Winjo n Kelvin WHV QnA Sectoin 澳洲工作假期有問可能答問答環節

2010 年 ----- 2011 年澳洲

市面WHV分享會有些要收錢 , 但我地無收 , 當然你想寄錢俾我我當然收
以下是一些Blog 友準備出發所問的問題 , 經剪輯後張貼於此
我地唔係backpacker 的專家 , 比我地賺得更多 , 玩得更多既大有人在
雖然這裏無乜tips 會教到你 , 都只係講下所經歷的和所見所聞
同埋.....睇黎大家都重點關注工作方面...

問: 1. 農場的工作真的很克苦嘛?? 一般都做不長嗎?? 本來甚麼都不知道是想跟朋友做農場工,
還以為可以簡簡單單就做2,3個月. =0= 看來我太天真了......T___T

Winjo答: 初初都以為好易的, 只係諗到最多都係熱d姐, 但原來最難捱反而係凍ar! Melbourne 的天氣, 一日四季, 早上去到農場, 又落雨,
又凍, 凍到係手腳冰凍, 郁得好慢; 到中午有太陽喇, 就熱到30幾度。還要看看是什麼農場, 有d植物同我地咁高, 伸手就摘到 (蘋果, 葡萄), 但有d係地上面,
要烏低, 腰都斷 (草莓)

仲要睇下係 by contract 定 by hour, by contract 就多勞多得, 自己工, 做做下攰都可以抖, 冇人理, 只係冇賺得咁多; 如果
by hour, 就要拚命做, 做得慢比人鬧都好, 比人即炒就要繼續找工作, 又或者叫你放下假, 一星期返得3、4日

Kelvin 答: 農場工 , 澳洲南部比北部凍 , 可能係Victoria 的天氣較大變化 , 在Queensland 的農場工我估天氣會較好 , 會較為好做
(純粹段估)

好的農場工是有 , 但你要知道好工實有人爭 , 或者做開的都不用易走人 , 所以空缺不多 . 要果你想''感受'' 下農夫每日簡單的生活 , 又有開朗的性格
, 吃得苦 , 農場工都會幾好玩 , 每天都有漂亮風景陪住你開工 , 開頭仲得慢會少錢 , 但做做下就會熟手錢就會賺到 , 我同屋有個農場達人 , 佢好中意做農場 !

 

問2. 睇見你地一直都有出外周圍遊玩, 賺錢來享受. 如果好似你地咁享受, 其實係咪save 唔到$$$ 返HK ga
la ??

 因為我有朋友話佢去左一年返黎save 左十萬. 誇張嘛?! 佢做 farm
ja.

Winjo答: 如果想係澳洲賺錢回港, 其實真係唔難, 但一定要慳, 食又慳, 玩都要慳, join 中國人攪既
tour, 平很多, 但趕鴨咁。有d人去whv真係為左賺錢, 如果係香港做份6、7千蚊既辛苦工, 不如去澳洲做lu, 可搵多3倍呢, 又可感受外國生活 (感受一詞比享受較適合,
外地人去他鄉, 難免要受一些苦, 刻苦地工作為了快樂地遊玩, 讓人學會珍惜, 是很難得既經驗呢)

Kelvin 答: 成日周圍遊玩? 唔係啦 , Winjo 成日吵著"都無去過玩" =.=

當你一星期大部份時間都是工作 , 就會很珍惜工餘的時間 , 所以間唔中遊玩下是應該的. 又要玩又要儲到錢返香港 , 我都好想 , 但黎到呢邊可以話每一日都唔知下一日發生咩事
, 因為工作未必每天都有 , 每份工未必可以俾你做得長 , 若果夠好彩工接工就perfect 啦 , 我估都唔難既 , 你搵到第一份工 , 識多d人, 知多d有咩其他地方有工開
, 應該搵到工既 , 講就容易 , 得唔得另計

我都聽講有人帶十萬返港喎 , 係咪同一個人? 我當7算 , 即係1萬4千澳紙 , 當12個月 , 一個月儲一千多d , 其實無問題丫 , 我兩個禮拜都有1千啦
, 其實我都有能力帶10萬架 , 不過.... 同埋唔係一到澳洲日日都有工返lor

問3. 我同個fd (兩個女仔) 而家都plan 緊想下半年去working holiday 半年only !

我想知你地最初係點樣決定去邊個地區ga ?

Kelvin 答: 第一站係Gold Coast, 因為我唯一一個係澳洲的朋友他在Gold Coast .
正所謂出外靠朋友 , 有人去悉尼因為有親烕可以投靠

 

問4. 同埋我想知由準備物資出發到帶過去o既洗費你地ready 左每人幾多錢去起行呀?

