浪跡天涯 漫步袋鼠國 我們的澳洲日誌

2011 年5月17日 澳洲報稅　，　退稅 齊齊來研究 http://hipporoamoz.blogspot.com/2009/08/e-tax-2009.html http://www.wretch.cc/blog/joenien/16231133

2011 年 5 月 17 日 Hunter Valley 埋黎睇 ! 埋黎揀! 有野賣 ! 有野賣! 最新: 工作介紹 !! Car For Sale ! Ford Laser Liata Detail 亮點: 令立立 Foot Pump for Sale !! Detail Air Bed for Sale !! Detail 買車後再送工作介紹: Bakery Factory in Melbourne. Making and decoration of cup cake, mug cake, mini cup cake, sausage roll... Depends on department you are working 工時穩定　，　每週工時 40+ hour ，　最多曾經一週60小時 儲錢快 Salary: 15/hour Contact: 0433045413

2011 年 5 月16日 Newcastle 星期一都係休息日, 天朗氣清, 一舊雲都冇 我地唔可以再宅落去喇 (其實只是宅了幾天, 工作太累想休息, 抹完車不想外出整污濁架車, 要賣), 但結果被屋主誤會我地住得唔開心, 唔鍾意hunter valley, 想我地走去第二度繼續holiday; 而且屋主仲以為我地唔鍾意佢d野食, 要自己煮, 但佢係冇講清楚有野食係雪櫃自己拎。一個加一個既誤會, 感覺被屋主趕走, 由超級開心的日子變成超級失落。結果我用一封信去和解了。 我地去了離Hunter Valley 一個小時的 Newcastle, 終於見到個海喇 係澳洲無游過水又點算係黎過澳洲, 結果我地做左個決定, 就係游冬泳喇! Newcastle 既海邊有個 Ocean Bath, 即係海邊泳池, 水都係海水, 一路聽海浪一路游,所以很有在海游水的感覺 是日水溫係18度, 落水試水溫, 腳有麻痺的感覺, 不停的想著是否跳下去 不過今日唔落, 之後再凍d就冇得落 跳左落去先再算 凍到浮起左?! kelvin: 凍瓜左變浮屍 凍到仲識笑 我地游左都有十分鐘, 極限了, 衝入更衣室沖個熱水涼先 上岸曬太陽仲舒服 大浪既時候, 海水會流入泳池 食個午餐先, 一中一西, 有時會很掛念中式食物 上面個盒仔裝了牛肉炒麵, 澳洲好多間麵舖都用類似既設計 下面個包都係NSW 先見過, 好過麥當勞啦 係melbourne 買的沙灘巾終於用得著了 依到既沙都好幼滑, 東岸既沙灘係唔同d, Melbourne的簡直...............比不上 Crocs 重現沙灘, 仲扣多左支澳洲國旗同樹熊 沙灘咁軟, 又點會唔跳 很明顯的腳印路, 冬天少了泳客 前往燈塔的路, 有很多大石頭, 不規則地放著, 很有藝術感 右邊是海港, 有大輪船駛入, 就像維港一樣, 不過美得多 又一個燈塔, 奇怪的坐落在沙灘上的山丘 我們都跳上藍天了 在Newcastle 的火車站, 仍然用手動的路線牌 坐車子可以去很多地方 但用腳行可以看更多好東西 所以去完海邊沙灘 , 就去左市中心四圍行 我們要爬上 Queen's Wharf Tower, 在40米高的觀光塔下看Newcastle 的風景 觀光塔的倒影落在火車上 要一口氣爬上去

2011 年 5 月15 日 Hunter Valley 一連兩天既節日Lovedale long lunch , 為屋主帶來可觀收入 20人包左成間酒店 , 我地仲會為他們煮埋晚餐同早餐 屋主係3天前已經要準備食材 , 和煲定湯 我地兩個就幫下手切下蔬菜 , 洗下碗 講起洗....終於要係外國洗大餅 .... 20人既晚餐 , 佢地一邊食我地一邊洗 , 又多碟又多刀刀叉叉 , 又酒杯水杯 , 洗到傻 客人離去 , 我地清理埋客房 , 就去Lovedale 其中一個酒莊去見識見識 屋主送左兩個酒杯俾我地 , 拎住佢就可以去咁多個酒莊任飲 但因為一個又一個既誤會 , 我地無帶埋出去..... 不過屋主晚晚都請我地飲紅酒 , 飲少日無傷肝 酒莊今日人頭湧湧 , 唔係坐旅遊巴就自駕過黎 Long Lunch ... 男屋主話好唔抵架, 又無野好食 所以我地都係去見識見識就算 去聽下歌仔 , 睇班鬼佬飲High 晒 , 跳舞跳到玩櫈... 離開酒莊 , 週圍兜下風 澳洲好多地方都有草泥馬 , 身後又有3隻 見咁好天 , 同風景合照先 自己屋企個Long Lunch 仲好食過出面 因為屋主夫婦都係Master Chef 有菜湯同南瓜湯 原來南瓜湯要加Sour Cream , 意大利人食法 二十人的餐桌 見到d大餅就頭暈  XD

