浪跡天涯 漫步袋鼠國 我們的澳洲日誌

2011 年 1 月 16 日 墨爾本 卓 : 幸好布里斯本的水災沒有蔓延至墨爾本 新一年我們買了 USB 可以隨處上網 , 不用去圖書館上網了 : ) Vodafone $49 有 3GB 連 USB , 普通睇網頁 check E-mail 打 blog 一日只會用 30MB 以下 , 但今日上 youtube 睇 RubberBand Simple Love Song MV , 都未睇晒成輯 MV 就用左 50 MB !! 香港可以無限上網真係好 …..   星期日懶洋洋留在屋休息 , 平日返工放工趕時間煮飯訓覺 , 今日可以有時間一連看了四集 Fringe , 已經看到 Season 2 , Walter 這個老頭子越睇越可愛 . 幸好帶了足夠劇集來看 : ) 唔帶就悶死左嘞   有請詩詩講下今日有咩新鮮菜單 : )   詩 : 係網上見到香港麥當勞又開始換賀年既飾物 , 可惜係澳洲換唔到啦 , 很別緻呢   今日三餐都係未係澳洲整過的新菜式 , 只會在悠閒的假日才有心情想想煮什麼 , 在澳洲要買好的食材 , 不是貴的 , 就是沒有 , 所以要在有限的材料下 , 要煮些特別一點 , 真的有點困難。加上我是比較嘴刁的 , 不想每天吃相同的東西 , 還要好吃呢 , 真的要花一點心思去填飽我的肚子。 早餐 : 西多士 午餐 : 煎蛋午餐肉撈麵 晚餐 : 西芹伴玉子豆腐 , 蒜蓉 牛油焗雞槌

2011 年 1 月 12 日 - 墨爾本 大家好新年快樂.... 2011 年到第12日先打blog!?!!? .... 我地做左d乜?? 因為每天上班收工煮飯訓覺都佔了很多時間 所以無乜更新個blog...請各位見諒 :P 咁我地就介紹下依排新登場既菜式啦! (1) 金菇煙肉炒牛肉 卓突然從街市買金菇返黎, 聯想起金菇牛肉粉絲煲, 不過冇粉絲, 用住煙肉頂住先 (2) 豆角肉碎炒蛋 卓煮的!!廚藝有進步! 很像家裡的菜式, 令人掛念家人 (3) 澳洲的午餐肉 唔係罐頭的, 兩條都係aud$2.xx, 但woolworth牌的長一倍 (白色)..........貴d果條好食d(橙色), 肉質結實d (4) 似西炒飯的沙爹炒飯 用了午餐肉同蕃茄炒, 西炒飯的材料, 但用了沙爹醬取代蕃茄醬

2010 年 12 月 31 日 墨爾本   墨爾本火車會在除夕當日免費乘搭 , 只要下午 6 點後到達目的地就可以。 我地因為朝早要去 Warragul ( 墨爾本東面的小鎮 ), 所以去市中心果程就搭左 VLine ( 類似直通車 ) 直去 , 足足坐左兩個鐘。 8 點左右到市中心 , 平日好多車既 Flinder Street 都好似彌敦道咁 , 變成行人專用區 , 我地即刻係路中心影相啦 ( 之後愈來愈多人都好似我地咁係咁影 ), 今次有個專業的路人甲攝影師幫我地揸機。   9 點 3 係 MCG 有一場煙花 , 個個都去晒 Yarra River 對面的草地等開始 , 但廣播就話唔係沿河放煙花 , 問警察又唔知 , 不過心諗都唔會有咁多人一齊咁笨去錯地方掛 , 我地都係等住先。 等到喇 , 但 …….. 點解咁矮 ………. 咁流流地既 ?! D 煙花仲細過係大陸自己放果 d……. 附近既人都幾失望下 ………   仲有 2 個幾鐘先到倒數 , 公園四周都搭晒台 , 有人表演 band show 、跳舞 ……. 個個坐晒係草地上面 , 又玩螢光棒 , 十足十中秋節 , 真想拎個月餅出黎 : D 行番去 Fed Square, 有大型的音樂會 , 企係前排 d 人都幾 high, 不過我地都好難 high 足 2 個鐘 , 都係坐番係後面聽歌等倒數吧 ~   剩番一分鐘已經開始例數喇 , 大家都企晒起身 , 望住大螢幕倒數。最後十秒 , 圍住我地既高樓已經開始放煙花 , 直頭要大叫倒數啦 , 突然連頭頂的 Fed Square 都放煙花 , 超震撼 !!!!   要係市中心返屋企真係一 d 都唔易 , 人流密佈整個火車站、任何一條街 , 我地足足用左成個鐘先 ………….. 等到火車開 …………. 迫迫的新年呢 ~~~~   希望新既一年 , 旅程順順利利 , 開開心心 , 健健康康 !!!

