浪跡天涯 漫步袋鼠國 我們的澳洲日誌

2011 年 5 月30 日 悉尼 討厭討厭 ! 令人十分討厭的下雨天 ! 日間仲狂風大雨 ! 仲要拖住個喼行 ! 以往搬家有車, 今次要人力, 拖到手斷了。 太氣憤 , 今個post 都調亂晒次序黎打... 下雨天的Town Hall 下雨天的world square 今早8點, 已經離開了Hunter Valley 的 Guest House, 一個太舒適的家, 好唔想走都要走 屋主車我地到巴士站, 我地都好耐冇等巴士了 仲有好耐好耐好耐都未拉過喼做backpacker 用左2個鐘去到火車站, 搭火車不停地織頸巾 再坐左2個半鐘去到悉尼... 自己揸車只須1.5小時.... 不過我們有的是時間 Kelvin: 有變形金剛呀 winjo:  +_+||| kelvin: 我要爆 (....石) 嘞 ! winjo: -..- 傳說中的Central.... 25 個月台的Central Station 摩天輪也因為下雨了, 今天關閉了 澳洲都遇到很多海港城 ,  今日再加多個 '食通天' , 去左銅鑼灣咁 去不成Paddy's Market, 太早收了, "裝"入去發現只係有蓋的女人街 仲有仲有 , 垃圾桶蓋都係歌劇院設計 ! 在Darling Harbour 下走走 還是晴天比較靚 左上: 樓梯變成了漩渦 右上: 在右邊的船應該是潛艇 Darling Harbour 有賭場, 每次去賭場都會遇到同樣問題, 查身分證 都知道應該開心的, 樣子依然年輕 搵食中, 突然見到有個好靚既商場, 好似在Melbourne見過, 可是不見那間Koko Black Chocolate 天幕商場? 日本的商場都係咁喎 睇睇下有點似天上的星星掛在屋頂 搵食搵食 在間酒吧門口看餐牌時 , 有個路人伯伯話呢間好食喎 就係咁 , 衝左入去 叫左300 g T-bone 5成熟 , 果然好好味喎 , 夠香夠嫩

2011  年 5 月26 日 Abernethy Hotel 昨晚電視有QLD 和 NSW 之間的欖球盛事....Queensland 大戰 New South Wales QLD 和 NSW 比較盛行這個13人的 欖球  , 有點像平時見慣的Rugby 衝撞比較多, 球員一接球, 幾個對方球員就衝上去,  成個抬起, 又叉頸, 打晒交咁 得分都比較難, 要帶波去到底線先得4分, 唔似footy可以用腳遠距離踢入就可得分 今日除左一日草 , 之後去左後面後面搵螞蟻 , 又去打擾可憐的螞蟻. 執起一桶石頭 , 發現附近有好多黑色既 . 應該係碳或煤 , 因為這裏以前是礦場 手榴彈攻擊~ 大量石頭從天而降轟炸蟻窩 , 成堆蟻走晒出黎 石頭仲唔夠喉 , 仲有樹枝攻勢 , 直插落蟻窩 晚晚都煮好多 , 有多餘就留番第二日午餐食 將雞肉包一包巻一巻 , 烘一烘 , 又有豐富午餐食 出發阿德來德前 , 剪個震宇飛機頭先 Winjo 已經係我個預用髮型師 ! 日落啦 , 返屋企等食飯 今晚屋主外賣Fish and Chips , 好耐無食嘞  ! 又熱又香好好食 , 原來澳洲人會用薯條黎做三文治 ! 前年的拍拖週年 , 本來打算自己畫件T-shirt 紀念 , 但又無整到 , 結果材料都帶埋黎澳洲 明天燙燙燙 2011 年 5 月27 日 用左一個朝早 , 將花園掃得乾乾淨淨 , 來一個豐富下午餐 , 有: - Cereal , 黎左澳洲食多左 - Cadbury ice cream , 好食到停唔到口 - yoga , 健康一點點 - TimTam dark choc  , 又係無得彈既小食 燙好 !! 登登登登 ! 澳洲 DIY T-shirt !

