出發倒數5,4,3,2,1

作者： -
8月28日 - 9月1日 香港  悶熱

出發前原來會這麼忙 , 行李執左兩日 , 到最後一日也在"微調"中

出發前3日去了東涌搵周醫生洗牙 , Winjo 好慘被發現有蚊牙要補 , 明明我平時刷牙求其好多 , 好彩都無穿無爛 . 一場出到黎東涌 , 係IT outlet 買左頂chocolate cap帽 , 好抵好抵$84 ja. 女人d購買慾真係好高架 , 一件唔夠...都係唔好講啦... (好想delete左依段 by詩)

要買的還有些未夠 , 買藥啦買日用品啦 , 出發前2日極速係旺角掃左轉 , 再拎埋卡片去澳洲週街派

呢幾日禁完錢無耐又要禁 , 禁極都唔夠洗 ><

還有抽時間去銀行拎澳元啦 , 最近規定每次提款澳元上限為AUD$500 , 多左要收手續費 , 但此手續費比開張匯票, HK$70手續費一張低 . 但提醒大家拎住咁多現抄始終都有危險

澳洲的shared house 又有變動, Rose St. 條韓國仔玩野租左俾第二個 , 痴線架 ! 點會有人出價 $170 一位架!
不過現在仲好 , 靚仔豪哥幫我地搵到間地點仲好仲要平$5 , 新地址會係Lather St. ~ 你咁叻仔 , 到澳洲點可以唔請你食番餐 !

點忙都好 , 最梗要同家人朋友食飯 , 各位一年後見啦~


大喼, 大背囊 , 中背囊, 睡袋 , 相機袋
試背上18KG
還可以啦

最後一晚終於執完
希望無帶漏野啦~
黎多張大合照先 =)


我們出發了~~
香港一年後見~

留言

  1. Acid2010年9月1日 下午8:49

    你好啊~ 我都會係十月底過澳洲~ 希望到時同你地會有緣相遇啦 =)
    [版主回覆09/04/2010 08:16:00]Halo Suen~ Sure~ Let's meet at Australia

    回覆刪除
  2. 追夢2011年3月27日 上午8:25

    咭片有咩用gar？？
    [版主回覆03/29/2011 19:10:00]無咩用 Just For Fun Ha Ha

    回覆刪除
  3. 追夢2011年3月29日 上午7:06

    okok，明白晒！！你o地去完毅成覺得一田抵d定毅成抵d呢？？
    [版主回覆03/29/2011 23:10:00]你行完話我知丫 ; ) 我唔知佢地幾時特價喎 ; )

    回覆刪除
  4. Kiki Li2011年6月6日 下午10:35

    哥哥 & 姐姐,你地嗰張係咪卡片黎?@@ 你地印埋卡片阿?~~~
    [版主回覆06/07/2011 16:30:00]係呀 , 卡片呀 , 仲有好多 , 返到黎香港可以俾張你 卡片呀...黎到發覺無實際用途 , just for fun 還好

    回覆刪除
  5. KITTING2011年8月15日 上午6:54

    係咪要print 定好多cv 去派?
    [版主回覆06/18/2012 20:44:21]20份啦大約
    唔洗太多 , 因為你的資料會update

    回覆刪除
  6. Jasmine sim2012年6月11日 下午11:45

    hello, 我黎緊都去WHV呀..我想問下你個大喼係幾多SIZE呀..?因為我打算帶29"既, 怕成日移動會比較麻煩~
    [版主回覆06/18/2012 20:46:51]唔係成日移動, 但每次移動搬上搬落 , 一個女仔搬29' 有點吃力 , 你可以當練肌肉 ; )

    回覆刪除
  7. ka po2012年6月26日 上午7:48

    唔好意思, 我想問, 出發前大約要用幾多錢準備去澳洲?
    同埋你地帶左幾多錢過去用呀?
    [版主回覆07/02/2012 23:29:01]準備既物資要洗幾多錢? 豐儉由人啦.
    帶左.... 記得好似係每人三千AUS

    回覆刪除
  8. Starki2012年8月5日 上午2:11

    如果澳洲無朋友的話, 咪好難搵到屋住?
    [版主回覆08/05/2012 18:54:48]都唔係架, 你上gumtree, 背包客棧望下都會有

    回覆刪除
  9. 百毒不侵2012年10月8日 上午8:25

    基本係咪申請左工作簽證+機票+護照就可以出發過澳洲
    [版主回覆10/09/2012 20:28:44]呢個問題好基本唔難答
    [版主回覆10/09/2012 20:27:38]Working holiday visa 批左俾你既話就ok , 你用番申請時填既護照就可以入境，有效期一年
    [百毒不侵回覆10/09/2012 18:29:56]唔該曬,你真好人,
    咁快答我,黎個問題我一直都想知答案好耐
    [版主回覆10/09/2012 14:31:51]係…

