浪跡天涯 漫步袋鼠國 我們的澳洲日誌

2013 年 8 月13 日 香港 澳洲政府吸金能力又提升 . 幅圖轉載自facebook '香港與韓國的戀愛小故事' WHV 年年加價 , 同出發既人數成正比. 最近又聽到有三個同事/舊同學打算出發. 兩個同事無預先約埋, 竟然都係9月就飛 . 咁都撞到 , 我想信佢地係香港行街都未必撞到. 港人移民人數上升 , 朋友笑言繼97後 , 又有一批移民潮. 【經濟日報專訊】港人移民數字回升，今年上半年已有近4,000人，較去年同期上升近1成，其中移民加拿大人數倍增，已是去年全年的總和，移民澳洲人士亦上升逾兩成。

經過了個多月密集地準備IELTS的考試後，終於可以鬆一口氣，回復返正常既生活。 自從結婚後，我倆都好少行街，經常都做宅男宅女，唔係温書就煲劇，玩多陣都覺得自責唔温書。 今日天氣太熱，留係屋企仲熱，就走去尖沙咀行商場，有返拍拖既感覺。 之前都見有龍貓展，今日終於去左朝聖，冇乜人，都可以同到貓巴士影相。 好多精品都好靚，以前就一定出手買幾件，但而家心態上變左，冇乜用唔等使既都少買，唔想塞爆間屋。我最迷既唔係龍貓, 而係空中之城, 小時候每星期都要睇一次。 行行下, 見到anna sui 個銀包好靚, 係我講左好耐話想要長款銀包, 但一直都睇唔啱。 不過我都冇即刻買, 因為而家果個用耐左係有感情, 又唔係必需品。 行走左之後, 一路都心掛掛, 老公就話送俾我, 佢用我果個(unisexual的)。 yeah, 終於買左   我話 應該會開心好耐,  一個星期咁 (佢話得咁短) 再去食個tea, hea 一 hea, pacific coffee 有買一送一呀 超滿足的星期天呀