浪跡天涯 漫步袋鼠國 我們的澳洲日誌

2018-11-26 Brisbane Brisbane 政府有新搞作, 放寬Scooter 限制, 讓 Lime Scooter 打入共享市場, Lime Scooter 名附其實係架'自行車',  因為佢係一架識自己行, 有電既滑板車, 車速高達23km/hr . 重點係防止被人周街棄置, 間公司每晚都會收番架車, 同埋幫佢充電.  (成本咁高, 唔睇好做得耐) $1 解鎖費, 其後$0.3 /min . 下次city 去 Southbank 可以試玩 https://concreteplayground.com/brisbane/design-style/technology/limes-dockless-electric-scooter-service-has-launched-in-brisbane

2018-11-24 Brisbane 移民過黎要係澳洲搵工，經驗係把握機會，試用不同途經搵，第一份人工低d都要啃，有左第一份先有本地經驗，有本地經驗自然較好牙力去搵第二份工。 識得個朋友係香港做護士，過到黎搵註冊護士都難，因為無本地經驗，最後係老人院搵到份護士工。 又另一個朋友，自從working holiday 後就留係偏遠地區做左餐廳經理，僱主有擔保，做到拎到PR 就無做。偏遠地區無娛樂可言，佢話人棄可取，都係一個搵工好方法，佢仲做埋二房東好好搵。 至於我，Sydney買餸睇到華人超市電腦張公司貼紙，就email CV 去sell 下自己，又俾我博到。雖然係唐人公司，錢係少，但算係有本地經驗。之後video call in 到Brisbane 份工，把握機會即刻動身就過黎。 其他網友又點睇: SL:   If you aren't a PR yet, make sure you (throughout your conversation) let them know that you are planning to stay and not tell too much from HK. If you have some friends that work in the same company, ask them for referral as this matter more than your resume and what not VH:   Persistent is the word to remember. Don't feel defeated if you receive a rejection. Keep going you'll find your dream job. Good luck. PW:  Be prepare to format your resume to Australian style. DL:   Make sure you show what you can offer to the job. Don't be too humble saying you'll learn from them. They...

2018-11-18 Brisbane 係悉尼打工時, 老細David 話: 係澳洲住就會咩都要識, 水呀電呀. 維修自己整到就整. 係香港可能落街叫個水電師傅上黎整. 但呢邊請人做野下下$100起跳, 依家youtube 乜都可以學 ,  就如Julius Yego從Youtube自學標槍，用自製木棒練習，但竟然成為2015年的世界冠軍 所以有youtube , 自己do 另一個原因, 係澳洲生活既空餘時間, 就係搵D野整, 打發下時間. 回顧呢一年自己整既野: 入門級: 門鎖 有把房門鎖無左條門匙 ,  為免意外鎖左門困住左阿囝阿囡 , 要換 新居人伙換大門鎖 牆架 洗衣房個架要upgrade , 係ikea 買個櫃和裝上牆 玻璃窗反光紙 又唔想出面睇到入黎 , 有返D私穩, 又想屋企望到出面, 唔駛成日拉埋簾 上網買左反光紙, 再係朋友教導下 , 靚仔晒 街睇似塊鏡 屋內睇到出面 進階級: 水龍頭 oh , 無得睇大隻水喉佬表演濕身 水龍頭要換款, 係洗衣房初試牛刀 進化級, 幫廚房換個工業用, 係Costco買支新$110 一個士巴拿就可以換到 大師級: 電視機壞左, 上網睇個死因係粒電容香左, 有次返香港就去深水堡鴨記買料返澳洲自己整. 太太係電子工程底子, 燒番粒新電容無難度 高階大師級: iPhone 6 wifi 壞下壞下, software 層面 fix 唔到, 即係要著手hardware . 上網有wifi 天線買, 有圖文教學, 睇過一篇教學覺得自己都做到, 一於去馬 www.ifixit.com < 呢個網有齊教學, 配件, 工具 iPhone 每粒螺絲大細不一, 裝錯左有機會整壞, 要幫每粒螺絲作記號 太太話整唔番要買過部新, 好在整好, 用家滿意, 又慳番$1000

2018-11-16 Brisbane 太太搵番個blog 出黎，等我刷下版先。 夏天來了，朝早四點九就天光，下午六點九先落山。 五點放工有藍天白雲，返到屋企帶阿囝去踩scooter , 妹妹坐bb車睇阿哥玩。 夜晚同阿仔玩飛行棋。

2018-10 Brisbnae , Newfarm park Jacaranda 藍花楹, 每年春天就會開到成棵樹都係紫色花 , Queensland 同 New South Wales 都會搵到紫色花既踨影 追溯返1855年, Brisbane 就開始係Botanic Garden 試種, 時至今日好多地區都有種, 仲好大棵 今次係Newfarm Park 賞花,約埋其他Family 野餐, 小朋友又有草地, 公園玩.

