浪跡天涯 漫步袋鼠國 我們的澳洲日誌

2011年1月30日 星期日 溫度已40度了 今天已經決定了半年內的行程大綱, 因為回家的路已變得很鮮明呢 2011年7月4日21:35就會由Perth 離開澳洲了 但不是直到香港 而是經過星加坡逗留到7月9日16:05 所以正式回到香港的日期是7月9日20:05 2月: 依然是工作月, 星期天會去melbourne的景點旅覽一下 3月: 我會有兩個星期暫別澳洲和卓回港, 卓要獨自生活, 我要獨個兒坐機, 都是我倆的新嚐試 再次回來的一個星期後, 即3月31日就會到世外桃園 Tasminia 玩一個星期呢, 想起都興奮呢 4月: 找homestay 5、6月: 悉尼遊覽, 要食seafood、爬橋呢! 到Darwin->Alice Spring->Urlulu, 要到世界的中心 再過多一個月的work hard生活就可以play hard了 work hard 除了做到扒地, 手仔攰 , 腳仔痛的缺點, 其實都有好處的: EQ 會高了一點、學會裝飾蛋糕、不知不覺的減肥、儲到錢去玩呢

2011 年 1 月 26 日 墨爾本   今天是澳洲日 , 不用返工 , 於是約埋 Liky, Carrie 去市中心自遊行 : ) 一到墨爾本市中心就見到有巡遊 , 澳洲其中一個特色是住了多元化的民旅 , 所以啦 , 巡遊隊伍主要都是其他國家的代表 , 穿上自己的民族服裝載歌載舞 .   有 Star Walker 隊伍點解無 Bikini 隊伍 …. 做乜每每巡遊就有 Star War !? 嘩嘩 ! 法輪功軍隊好龐大呀 ! 仲有練功童   這部音樂車好特別架 , 是用一本本特製的書來播音樂 , 一本書就是一隻音樂 , 音樂機隨著每一頁的特別坑紋就會播出悅耳的音樂 .   隨著巡遊隊伍而行我地黎到 King’s Domain 公園 , 這邊有很多攤位 , 有食的有賣野的 , 有表演的 , 仲有狗仔執波比賽 !   古董車都黎揍熱鬧 哈哈 , 行程緊密 , 我地再去埋旁邊的 Shrine of Remembrance 戰爭紀念館 . 它是為了紀念為國捐軀的士兵們 . 這裏有點像台北個中正紀念堂 , 哈 ! 館內有 4000 個勳章 , 每個勳章都代表著 100 名士兵 . 站在這裏的露台可以看到很遠的地方架   無所事事的下午去到 St Kilder , 本來以為有免費批和肉卷派 , 點知又無喎 . 肚餓就食左個炸海鮮籃 , 很熱氣呀 ! St Kilder 的 Acland Street 有好多酒吧食店 , 仲有幾間賣蛋糕西餅的勁吸引 , 如果有多 d 錢就好 lor   St Kilder 都有個 Luna Park , 免費入場 , 場內每個機動遊戲再另行收費 . $41 就可以任玩 . 是否每個 Luna Park 都好小兒科 ? 阿詩話 ’ 呢度 d 野好似荔園 ’ 就連過山車都可以站著玩 , 好果人人都站著玩我就玩 lor   原來一個下午可以有咁多時間 , 我地去睇澳洲網球公開賽囉 ~~~ Australian Open !! 哈哈 , 講下 ja , 我地在場外參觀 ja ! 30 號就係決賽 , 留在家裏睇電視吧    

2011 年 1 月 23 日 Melbourne 同大家介紹 , 請位就是小詩詩大廚 ! 掌聲鼓勵 ~~~ 遊逛 Dandenong Plaza 時見到這條圍裙 , 即刻買啦 , 煮餸就唔駛弄污啦   豬牛雞羊都食過了 , 試下煮澳洲的海鮮 最近小詩詩大廚煮了兩道海鮮菜 茄汁海鮮   豉汁海鮮   好好味喔 仲有煙肉庵列   星期三是澳洲日 , 去 City 逛下先

2011 年 1 月22日 Melbourne Brighten Beach 的海邊小屋 , 我地第二次來了 今次來是因為第一工作了一星期係時候鬆一鬆 , 第二黃昏屋仔會靚d , 第三放工驅車去沙灘扮下香港有錢人生活既生活, 第四夜晚9點大陽先落山夠晒時間去啦 出發前去超市買隻焗雞做晚餐先  食淨d皮唔緊要 , 會用黎餵雀 13號屋仔主人的寫意生活:  聽歌睇書 , 睇完輕鬆地收埋大陽傘和椅子入後面間屋仔 , 又一天 有人餵雀越餵越興奮 , 海鷗越黎越多 咪睇海鷗傻下傻下既樣 , 佢地爭食上黎好惡死 有人拋塊雞肉係我前面 , 班海鷗撲埋黎 , 你都咪話唔驚 太可惡了 , 馬上行動趕走班傻雀 介紹下啦 , 我地對Crocs 鞋由Gold Coast 開始 , 已經有幾次吸引外國人的注意 , 佢地會走埋黎指住對鞋話 : '嘩 ! 對鞋好靚啊' 渣車經過都係車窗申個頭出黎話: '嘩 ! 對鞋好靚啊'

2011 年 1 月 18 日 墨爾本   各位 ~ 我地買左車啊 ! 以後 返工放工 雪櫃補倉 四處遊都靠晒佢啊 ! 最緊要係安全駕駛 !! 因為今天有緊要事 , 已向面包廠請假一天 . 咩事咁緊要 ? 就係去 Vic Roads (Victoria 運輸署 ) 辦理車輛轉名手續 今朝帶齊轉名表 Application for Transfer of Registration , 車輛安全證書 Certificate of Road Worthiness, 我的地址證明 , 一支公渣車去到運輸署 , 原來平日朝早都咁多人 … 等左半個鐘終於到我 , 順利完成手續後 , 架車已登記為我擁有的 . 放心晒 搵左兩星期車 , 試左 5 架 , 我地買呢架 Ford 因為以呢個平價錢買到咁正常既車的確難 . 因為舊車主今晚要返回印度放假 2 個月 , 所以趁佢仲係澳洲 , 即係今日 , 快快手完成轉名手續先會安心   Drive Safe   My number 22 !!   去完運輸署 , 返屋企經過超級市場 saveway 見到 pizza   $3.41 一個咁抵 ! 買番個做晚餐 返到屋企仲有時間炒個飯填肚 : )

 2011 年1 月17日 墨爾本 今晚約左車主買車所以放工就來到 Elsternwick   同其他澳洲地方一樣 , 這裏的店鋪很多 5 點 就關門 , 想搵間野食晚餐都難 車主要等到８點鐘先到，我地係 Nando’s 邊食邊等．．．進入 Nando’s 一個客人都無，唔駛錢就包左個場 : P Nando’s 是食烤雞的， 它的辣汁有大中小 , 特辣和香草味任揀任試．其中 peri-peri 辣汁更是 Nando’s 獨有   車主帶我地到他的家，填好所需文件，一手交錢一手交車匙．禮成