浪跡天涯 漫步袋鼠國 我們的澳洲日誌

8月28日 - 9月1日 香港  悶熱 出發前原來會這麼忙 , 行李執左兩日 , 到最後一日也在"微調"中 出發前3日去了東涌搵周醫生洗牙 , Winjo 好慘被發現有蚊牙要補 , 明明我平時刷牙求其好多 , 好彩都無穿無爛 . 一場出到黎東涌 , 係IT outlet 買左頂chocolate cap帽 , 好抵好抵$84 ja. 女人d購買慾真係好高架 , 一件唔夠...都係唔好講啦... (好想delete左依段 by詩) 要買的還有些未夠 , 買藥啦買日用品啦 , 出發前2日極速係旺角掃左轉 , 再拎埋卡片去澳洲週街派 呢幾日禁完錢無耐又要禁 , 禁極都唔夠洗 >< 還有抽時間去銀行拎澳元啦 , 最近規定每次提款澳元上限為AUD$500 , 多左要收手續費 , 但此手續費比開張匯票, HK$70手續費一張低 . 但提醒大家拎住咁多現抄始終都有危險 澳洲的shared house 又有變動, Rose St. 條韓國仔玩野租左俾第二個 , 痴線架 ! 點會有人出價 $170 一位架! 不過現在仲好 , 靚仔豪哥幫我地搵到間地點仲好仲要平$5 , 新地址會係Lather St. ~ 你咁叻仔 , 到澳洲點可以唔請你食番餐 ! 點忙都好 , 最梗要同家人朋友食飯 , 各位一年後見啦~ 大喼, 大背囊 , 中背囊, 睡袋 , 相機袋 試背上18KG 還可以啦 最後一晚終於執完 希望無帶漏野啦~ 黎多張大合照先 =) 我們出發了~~ 香港一年後見~

仲有5天就出發!! 基本上物質已買齊 , 但原來仲有好多野未準備好 List 晒出黎提下自己先: - 執行李 , 2個人一年既物資質入一個大喼和一個大背包 - 老作個人 簡歷 - 設定銀行轉帳 - 去旺角拎卡片 - 睇wordpress notes - 搵當地屋, 搵銀行, 搵電話 - 搵當地/轉機機場交通 - 掃描護照 - 印機票 - 幫件T-shirt 畫公仔 - send Michelle e-mail: Form soft copy - 燒碟曬相 忙忙忙~~~ 最新消息!!! 有屋住嘞!! 去到唔洗訓街了!! 地址會係Rose St., Southport, Gold Coast 感激豪哥咁落力幫手

今晚天都下起大雨 , 天都為在馬尼拉的死難者留哭 今晚身在香港的我們只能透過電視了解現場情況 , 我們什麼都做不了 , 香港的特種部隊不能過去幫手救人質 , 我們只能眼白白望著班零戰術 , 零裝備的菲國軍人 , 笨拙的營救人質...由第一搶響起到殺死個犯足足一小時 , 如果當中已經有人中槍 , 流血都流死啦...出國旅行變成條不歸路....7月14.... 真的希望這無辜的事再不會發生...

一朝早就去銀行拎澳紙 , 之後食住早餐係度諗 "我地今日去邊好呢" , 諗諗下諗...就赤柱啦~ 對上一次已經係4年幾前了 , 聖誕夜的晚上在赤柱, 凍死左我地兩個 星期六日可以遠離城市去呼吸新鮮空氣 , 比去商場涼冷氣更好 上次黎赤柱天都黑晒 , 睇唔清楚 . 原來巴士站旁邊有座外表時尚的圖書館+體育館 感覺似日本或者台灣的 還有些沙灘泳客會黎體育館沖身 閒逛赤柱大街 . 大部份的店鋪都貼張不可拍照  >< 我地只好乖乖地用眼睛看 其中有兩間賣畫的幾好睇架 3點3係時候Tea 一 Tea 成條街都係酒吧, 最後我地俾PizzaExpress 吸引住貢左入去 就快離開香港, 消費的意慾稍稍高左些 Order 左一杯 Cappuccino 和一杯Latte , 再一件Prama 薄餅 Prama 上面的芝士好香好好味 在赤柱街上走很遊閒 , 享受碼頭上海風吹來的涼意 係美利樓見到"美人時計" 在拍照 看我們多無聊 回程先取道灣仔醫肚 話晒都係我地頭 , 就帶詩詩去間好好食既越南湯粉 "越旺" 呢間食店係家庭式經營 , 由於晚市比平日上班日子少人 , 食飽仲可以坐陣睇埋電視先走 趁收鋪前去埋"玩具街"掃左一排四隻鬆弛熊 是日又食又拎~滿載而歸 卓