回想之前為黎澳洲準備執行李 , 都會 列一張清單出黎 依家諗番轉頭 , 有 d 野係可以唔駛帶 , 有 d 就唔帶唔得   記得帶 : 1. 擋風褸 一件擋風擋雨又保溫既褸點少得 . 我地呢件風褸幾堅 , 又可以拆 / 加內膽 , 墨爾本有太陽時和無太陽的溫差相差很大 . 非常有用   2. 藥 傷風感冒藥 , 雖然呢邊有 , 但據阿詩講藥力太勁 , 食左會大昏迷   3, 錢 個人認為每人最少二千澳紙 . 唔係人人黎到澳洲就搵到野做 , 搵到又未必多人工 . 岩岩黎到洗費又會特別多 . 唔係叫你用晒 d 錢 , 但有 d 錢旁身就無咁徬徨   唔駛帶啦 : 1.       牙膏沖涼洗頭水 咁重 , 唔好帶上機呀 ( 不過我地帶左喎 …..) 呢邊全都有 , 沖涼洗頭水都幾好用 , 價錢又不比香港貴 . 牙膏 … 岩岩買左枝高露潔   2.       洗衣粉 都係重 , 黎呢邊買 . 一到步唔會洗衫卦 . 黎超市買啦 ( 我地又帶左黎 tim…)   3.       洗潔清 哈哈哈 ! 好白痴咁帶左枝 3 倍超濃過黎 . 間間 sharehouse 屋主都有提供 , 我枝 3 倍超露仲未用完 …   4.       電飯煲 K-mart $15 一個 , 好在我地黎左先買 . 因為我係大飯桶 , 呵   5.       JTB world guide 澳洲旅遊書 香港買左成 2 舊水呀 ! 資料又唔 update , 激死 ! 上網 search 景點最好 , 又或者去 information centre 拎小冊子 6. 原來睡袋都可以唔帶, 要用到時, 去K-mart 買, 十幾蚊有一個 . 如果要係香港買定 , 建議買零度 , 呢邊凍係上黎真係幾凍   最好就有啦 : Notebook 上網搵屋搵工搵地方玩都方便 d….. 間屋有得上網就最好 tim 啦  ...

2010 年 12 月 26 日 墨爾本   嘩 ! 今日 Boxing Day 好多地方都大特價 , 仲係只得今天 !! 澳洲搶錢日呀 !! 我地去左 Victoria 出名大既 Chadstone shopping centre . 今日多人到個停車場都唔夠位泊 , 好多車泊晒出去隔黎街 , 有 d 車泊埋上草地硬食牛肉乾 . Chadstone 大得黎有 d 似 IFC , 不過多好多平民價鋪頭 HoHo . 黎到澳洲咁耐都未見個一個地方有咁多人呀 , 今日好多間鋪頭都好似旺角 H&M 咁迫爆 ! 行左 8 個鐘 , 行都腳都軟 , 少少地買左幾件野啦 . 我買左件 SuperDry 背心 , 香港未見過買番件 XD Cotton On 一件 T-shirt 阿詩買左副太陽眼鏡 , 補番上次剪洋葱跌左 …. Cotton On 背心 , Typo 量匙 , 月曆 , notebook 套 黎左澳洲咁耐 , 終於買非食物既野嘞   詩 : 試牛仔褲時發覺終於可以著細兩個碼既褲 , 好開心呀 ^^ 突然減肥成功

2010 年 12 月 25 日 墨爾本 因為早一日吹親唔舒服 , 今朝起唔到身出 City 聽詩歌 , 無所事事食埋午餐先出街 , 去邊好呢 ? 都未試南半球過聖誕節 , 不如去沙灘啦 . 哎呀 , 今日唔夠熱 , 沙灘無 Bikini 女仔呀 T.T , 連游水既人都只得一兩個 , 好多都出黎野餐和 BBQ. 我地都有準備食物 , 帶左工廠送既 Cappuccino 蛋糕出黎開餐 . 聖誕節點少得聖誕老人 , 呢家人超誇張呀 , 帶埋個吹氣聖誕老人 , 同埋大帳幕 , 好勁呀 我地再去左附近一個景點 Black Rock House , 點知今日無開門 , 係門口影張相就走人 X’mas Day 好多鋪頭都關門 , 我地返屋企煮飯仔 , 再開多枝紅酒飲 ( 都係工廠老闆送既 2008 年紅酒 ) . 食物保持水準 , 但枝酒就 … 太重酒精味 , 要溝溝 Lemon Soda 先入到口 , 枝酒都係留番黎炒餸啦 .

2010 年 12 月 24 日 墨爾本 詩 : 今日無食火雞餐轉去 BBQ , 同樣咁開心 等埋我放工 ( 原本話 2 點放架 , 點知 3 點先走得 ) , 就同一班香港台灣 working holiday 朋友去左公園燒雞翼。 依到 bbq 同香港唔同 , 好似 d club house 咁係鐵板到煎黎食。 之前係 Gold Coast 公園都見過 , 果時都已經好想去燒 , 但燒野食要一班人先開心架 ! 真係辛苦晒 Edith 同 Carrie 去霸爐等咁耐 , 同埋幫手買食物的 Urica, Beatrice, Liky 同卓。一黎就燒最易熟既腸仔同埋豬肉串 , 台灣朋友的食法有點不同 , 佢地會用麵包夾菜同腸仔一齊食 , 我地又學下先。之後燒既係雞全翼 , 唔可以平放 , 真係燒到黑都未熟 , 我地轉另一個爐加水焗熟佢 , 攪左都有 45 分鐘先有得食。炒青椒同埋自製薯片都係好新鮮的燒烤菜式 , 太好味了 , 個個食飽飽時仲有牛扒食。加埋汽水同薯片 , 每人都係 aud$6.60 。 食完已經係 7 點 , 去 city 過聖誕既意慾都少了 , 就在 springvale 裡的教堂感受一下節日原來的意義 , 記念耶穌的誕生。我地去的是小教堂 , 一開始時就覺得有點不對路 , 完全唔知講乜 , 講的不是英文 , 應該是法文吧 ! 我地見到人地企就企 , 坐就坐 , 想去融入氣氛中但有語言上的距離感 , 另一種對聖誕節的感覺 !