Working Holiday - Day 138 安全駕駛

作者： -

2011年1月18日 墨爾本



 



各位~ 我地買左車啊! 以後 返工放工 雪櫃補倉 四處遊都靠晒佢啊! 最緊要係安全駕駛 !!



因為今天有緊要事 , 已向面包廠請假一天 . 咩事咁緊要?
就係去 Vic Roads (Victoria 運輸署) 辦理車輛轉名手續



今朝帶齊轉名表 Application for Transfer of
Registration , 車輛安全證書 Certificate of Road
Worthiness, 我的地址證明 , 一支公渣車去到運輸署 , 原來平日朝早都咁多人
… 等左半個鐘終於到我 , 順利完成手續後 , 架車已登記為我擁有的 . 放心晒



搵左兩星期車 , 試左5架 , 我地買呢架Ford 因為以呢個平價錢買到咁正常既車的確難. 因為舊車主今晚要返回印度放假2個月 , 所以趁佢仲係澳洲 , 即係今日 , 快快手完成轉名手續先會安心



 



Drive Safe



 



My number
22 !!



 



去完運輸署 , 返屋企經過超級市場saveway 見到 pizza  $3.41一個咁抵! 買番個做晚餐



返到屋企仲有時間炒個飯填肚 : )


留言

  1. SkyBlue2011年1月18日 上午1:58

    番香港都買番架ar.....等閒帶我地去游車河
    [版主回覆01/18/2011 18:04:00]香港養車咁貴我養唔起喎......呢度就街泊車唔駛錢 ma.... 巴士班次好疏 , 火車又貴. 地方又大 , d野鬼死咁遠 , 係度有架車方便好多呀 香港咁方便唔駛有車架 XD

    回覆刪除
  2. LiKY2011年1月18日 下午5:39

    你地會唔會去企鵝島架 ?
    [版主回覆01/20/2011 16:42:00]我估二月中出發 XD Kelvin

    回覆刪除
  3. Acid2011年1月19日 下午3:58

    你好 我也打算要買車 我想問你係墨爾本邊度買車 可唔可以比車場個地址我啊 我想知道個邊多唔多車嫁 價錢大概係咩range 唔該哂你
    [版主回覆01/20/2011 16:36:00]Hi 車場買會比較貴 我地直接向車主買 上 www.carsale.com.au 慢慢揀 考慮行車里數 , 油缸大小 , 車齡 , registration 到期日 , 有無RWC , 和其他配備 同車主約時間試車 好車難求 , 手快有手慢無....sharedhouse 亦如是

    回覆刪除
  4. Acid2011年1月20日 上午4:04

    Registration到期日是指路權嗎? RWC又是甚麼呢? (其實是我的朋友們要買 由於我對車認知不多 所以麻煩你了)
    [版主回覆01/21/2011 04:26:00]Registration 即係架車既登記 , 登記包括車主是誰 , 牌照--架車俾左牌費就有張貼紙貼係擋風玻璃右下角 , 有寫牌照到期日 , 半年牌費3百幾蚊 , 如果你買架車好耐先到期咁就抵 , 當你買左架車 , 個registartion 會轉去你名下 RWC - road worthy certificate. 買賣車要有呢張cert , 通常車主提供, 證明架車係通路上係安全 Reference: Vic Roads, 其他省運輸署

    回覆刪除
  5. edith2011年1月21日 上午2:05

    好勁呀~~~~~返香港都買返架啦~
    [版主回覆01/21/2011 18:13:00]Edith 呀~ 香港無需要有車啦

    回覆刪除
  6. siubajar2011年9月22日 下午9:48

    真係勁羨慕你地!~
    我plan緊下年年尾去~宜家日日都睇你地個blog~
    唔係講笑,
    我係yahoo search 咩有關oz whv 既野都search到你地個blog!!~
    我未睇晒, 不過有野問,
    你地買車之後咪都會過省做野既
    係咪要轉過個牌架?
    [版主回覆09/25/2011 13:21:26]我地都好懷念澳洲的生活, 雖然會辛苦點, 但做人既目標會比較清楚, work hard play hard, 好珍惜得返黎既野。 而轉牌既野, 請睇下面個留言 :)