2011 年 5 月13 日 Abernethy 這個週未有20位客人來住宿 , 這次比以往的不同 , 因為我地酒店會提供早餐和一餐晚餐 最近幾天我地幫屋主打掃成間屋, 一共15間房, 工作包括: 鋪床執房 , 學識左酒店業界鋪床既方法 , 摺到起角; 抺枱抺櫈抺Sofa , 見野就抺 , 吸塵 , 掃蜘蛛網 (真係幾討厭d蜘蛛 , 一日就整到四圍都係佢地頭) 省令個噴水男孩 , 由綠色變成白色 , 青苔byebye 掃晒花園樹葉 , 掃極都有 , 很有秋天的味道 泳池撈樹葉 , 一日最多只有兩片 廚房幫工: 刨薯仔 , 原來一直用錯把工 , 係屋主新手學番兩招 , 刨出黎既薯仔又快又乾淨 幫手整Tiramisu , 係客人既甜品 , 屋主第一次整 , 太稀 , 要重新整過 屋主一早就出去買材料 , 但買番黎既意大利芝士係壞架 , 明明六月先到期 , 要幫屋主揸車出去woolwealth 買 , 車程來回20分鐘 , 都未計係咁大間超市搵一隻牌子芝士既時間 , 屋主太緊張了,  25分鐘都未返到就開始擔心... 每晚都會準時7點前食完飯 , 因為屋主夫婦要睇電視烹飪節目Master Chef 受佢地影響我地都睇埋一份 , 前晚講到班參賽者要半夜俾主持叫醒 , 去麵包廠整新鮮麵包 , 見到佢地個個都要戴Hair Net , 諗番起墨爾本做Cake 的畫面 , 好搞笑 開始冬天嘞 , 昨天大部份城市都氣溫下降 , Blue Mt. 仲落雪tim ... 我都想感受下落雪呀... 6月既行程未確實 , 去唔去世界中心好呢 反而睇定新加坡既住宿同交通 , 唔知新加坡有邊間店好好食呢

2011 年 5 月8 日 Hunter Valley 母親節快樂 ! 回港要補祝, 整蛋糕給媽媽及家人 是日甜品: 紅蘿蔔蛋糕 我都係黎到澳洲先接觸到, 用紅蘿蔔都可以做蛋糕 剛焗成, 未加icing 係工廠就做得多icing, 今次第一次自己做icing 屋主夫婦去左玩, 我地今晚要自己煮 不過難題一一出現, 廚房雖大, 但食材已經無乜可以用, 蔬菜都霉左, 薯仔都出芽 我地可以做的只有芝士蕃茄意粉 令人致肥的芝士魔鬼.......又鍾意食, 又怕肥 Kelvin很努力的update blog..........我一路煮, 佢一路玩電腦........ 幸好叫"三聲"都會幫手 有相為証, Kelvin 係有幫手清潔 Kelvin後面既門唔係出口, 而係成間雪房, 好多麵粉, 芝士, 酒.......... 攪左成3個鐘的晚餐............ 屋主食飽飽返黎, 我地先開始食呀~~

2011 年 5 月8日 Abernethy - Hunter Valley 轉眼間係度已經一個星期 , 呢度起居飲食太好嘞 ! 最近3天都有客人黎包場 , 我地就留守係自己間屋仔 , 客人有咩事 , 例如無帶鎖匙都可以搵到我地幫手. 因為客人包左場 , 個廚房鎖左 , 我地一日三餐就早兩日準備定 , 用微波爐翻熱 . 好彩班客人都好自律 , 沒有大肆破壞 我地間小屋 ... 屋主好熱情 , 經常送生果甜品黎我地度 , 我地好似狗仔咁 , 係屋企等飯食.... HaHa = ) 尋晚班客人無啦啦住多晚 , 我地無準備尋晚果餐 , 點算!? 救星到 ! 屋主間屋仲有個後備廚房 , 男屋主即刻炒番味餸 有蝦食 , 正! 今日班客人走晒 , 做左半朝執床執被單倒垃圾之後 , 屋主放我地假 屋主話屋後面以前係個礦場 , 可以去睇下 個礦場附近都好荒蕪下 出街散完步回家.. 步入冬天 , 下午5點太陽就要下山了 今朝發現 , 南半球的太陽係係北邊架 仲有冬天開始 , 太陽開始遠離南半球 , 到了中午太陽都唔會係頭殼頂 , 以係係北面 , 離地面大約60度啦 明天 , 後天又放假 !