2018-10-03 Port Macquarie Sydney 和 Brisbane 相距900公里, 10小時車程, 今次在兩家人之間選了個地方-Port Macquarie , 俾小朋友一齊玩幾日, 大人當去個旅行 Winjo係公路上高速奔馳 係Airbnb 租左間三房兩廁 House , $300 一晚, 小朋友晚晚玩捉衣因伏匿匿 第一日揸到黎已經三四點 , 去Ricardoes Tomatoes & Strawberries摘士多啤梨 , 個場用水耕種稙 , 唔係行泥地又唔洗彎腰剪, 士多啤梨較細粒但好甜 , 小朋友摘左一人一桶 第二朝一早去左沙灘諗住騎駱駝 , 點知小朋友懶理駱駝 , 寧願玩沙, 大人見到$40坐得20分鐘都唔多想騎, 影張相就走人. 出番市區食午餐, 岸邊間The Grill 餐廳坐室外可以一邊食一邊享用優美景色 . 樓下有間Gelato 小朋友嚷著要食 之後去左睇岸邊彩色石頭. 岸邊既大石頭都被本地人同遊客彩繪, 有D係紀念仙人, 有D就畫Family tree. 小朋友係公園玩 小朋友拎乜野係手都可以玩 好戲在後頭, 黃昏坐船去睇海豚 . $20大人, $15小朋友, 船經Hastings River , 唔會拋唔會暈船浪. 去到海豚出沒地方就停定船靜靜咁睇海豚. 係船上影返碼頭既船 今日行程係多D  , 但車程唔耐, 10-15分鐘就到一個點, 自己定行程可以靈活調動. 第三日個個都訓妟左 , 起身係屋玩一陣就出去食午餐, 之後去左打小朋友golf , 呢度叫Putt Putt . 總共有27個洞, 大人細路都岩玩 打完golf 放唔夠電, 去左吹氣樂園 Inflatable World, 有吹氣滑梯, 吹氣彈床 , 仲有個吹氣檑台 , 同班唔識攰既小朋友玩, 結果大人都放晒電. 玩完買餸買海鮮, 呢晚打邊爐! Brisbane 出發已帶埋Gas 爐就係為左打邊爐! 最後一日執好行李, 去食個Lunch Buffet , 食飽飽就揸番6個鐘返Brisbane Buffet 室內望出去個景好正 Ricardoes Tomatoes & Str...

2018-03-13 Brisbane 妹妹出世了! 辛苦晒老婆 ! 早前登記左市內公立醫院Mater Hospital 分娩. 離屋企30分鐘車程. 太太係屋企斷斷續續痛左10個鐘, 應該去得醫院唔會俾人彈走. 去到醫院順利上房 醫院好新, 好似係香港私家醫院咁 . 夜晚12點打支無痛針. 不斷有醫生護士黎睇下. 第二朝朝早順利生左阿囡出黎. 同阿哥一樣咁多頭髮. 病房全部二人房 or 一人房 太太出血比較多就安排左一人房．正 ! Mater 係澳洲首間有room service , 可以叫餐上黎房, 仲要係任叫 ! 4 頁餐牌滿足各國口味 住到我有D唔捨得走 4日住院埋單一個仙都唔洗. 交稅都 Gur d by kelvin Hello World 🌎 妹妹謝允心 Kyra 在2018.03.13 8:06am 出世了，原來係大肥妹3.8Kg，十分準時，真的在預產期當天出世。 2018.03.12 5am 突然肚子感到奇怪的痛，我都唔肯定係咪作動，但老公就迅速起身去煮個雲吞公仔麵我食飽飽先，食食下就已經出現陣痛，我都好肯定要準備去生產。初初出現陣痛都幾密，隔5分鐘、隔3分鐘......我心諗乜咁快就咁密要去醫院喇？！但坐坐下又有時15分鐘、20分鐘咁，唯有痛住咁訓下休息下，儲返能量去生B。初初的痛都可以忍受到，比m痛痛少少，同我想像中既痛完全係兩回事，想像中的以為會死人。但隨住時間既過去，可以忍受既痛變成極痛，每次開始痛既時候，真係要叫下、打下張床先發洩得到😖而每次痛都要去㩒著Timer 去計時。因為在澳洲入院既條件係5分鐘一次陣痛（有規律），或者出血，或者穿水，否則會俾醫院趕走。 2018.03.12 3pm 突然出現連續兩分鐘的陣痛，同老公講要起程，即刻車去醫院。不過係車上一直都好舒服，陣痛變左20分鐘一次，心諗大穫，會唔會醫院唔收。 2018.03.12 6pm 係Early Pregnancy Assessment Centre 檢查，度心跳度宮縮，已經開左兩度，可以上產前房。產前房係單人房，好正，老公叫Ubereat上黎食，但我其實已經痛到冇心機食，老公都係咁質我食多d，想我有氣有力D。突然開始出血，護士就已經話要去產房喇。 2018.03.12 9pm 去到產房，準備打無痛。其實打無痛，...