    回覆刪除
  7. Sze n Cheuk2011年9月23日 上午4:42

    返到黎香港 , 好想過番去澳洲生活......... 架車去到第二個省 , 如果個牌要續期 , 你又打算唔返去本身個省續 , 咁先要轉
    [siubajar回覆09/30/2011 13:16:06]因為我第一站會係mel (有fd), 但見vic既牌一買要買一年,又見有人話過省做野耐既話要續,咁咪好蝕?!而且我都唔知自己會唔會番mel...
    你地honeymoon再去過囉~不過今次淨係holiday, 唔好working la~
    btw, that"s reli sweet of the proposal!!~good job kelvin!!!

    回覆刪除
  8. Sze n Cheuk2011年9月30日 上午5:15

    去第二個省做野耐 , 我諗唔駛轉既 , 一來無人理會 , 只要唔過期就得啦 . 二來成日都見第二個省既車牌係街行啦 , 在Mel 見過 NT 牌 . 因為好多澳洲人, 特別係退休果批 , 喜歡穿州過省旅行. 去第二個省放車 , 準買家可能會諗 , 買番同省咪唔好? 少d手續 , 但你俾到信心佢原來唔會特別煩 , 俾足文件佢 , 咁邊度賣車都唔係問題 . 仲有買價賣價都好緊要

    "that"s reli sweet of the proposal!" Thanks !

    回覆刪除
  9. Jef2012年3月10日 下午5:46

    你好... 想問問
    如果香港拎 P 牌可唔可以去澳洲渣車 ?
    你地買既呢架車幾錢 ?
    thanks !
    [版主回覆03/15/2012 23:06:53]澳洲的policy 經常改動
    不怕麻煩的話 , 可以上網看看 , 你要到哪個state 開車 , 就上哪個traffic dep
    [版主回覆03/15/2012 20:55:05]只要持有working holiday visa 就可持香港p牌渣車
    每個州買車價錢不一, WA 最平,
    要看里數, transmission type (auto/manuel), band, 年份.......
    大概aud$2500~$4000

    回覆刪除

發佈留言

此網誌的熱門文章

澳洲旅行結婚 , 出發準備

作者： -
圖片
2012 年8月香港 曾參與過大大小小的婚禮和婚宴 ， 在香港搞大龍鳯始終不是我們杯茶. 又想特別少少 ， 點算好呢? 澳洲 ， 我地又返來了 每到澳洲都唔係旅遊咁簡單，上年完成了一年的working holiday, 來年我地會去澳洲旅行結婚  順便玩一轉大堡礁 。 計劃行程 , 做足出發準備 , 呢種似曾相識既感覺又返返黎。  諗起再次執拾背包 , 諗起都興奮 . 最重要既係 , 做我地所想 基本上每個state 既手續都差唔多，在澳洲註冊要在認可的婚姻監禮人celebrant下才有效，可以自行搵celebrant 在自選的地方註冊，這些私營的celebrant 一般都按服務收費；亦可搵政府的celebrant 主持儀式。黎緊我地會去Queensland  的 Brisbane 個 Registry office 簽紙，一黎中意大樓的復古英倫建築風格，室內寬敞可容納50人，二黎唔駛另外搵celebrant，一個價錢包左場地，官員和儀式。 室內 (quoted from official web): 大樓外貌 (Google map): 係澳洲註冊唔似Las Vagas 咁walk in 就可以註冊，當日最少要有兩個證婚人，一個月前要交張叫 Notice of Intended Marriage 既表格，表格可以親自去澳洲交，而我地揀郵遞，郵寄的話要在大日子前最少６個星期要遞交。呢張Form 要係合資格人士見証下簽名(The original signed NOIM form. The signature must be witnesed by a qualified witness specified on the form)，咁可以搵律師搞啦，不過搵律師咁貴，去澳洲大使館搞化算Ｄ。郵遞申請仲有其他附件，包括個人身份文件副本，即係我地本PASSPORT，呢個副本要搵人證明係真實啦 (Certified photocopies of the identification documents)，澳洲註港領事館會提供付費公證服務。最後一併寄埋一封Cover Letter，寫下想咩日期註冊。因為要在大日子前五日俾官員睇文件正本，如果未能...
閱讀更多