明明已經有外幣戶口 , 又有兌澳幣 , 今天本來打算Book 定銀行, 下星期可以一筆過提取澳紙 , 怎料 中國銀行 規定每天只可以提取Aus $500 !!! 令人氣惱 !!! 現在起每天提取的話都不夠用 , 要另加匯票才行.... 多謝Michelle 的幫忙, 保險都準備好了 多謝Ken 哥 , 我們不用訓街了 這趟旅程有了新的目標 , 我們都很期待啊 =) 向夢想飛行~~ 今天在雜誌看到: http://www.senzumbrellas.com/index.php?id=48&movie=201 藩蔚林可以用這把遮去報道10號風球了 by  卓

每個月的記念日都出去食番餐。 8月就係離港前的記念日+慶祝卓卓考到車牌。 除左日本野、西餐之外, 仲有冇d乜未食過呢。 係openrice找呀找, 突然見到間係食新疆菜的, 即刻打電話去book 先。 間餐廳係K11, 叫"帕莎"。 有部專lift去各層既餐廳, 按4/F, 奇妙既事就開始啦............ 一打開lift門, 我地心諗係咪去錯地方? 唔係食中菜嗎? 我地彷彿坐了飛機, 去了異國, 四周都充滿了中東、古埃及的特色。 因為我地book左8點九, 我地8半就到左, 職員就帶左我地入內的bar位到坐住等。 個bar位唔係酒吧位, 係一張2人sofa, 中間放著一張小小的茶几, 有點點的燈火陪襯著。 等到8點九, 職員話客人還在吃甜品, 要再多等十五分鐘。 他更說很不好意思, 要請我地飲杯野, 啤酒、果汁任揀。依d服務真係好少有。 未叫野食前, 突然音樂響起, 兩位著得很sexy的dancers 出來跳肚皮舞。有個後生d既好靚, 頭頂一排candles, 扭扭扭的, 很好的平衡力噢。而另一位整個肚皮都會跳動的, 很厲害呢。如果生日的話, 更會播生日歌, 她們就在壽星旁大跳肚子舞, (卓:係肚皮舞呀 XD) 太正了。 我地點左3樣菜, 烤羊串、新疆烤春雞、羊肉烤包。嘩~~ 就算唔鍾意食羊既, 都會愛上, 外脆內juicy的, wonderful ar............ 仲有, 佢地仲會送個烤包with 雞肝醬+ oliver醬。 依間餐廳又好食, 又有表演睇, 超值體驗呢! (埋單二百五~) by 詩詩

今個weekend 丟下了詩詩自己去玩 :P 朝早係大埔墟搵食我諗起"陳漢記" , 廿年老店煲的粥夠綿又夠火侯 , $25 有埋一碟蝦米腸 , 認真經濟好味 今年IMT同學Book 左水口的camp 因為我地今年主打活動係摸蜆! ! 租好用具就可以行出去海邊泥灘開工 成班農民好努力咁掘 , 掘左粒幾鐘收穫都幾豐富架 , 一大盤蜆夠晒呢班大胃王吃 晚上好乖唔賭錢 , 又學識多一樣board game , 好好玩的 一班人玩歡樂片段特別多 第二日出camp join 埋中同去清水灣同陽光玩遊戲 影極都唔靚 , 都係auto mode 先識影...先努力進修先得 隻狗非常搞笑 =) 哈~第一次帶枝腳架出街玩 , 跳到有點累呢 都收貨啦 晚上上番西貢全記食海鮮 , 叫左七八碟餸 , 好滿足 海邊摸蜆+ 海灘傻狗 + 海鮮大餐 完成海海海三重奏 離出發澳洲仲有...2個週未!

