浪跡天涯 漫步袋鼠國 我們的澳洲日誌

2019-01-06 Logan 為左清理阿囝係客廳既玩具, 於是構思三個櫃係阿囝間房. 咁岩呢日朝早游完水 , 食完午飯便無節目 , 就去IKEA shopping. 個拉櫃桶有黑, 粉紅, 綠, 藍 . 阿囝又揀佢既至愛藍. 一口氣車左三個櫃番屋, 所以係澳洲有架SUV 係幾咁重要. 阿囝砌得多LEGO , 識得睇說明書知道我砌到邊個step . 拎岩數量和大小既螺絲俾我. 越來越叻仔. 廿四孝既老豆我 幫佢將另外兩個白色四格櫃都變埋藍色, 去左Bunnings 配色, 買左一細樽油, 油一油, 獨一無二既四格櫃就完成.

2018-12-29 Brisbane 係上年屋企附近新建成個泳池, 有室外室內. 呢個暑假每個週末都會帶囝去游水, 除左可以做下運動, 又可以消暑, 更係一個好好既親子活動, 一舉三得. 希望兩三個暑假阿囝就會學識游水啦.

2018-12-15 Brisbane 今年11月1日起Queensland 都加入回收行列, 但凡飲品膠樽,鋁罐, 紙包印有10c 回收都可以去換10c .大致係收150ml - 1L , 鮮奶樽, 紅酒烈酒樽唔得.  起初以為好勁好先進咁係指定地點會有部自動回收機, 入D樽入去會自動退錢. 澳洲邊有咁先進. 大部份地點都係要拎左個透明袋 , 將D樽分類入袋,  將個袋拎去回收場, 開個account, 過幾日就會過數落個account. 但D透明袋好快俾人拎晒, 見都未見過. 幸好有一個回收場可以即時退錢. 唔洗開account 咁煩. 又可以帶阿囝認識環保. 個場地有冷氣 , 但好大啤酒味. 星期六去都無排長龍 . 將D樽分類放係 tray , 俾工作人員數完 , 就可以拎錢走, 10分鐘左右完成. https://www.containersforchange.com.au/