過, Winjo很快地把牠拍下, 最奇怪的是大家叫袋鼠"stop"