2011 年 5 月 25日 Abernethy 昨天為求速銷 吹氣床同埋Foot Pump 走左去逐家逐戶派信派傳單 ... 如果係香港一定被看更趕走 XD 派信時見到真正的郵差嬸嬸派信 , 佢揸住架客貨van , 衝上草地 , 係正人地門口個郵筒前停低 , 申隻手出車窗正接掉信入郵筒 , 車都唔洗落就派晒成個鎮 , 夠專業 Abernethy 六十多戶人家 , 家家戶戶有自己的郵筒 , 有些仲好有特色tim 先黎一個海綿宝宝 樹上的白鴿竉 街上的大郵筒 白雪雪 , 襯番間大屋顏色 呢度會水!? 好在依家唔係雨季 水浸時要報警講下浸到幾高呀 無去到超市買煙花玩 , 用住手機玩住先啦 ; ) 寫緊乜? 好明顯寫緊: AUSTRALIA 啦 呢個又畫乜? 自己估啦 呢兩晚都番風落雨 , 吹到花園亂七八糟... 今日做Gardening 要掃樹葉 , 掃到趴係度...

2011 年 5 月24日 Hunter Valley - 連續2星期藍天白雲 每次寫blog 都會數今日黎澳洲第幾日 , 即是離開香港後自力更生的第幾日 , 返工儲錢雖然辛苦 , 但可以親身看到 , 聽到 , 聞到 , 感受漂亮的澳洲 . 值得 數數數... 數下數下要開始倒數了 , 距離回港仲有... 一個月零一星期 好唔捨得呀 , 不過唔捨得都係要返香港 餘下一個月 , 我地會離開東澳洲 , 向澳洲中心進發  , 再經西澳栢斯坐飛機離開 這個行程可以選擇坐飛機 , 坐巴士 , 坐火車 , 價錢差唔多 , 我地揀坐火車 , 一黎未試過坐長途火車 ... 係香港每朝返工迫火車 , 轉地鐵去港島返工就試得多... 二黎可以帶重d既行李 ... 三黎坐火車可以慳番幾晚住宿錢 係Great Southern Rail 買左張3個月票 , $450 任坐任何方向 , 每坐一程另加$10 燃油費 回港拼搏前 好好享受餘下旅程 悉尼  --- 阿德來德 --- 愛麗斯泉 --- 阿德來德 --- 栢斯 Sydney --- Adelaide --- Alice Springs --- Adelaide --- Perth 火車官方照片: www.gsr.com.au

2011年5月22日 Lucky Day 賣車記 kelvin: 當初諗住Sydney city 賣車 , 但賣車唔知要賣幾耐 , Sydney 又唔識人 , 住backpacker 等賣車又貴 , 唯有靠help-x ... 已經搵左個係city 既 help-x homestay , 但他們要收每日$10 燈油伙食費 , 幫佢做野仲要俾錢 , 唔化算 , 所以都係係Hunter Vally 的 help-x 留一個月 ... 希望一個月內賣到車啦 ... 黎到Hunter Valley 住左幾日 , 開始做功課 , 先上carsales.com.au登記賣車 , 因為我地之前都係呢度買車...貪佢車多人流多 , 登記費 $60... 第一個星期反應冷淡...0 回應 , 只有癈留言 .... 有幾癈? 回應者說: "我要買架車俾老婆 , 但因為我在船上工作 , 不能夠黎試車 , 我會派人黎拎帶架車走 , 我會係pay-pal 過數俾你 , 如果你無pay-pal 戶口, 請立即申請 , pay pal 是一個安全......" 邊有人買二手車唔試車 , 接二連三收到pay-pal 攻擊 , 車仍未賣出... 同時去左車房搞張Blueslip , 證明架車係安全係路面上行走 再係咁等都唔係辦法 , 要主動出擊 , print 左幾張街招去商場貼 , 又去backpacker 貼... 但Hunter Valley 的backpacker得一間 , 人又唔多 , 黎得到都有車啦... 上gumtree.com.au 落 post ... 背包客棧 , travelife 落 post .... 又一個星期 , 都係無反應.... 結論係....Hunter Valley 太少人口啦 , 需求有限 ... 再賣唔到車就會好影響餘下既旅程 ... 貪心指數日漸上升 我地買過車 , 知道咩價錢咩質數 , 我地架車咁好實賣得出既 變變變 , 為左搵客 , 奸d都無辦法 , 係carsales.com.au 的登記位置改做 50km 遠的 Newcastle , 該帶人口倍增 , 需求應該倍增 , 加上再減價 , 客仔自然來 果然 , 尋日就收到電話有人黎睇車 , 好既開始.... 一對夫婦由Newcastle 揸左 45 min 黎睇車 , (1小時車程...