我們9月2日便會離開香港去澳洲 , 今日搞好晒清稅手續可以安心去澳洲了 以下是我們不同的流程 : 個案一 詩詩係7月27日 Fax  通知稅局 自己會離開香港 , 並通知公司填交 IR 56G 7月30日有位稅局周生打電話黎通知 , 要係8月中之前親自去稅局辦手續 8月9日公司寄了IR 56G 8月13日帶同IR 56G 副本上了稅務大樓26樓搵周生 , 即場填好報稅表 , 即日繳稅 , 拎封"釋款通知書"返去俾僱主 , 完成 !! 個案二 小弟7月22日Fax 通知稅局自己會離開香港 , 並通知公司填交 IR 56G 7月31收到稅局寄來報稅表並要交10天內交回 8月12日公司給我IR 56G正本 8月13日帶同報稅表+IR 56G正本上29樓 , 稅都唔洗交仲有退稅tim, 拎封"釋款通知書" 寄去俾僱主 , 完成 !! 今日順口問稅局唔清稅會點 ? 原來會唔扣番個預繳稅 , 簡單說即係會俾多左稅! 今天放了半天假係中環遊左個圏 , 藍天白雲的中環很美 Pacific coffee 的膠杯原來係用粟米整 今晚上了由EIE 同學搞的Fairwell Cafe Party , 大夥人一齊玩Pictionary 你地估下 "1" "2" "3" 係咩? Tips: 1 係物件 , 2都係物件(一筆過畫) , 3係地方 係咪好難估呢~ 都係開估啦 1: 正當大家估解係魔鬼既時候 , 原來係"細菌" 2: 窗...雲....天空.... 無錯就係天窗 3: 詩詩畫的 , 俾我好快撞中左 "歌劇院"  卓

考到了~~考到貨Van 棍波了~~可以去澳洲查車自駕遊 , 諗起都興奮 拎到成績第一時間跑去搵師傅黎個Give me Five~ Nice 係咪奇怪點解得丙部試合格呢? 咪因為上個師傅教得唔好 , 佢勁燥底 , 影響到我渣車情緒, 搞到過得一半關 今次second take 好在有呢個師傅 為左離開香港後可以keep 住個電話number , 之前同詩詩格個價, 發現薯乜通個儲值咭係最抵 其他要$80 但呢個就只$68 要注意既地方係要180天後要增值一次$50 才繼續生效 如果上網PPS 交要最少增 $100 但不是增了360天 所以會找家人係櫃員機交錢 多謝收看 卓

wii 都有得玩winning ? 無錯 , 畫面仲好似星球大戰咁 人地PS3 有8粒制 , wii 個 remote control + 雞脾就夠制玩?? 哈! 因為搖雞脾係射波!! 好好玩呀 係旺角毅城買睡袋 準備去澳洲用 , 買滿左$500 入埋會仲即時可以9折 tim , 抵呀 今晚join 埋香矛輝一於試下風月堂 , Order 左.... 幫阿輝宣傳下啦 , 左邊果位係咪好靚仔呢~~佢電話係 609

Fair well 第一炮由大食會開始~ 我地當然不敢怠慢, 精心炮製白汁雞王扁意粉 和粟米薯蓉 睇到d水都流晒口水啦~ 下次要買細粒薯仔 , 今次太大粒好難整得夠蓉 大食會全家福~正 62話 : 得呢~~~d合格 話我話, 個沙律唔係出水都幾好既~ 今次大食會既主角唔係小食, 竟然係澱粉質! 樣樣都好飽呀! 食到咁飽好想訓 , 咪傻啦 , 緊係玩啦 直落夜晚BBQ , 好飽呀!!