Kelvin 答: 貴有貴玩 , 平有平玩 , 機票早d買可以搵到平機票 , 其他物資實用就得 , 市面有平有貴 , 你出街行個圈格下價仲好 , 我唔知香港物價有無貴到啦. 有人帶1千澳紙來 , 1千的話要立刻找工做 , 如果唔係錢好快倒完. 2千以上比較好 . 有個方法係假設帶來的錢當後備資金
, 足夠support 你在澳洲住1,2個月都無工返又餓你唔死. 如果2個人租一間shared house 的房 , 一星期我當$170兩個人, 即係每人$85
(每個省每個地區不同 , $125-210不等 , 我的朋友現在Sandown Park 租$125兩個人包水電煤網 , Gold Cost 有人租$210 兩個人
, 但如果一個人租一間房 , 可能都要100-120 一星期 , 所以2人同行化算很多)

$85*8 = $680 

食 , 一個人每星期 $50 (大部份自己煮),

50*8 = $400  

交通 , 出街食野
, 景點門票 , 其他立立雜雜如日用品...所以帶幾多錢係有數得計

問5. 我會 3月第二個星期到 MEL 啦.. 我可唔可以到MEL 後.... 搵你地敎下我點租屋和搵工D 野呀... 因為我只係一個人去

Kelvin 答: 我都有個fd 黎到Mel , 係''背包客棧'' 見到有工頭電話係springvale
有工開 , 但又未搵到springvale 地方住 … 佢而家係澳洲華人網搵到shared house 啦



點租屋...我地上gumtree.com.au 搵shared house , 咁你可以搵到工知道要住邊區先搵屋既 , 屋近工作最好啦 , 車錢時間慳唔少...再唔係有無朋友介紹屋啦 , 又或者有些叫Working
Hostel , 通常遠黎市區 , 做農場工多 , 但我地未試過, 答你唔到詳情



點 搵工...除左係city 做waiter (華人勁少錢)....有人會上''背包客棧''搵工廠農場 , 有人搭上搭 ...我地試過係其他backpacker 拎工頭電話 , 又試過上政府個harvest 網 , 而呢一份係係屋企附近撒網捕魚逐間逐戶咁問番黎
, 搵工睇彩數 , 又或者多努多得 , 你越努力搵 , 放膽去問 , 放膽去試 , 工是會找到的

問6. 澳洲黑工很多嗎?工作難搵嗎？

Kelvin 答: 澳洲農場黑工真是超多，據農場達人講（農場達人是我們的同屋，是台灣男的背包客，已完成二簽現在是旅遊簽證）因為很多backpacker 都做壞了口碑，現在比早幾年越來越多黑工．．．黑工本身就沒有保障，所以呢．．好工難搵，如果做落OK 既儲夠本錢先好離開，因為好工難搵．．

問7. 我一路都有睇你個BLOG, 因為我31 MAR都開始WORKING HOLIDAY的生活, 我有D問題想問, 我到依家都未買保險, 你有冇買保險? 買邊一間公司?? 希望可以參考一下你的資料, THX~

Kelvin答: 我們買保X的，保我地住院可以claim 番，詳情搵agent 同你講會清楚好多．．．
我們買的有一個月冷靜期，即係開了保單後一個月才生效．你要留意留意
現在市場上已經出現了不同的保單選擇（agent 稱為product），貨比三家，挑個最適合自己的才重要

問8. 你地岩岩過到去個陣英文係咪已經OK！可以講，聽嫁？如果英文唔好，搵野做會唔會好難？你地2個人一直孖住咁玩，有冇野要因為就對方而冇玩到？

Kelvin答:英文普通啦 , 鬼佬講快d就聽唔明 , 佢就會講慢d , 同埋簡單d





搵工 ... 睇下搵咩啦 , 農場咪唔駛英文lor , 好多手板眼見工夫都唔洗點用英文 , 用黎用去咪果幾個字....


得鬼佬餐廳做waiter 先用得多英文啦 , 要對客人麻





我地玩同做野都孖住呀 , 我地睇景多 , 都無乜玩過野.... 我地兩個都好就得 , 所以無問題


問9. 你地既生活好精彩！要追住睇
你地要做幾多日野換係度住一個月@@？
我又有問題..
你地之前去打工d電子產品同財物擺係屋企定跟身？
如果跟身唔會唔方便咩？
住yha/share house唔驚唔見？@@
同埋有冇錢淨番泥香港？定會洗突?thx^^

Kelvin 答:個個主人都唔同喎 , 我地上一個 help -x 留左18日 , 只放左2日假
今次好d , 一個星期有2日假 , 有2日留係間屋做reception , 3日做野
sharehouse: 乜都放晒係房 , 帶電話返工
hostel : 電腦 , 乜都放係床 , 用被蓋住 , 個個都係咁
希望唔會洗突 ^^


問10. 好羡慕你地呀~無意中找到你這個BLOG~好精彩的旅程呀!!我同男朋友啱啱攞左VISA
呀~plan緊7月出發去PERTH~黎你BLOG看到好多有用的東東~哈~加油呀!!work hard play
hard!!!想問下溫差大唔大呢?冬天洗唔洗羽絨>.<?

