買!了!樓!
2017-05 BRISBANE 第一次做業主, 搬屋過程簡單, 因為搬去隔黎屋, 打開兩邊車房閘螞蟻搬家搬一日就搬完 , 只係請左個鬼佬幫手搬床褥雪櫃. 隔黎屋另一樣好處係間格一樣,儲物櫃一樣, 搬去新屋擺番係相同位置. 係澳洲只係賣家要付經紀佣家, 買家只要過到銀行壓力測試, 搵人驗樓 - building and pest inspection , 搵律師, stamp duty , land transfer fee , 等律師完成收樓過程就可以拎鎖匙 呢邊樓宇主要分三大類 House - 獨立屋, 面積最大, 大花園連車房 , 有地權, Council 批准的話可以拆左間屋再起過. 打理好花園會好靚 , 唔打理的話就變森林 Town house - 連屋, 面積比House 細, 兩層加埋千幾二千呎, 細花園連車房, 似錦繡花園, 屋苑有人管理, 要管理費, 包結構保險 , 會定期屋苑剪草. Apartment - 公寓 , 面積最細, 市區 , 交通, 設施方便, 車位係地下, 搭Lift 或行樓梯上樓, 要管理費 , 有露台. 我地呢間係 Town house 三房折合大約港紙240萬 .