Australia Working Holiday - 嘔心瀝血終極大總結

作者： -
圖片
2010.09 - 2011.07 澳洲 前言 Working Holiday  工作假期已經唔係咩新奇事物 , 現在可以工作假期的國家還有加拿大 , 愛爾蘭 , 德國 , 日本, 韓國 , 澳洲 , 紐西蘭 遇過有一對大學生情侶一畢業就去澳洲體驗一年. 有在三十歲前趕上尾巴車闖盪澳洲. 有結婚後留底老公係香港,獨自來過新生活. 又有留底男/女朋友係香港自己過黎 . 亦都有結婚後一齊去澳洲一年當渡蜜月 . 也有不少在職場打拼數年後要衝出香港尋找新刺激 世界很大 , 有很多美麗地方 , 何不出去看一看 下圖攝於Tasmania 每個人都帶著唔同既理由去WH.  以WHV 身份來澳洲99%不是只來觀光. 更重要是在這裏生活. 以下摡括澳洲生活一些資訊 (資料如有不足 , 可自行google , 看澳洲網頁當學英文啦. 以下價目全以澳元計. 澳元/港元: 8.3) 澳洲....大得很 地圖上看, 澳洲面積只比中國或美國少一些, 而澳洲比印度大一倍有多. 但澳洲只有2千多萬人口 !!!! 只比香港多3倍!!!  或許在澳洲, 羊和袋鼠的數目真的比人多.. 澳洲境內有6個省:  New South Wales  (最大城市Sydney悉尼)  , Queensland  (最大城市Brisbane布里斯本) , South Australia  (最大城市Adelaide阿德來德), Tasmania  (最大城市Hobart 荷巴特), Victoria  (最大城市Melbourne 墨爾本) , and Western Australia  (最大城市Perth柏斯) 和2個領地(同省沒有大分別) —the Northern Territory (最大城市Darwin 達爾文)and the Australian Capital Territory (最大城市Canberra坎培拉) 每個省有各自的省政府和交通工具網絡 . 雖然各省有省法, 但大致上法律內容差不多 有個英文字一定要識, 就係Suburb . 即係區咁解. 澳洲每個地方都細分做唔到既Suburb. Suburb有大有細, 有D深水堡咁大, 有D元...
閱讀更多

澳洲-回憶太多

作者： -
圖片
2011年7月20日 香港 Kelvin 的大嫂成功產子 , 母子平安  , 可喜可賀. 不往我地及時回港睇BB 回港已有10天 , 時不時都會掛住澳洲既生活 以下是working holiday 最sweet 的一刻 在世界中心呼喚愛 ... 唔係  應該係 . 在世界中心求婚成功 詩: 當天到了世界中心的一刻已教人興奮, 在欣賞的途中, 突然被拉到較少人的看台。Kelvin問了幾個奇怪的問題, 但我依然未發現有異樣, 最後, 他終於講到戲肉, 向我求婚, 我卻傻傻的呆了, 個心跳得很快, 很緊張呢。多謝你給了我這美好的回憶, 我愛你呢。 澳洲真的很美, 很希望在這樂土拍婚紗照, 更想去Carins渡蜜月呢..........Carins 是我們想去但未有機會去的地方呢~~~ Kelvin: 在世界中心求婚 , (正式地名叫烏魯魯, Uluru) , 好型呀 , haha 回港要做既野有好多 , 先要搵工 , 再儲錢 , 買樓 , 結婚 , 漫漫長路 , 廷續我們的故事
閱讀更多