Kelvin 答:  唔洗羡慕 , 你地都會有精彩既旅程
你地7月咩日子到Perth 呀 , 我地7月4日係Perth 走喎
6月係澳洲最凍 , 7月都凍既...
溫差 , 日頭有太陽的話 , 會同夜晚差10度 lor ... 
羽絨...因人而異....睇你怕唔怕凍....
怕凍都可以帶既...不過會係一件好大既行李lor
我係度咁耐就習慣左凍既天氣...無羽絨無問題...
我地無羽絨 , 只有隔心綿 , 再凍咪最晒d衫上身lor...
不過你一過到黎就凍...自己行量啦


問11 -1 .  我想問呢我都係薯乜通，但因為我o個個係iphone plan，所以有排個合約都未完！！我想問如果我想用返iphone
o既function，o個邊電話舖有冇得join？？收費又如何？？因為部iphone掟o係香港屋企人又唔識用，我唔想浪費o左部電話！！

Kelvin 答: winjo 係度用緊 i phone ....
澳洲好多人 , 包括阿婆 和 其他backpacker 都用緊i phone...
但澳洲無香港咁幸褔有無限data
例如呢度既vodafone $29 得500 MB data
optus 最近有新plan , $2 一日 unlimited data
呢度既電話.上網費貴過香港好多架

問11 - 2 : 啊...........我都係用500MB gar jar，有冇話邊個台收得好d？？會唔會o係香港用薯乜通，咁o個邊d都係用vodafone可以平d gar？？普通走去電話舖開新no.就得定係又要簽約o個d呀？？

Kelvin 答: 在市區的話 , vodafone 收得到 , 到市郊成日變Roaming
普遍係optus 收得最好 , 市區市郊殺晒 (市郊到山卡啦都會收唔到)
香港你用緊乜同呢度係無關系 , 你諗多左
簽約又有唔簽約又有 , 自己選擇.....

問11 - 3. 有冇網站提供下呀？？同埋我想問有d咩係一去到之後就一定要做o既？？eg.開戶口？？

Kelvin 答: 以下網站幫到你
Q1. www.google.com.au
Q2. http://www.travellife.org (whv 區, 請爬文)

問12. 我想問你拎去o個部電腦係notebook定netbook呀？？雖然我都知道netbook又平又輕，但好驚返到香港之後佢好少功能會用到，我o係香港又好少拎電腦出街，所以想知買邊隻好！！

Winjo 答: 如果有部輕得過netbook既notebook, 咁就買notebook。
行李重量好重要, 尤其是坐domestic flight。
如果唔係要打機 , 做animation , 畫 3D 公仔 , 寫programme , 一部普通netbook  係可以上到網, 睇片聽歌和MS Office
價錢 , 重量 , 功能...自己衡量啦 (返到香港都用桌上電腦啦)
大把決定等住你呀

問13-1. 有個問題 .... help x .. 係唔係一定要 whv 先得呢 ? 定係 only visit visa 都可以呢 ?

Kelvin 答: Visitor visa 都可以, 我地上一個helpx, 有個法國佬都係拎visitor visa黎, 無限制的
但要join helpx 先, 交會費, 才可以見到連絡方法和 helper feedback

問13-2. =.='好正呀!!!!!!!!!!!!!!!!!!!x1000000000000
點解可以咁正?!  (講緊help - x)
今次呢份真係荀工...
你地係part time咁做定點呀?!

Kelvin 答: Help - X 係無錢收架....
我地幫佢做野 , 交換食宿
好多外地黎既backpacker 都會玩

問14. 多謝你地百忙中抽空泥答我問題！但我仲有問題..
去到開銀行戶口要住址證明嫁可？
如何我冇親戚朋友係果邊點俾住址證明呢？
同埋你地覺得自己d英文有冇進步呢去左大半年？
希望我都可以好似你地咁！同埋你地影d相好靚
係咪果邊太陽特別猛 所以實影得靚XD
打擾晒

Kelvin 答: 其實我地最近唔係好忙 , 夜晚有好多私人時間

1. 我地用TFN 封信當地址證明 , 我地先開bank account , 後補地址證明 . 上網登記TFN  , 隔一個禮拜會收到信 , 信上有你登記地址
2. 英文進步左少少 , 聆聽好左 , 講得多就進步多d
3. 好天就會有靚相 , 可能空氣好 , 少懸浮粒子 , 個天會清好多 , 同埋帶左腳架影夜景...

問15. HALO..我想點解BACKPACKER要印卡片GE@@?同埋呢排你地好似都冇做野淨係去遊山玩水咁,,唔做工喇?
我plan緊自己一口個扲working hoilday visa去aus too,,希望可以快d去到!THX!XD

Winjo 答: 其實可以唔印架, 得閒先派下俾朋友仔, 不過成日都冇帶係身, 淨番好多, 而家得番一疊, 其他變左垃圾。原意係搵工時派, 識朋友時派...........
我地已經做左7個月野了, 由working --> holiday, 我地依3個星期去了homestay 交換食宿, 要工作的, 不過可以慳錢同埋識多d人
決定了就去實行喇

================================

既然有膽踏出香港 , 就要更努力自己搵多d資料 , 黎到澳洲唔係有人俾你依靠 , 凡事要親力親為 , 所以第一步請努力爬文找資料 , 做好功課和心理準備

祝你們旅途愉快