    回覆刪除

發佈留言

此網誌的熱門文章

澳洲旅行結婚 , 出發準備

作者： -
圖片
2012 年8月香港 曾參與過大大小小的婚禮和婚宴 ， 在香港搞大龍鳯始終不是我們杯茶. 又想特別少少 ， 點算好呢? 澳洲 ， 我地又返來了 每到澳洲都唔係旅遊咁簡單，上年完成了一年的working holiday, 來年我地會去澳洲旅行結婚  順便玩一轉大堡礁 。 計劃行程 , 做足出發準備 , 呢種似曾相識既感覺又返返黎。  諗起再次執拾背包 , 諗起都興奮 . 最重要既係 , 做我地所想 基本上每個state 既手續都差唔多，在澳洲註冊要在認可的婚姻監禮人celebrant下才有效，可以自行搵celebrant 在自選的地方註冊，這些私營的celebrant 一般都按服務收費；亦可搵政府的celebrant 主持儀式。黎緊我地會去Queensland  的 Brisbane 個 Registry office 簽紙，一黎中意大樓的復古英倫建築風格，室內寬敞可容納50人，二黎唔駛另外搵celebrant，一個價錢包左場地，官員和儀式。 室內 (quoted from official web): 大樓外貌 (Google map): 係澳洲註冊唔似Las Vagas 咁walk in 就可以註冊，當日最少要有兩個證婚人，一個月前要交張叫 Notice of Intended Marriage 既表格，表格可以親自去澳洲交，而我地揀郵遞，郵寄的話要在大日子前最少６個星期要遞交。呢張Form 要係合資格人士見証下簽名(The original signed NOIM form. The signature must be witnesed by a qualified witness specified on the form)，咁可以搵律師搞啦，不過搵律師咁貴，去澳洲大使館搞化算Ｄ。郵遞申請仲有其他附件，包括個人身份文件副本，即係我地本PASSPORT，呢個副本要搵人證明係真實啦 (Certified photocopies of the identification documents)，澳洲註港領事館會提供付費公證服務。最後一併寄埋一封Cover Letter，寫下想咩日期註冊。因為要在大日子前五日俾官員睇文件正本，如果未能...
閱讀更多

Australia Working Holiday - 嘔心瀝血終極大總結

作者： -
圖片
2010.09 - 2011.07 澳洲 前言 Working Holiday  工作假期已經唔係咩新奇事物 , 現在可以工作假期的國家還有加拿大 , 愛爾蘭 , 德國 , 日本, 韓國 , 澳洲 , 紐西蘭 遇過有一對大學生情侶一畢業就去澳洲體驗一年. 有在三十歲前趕上尾巴車闖盪澳洲. 有結婚後留底老公係香港,獨自來過新生活. 又有留底男/女朋友係香港自己過黎 . 亦都有結婚後一齊去澳洲一年當渡蜜月 . 也有不少在職場打拼數年後要衝出香港尋找新刺激 世界很大 , 有很多美麗地方 , 何不出去看一看 下圖攝於Tasmania 每個人都帶著唔同既理由去WH.  以WHV 身份來澳洲99%不是只來觀光. 更重要是在這裏生活. 以下摡括澳洲生活一些資訊 (資料如有不足 , 可自行google , 看澳洲網頁當學英文啦. 以下價目全以澳元計. 澳元/港元: 8.3) 澳洲....大得很 地圖上看, 澳洲面積只比中國或美國少一些, 而澳洲比印度大一倍有多. 但澳洲只有2千多萬人口 !!!! 只比香港多3倍!!!  或許在澳洲, 羊和袋鼠的數目真的比人多.. 澳洲境內有6個省:  New South Wales  (最大城市Sydney悉尼)  , Queensland  (最大城市Brisbane布里斯本) , South Australia  (最大城市Adelaide阿德來德), Tasmania  (最大城市Hobart 荷巴特), Victoria  (最大城市Melbourne 墨爾本) , and Western Australia  (最大城市Perth柏斯) 和2個領地(同省沒有大分別) —the Northern Territory (最大城市Darwin 達爾文)and the Australian Capital Territory (最大城市Canberra坎培拉) 每個省有各自的省政府和交通工具網絡 . 雖然各省有省法, 但大致上法律內容差不多 有個英文字一定要識, 就係Suburb . 即係區咁解. 澳洲每個地方都細分做唔到既Suburb. Suburb有大有細, 有D深水堡咁大, 有D元...
閱讀更多

澳洲-回憶太多

作者： -
圖片
2011年7月20日 香港 Kelvin 的大嫂成功產子 , 母子平安  , 可喜可賀. 不往我地及時回港睇BB 回港已有10天 , 時不時都會掛住澳洲既生活 以下是working holiday 最sweet 的一刻 在世界中心呼喚愛 ... 唔係  應該係 . 在世界中心求婚成功 詩: 當天到了世界中心的一刻已教人興奮, 在欣賞的途中, 突然被拉到較少人的看台。Kelvin問了幾個奇怪的問題, 但我依然未發現有異樣, 最後, 他終於講到戲肉, 向我求婚, 我卻傻傻的呆了, 個心跳得很快, 很緊張呢。多謝你給了我這美好的回憶, 我愛你呢。 澳洲真的很美, 很希望在這樂土拍婚紗照, 更想去Carins渡蜜月呢..........Carins 是我們想去但未有機會去的地方呢~~~ Kelvin: 在世界中心求婚 , (正式地名叫烏魯魯, Uluru) , 好型呀 , haha 回港要做既野有好多 , 先要搵工 , 再儲錢 , 買樓 , 結婚 , 漫漫長路 , 廷續我們的故事
閱讀更多