2011 年 5 月 21 日 晴天 Hunter Valley -> Wollombi 今日係放假日 , 要出去玩下喇 尋晚係我地間屋可以上到網 , 就搵下附近有乜玩 Wollombi 離我地半個鐘車程 , 係一個古老既市鎮 , 很多澳洲土著住既地方 未入鎮前 , 我地會經過薰衣草園 Lavender Gate Farm, 網上寫星期五至日會開放 , 薰衣草園的路邊有牌寫著 " 現在開放 ", 我地一駛入去 , 就有個閘 "Gate" 閂左。唔怪得叫 Lavender "Gate" Farm 啦 , 關門大吉。我地諗緊係開放定關門既時候 , 後面有架車駛入 , 個農場主人落車同我地講今日唔開。我成日都想去既薰衣草園都去唔到喇 ~ 不過都落車遠距離影左幾張相。 薰衣草園另一邊係藝術品展覽 恐怖片: 異形襲擊 童話故事: 草原上的小馬 很喜歡左右都有一排樹的路 去Wollombi 時, 發現每家人都有稻草人裝飾 聽番屋主講, 早幾個星期, Wollombi 有個節日, 全部屋企門口都有稻草人 依個係在北極的MJ? 老人與狗? 剛去到Wollombi, 突然收到電話黎試車, 我地就要趕番屋企等人黎 返到去岩岩好, 試車既人就到左 佢地仲有兩架車要睇, 下星期先決定買唔買 Fingercross us plz~ 我要大家既念力, fingercross fingercross ============================================================ winjo: 黎到澳洲有樣生活習慣完全改變左, 就係唔帶錢出街 因為我同Kelvin黎澳洲共用一個戶口, 係開戶口時, 個職員提議我地用聯名, 可以慳番每個月既手續費。同時我地都會一齊出街, 買日常用品、食物、出街食飯都係一個俾晒錢, 我拎個電話就冇問題喇, 走失都係打電話等Kelvin黎車, 所以我已經好耐都冇俾錢, 返香港繼續~~~~~哈哈哈哈 kelvin: 佢連passport 都唔帶出街 .... 你張sim card 無re-charge , 無得打電話  wahaha winjo: 俾番張sim card 我呀 =====================================...

2011 年5 月20日 Abernethy 全部帶黎澳洲既鞋全家福: 已經有一對跑步鞋, 一對皮鞋拎左返香港 仲有兩對開工波鞋因為太污漕掉左 點解兩對腳會有咁多對鞋架?! 15對!! 依3日既工作係園藝, 有前、中、後花園, 仲有個荒廢既大山坡, 連對面馬路既草地都要理埋, 太太太忙碌了 我地要掘石仔、抆雜草......... 仲要連根拔起, 鏟起成個雜草王國 做到好鬼熱, 換埋短衫短褲 依個耙可以載人上天 仲可以拉大提琴, 扮劉華 做完一日野, 係時候去探險了 我地門口有條馬路, 成日見到d車上山, 兩旁係大樹, 中間一條泥路, 好想知d人去邊 一直行上去, 要經過很斜的馬路, 再有條分支路 我地揀右邊行, 發現有隻大袋鼠係100米前, 行過去既時候, 袋鼠好快咁跳走左 回程發現路旁有好多沙丘, Kelvin話係蟻洞 我"了"d沙入去個洞, 成群蟻湧出黎 我地坐係室外上網, 突然貓仔Chop跑黎跑去, 見到佢個口有d野, 原來係老鼠仔 貓仔好變態, 放隻老鼠仔落地下, 俾佢行幾步, 又上前捉佢, 放番入口, 不停的重覆玩成晚 =_= 我們的豐富晚餐 (外國人喜歡簡單的lunch, 一件三文治就算, 但晚餐一定好多野食) 1. 中式牛柳 點解會係中式, 因為我地發現依道菜用左蠔油、豉油、海鮮醬煮架, 甜甜地, 唔知係咪就返我地呢 2. Moussaka (地中海菜式) 有一層茄子、加一層用茄汁煮的免治羊, 重覆3次, 最頂層係芝士汁 要焗1個鐘, 屋主說有時會在中間加一層薯仔, 固定形狀 3. 焗全雞 我地一日就食晒成隻雞, 屋主早上焗好, 我地午餐晚餐就一定有野食, 很飽的一天 4. 飯 屋主成日都食飯架, 我地成日都有飯落肚了 今日一早就拎車去做檢查, 出張證書(Blueslip), 可以提供給買家作為換牌續牌 車子好好, 只花了半小時就完成檢查, 快d有人買啦~