每年暑假都會有的summer camp, 今年在南丫島舉行。 因為時間唔夾, 我只能星期日即日來回。 十點多就出門口。今日個天對我特別好, 完全唔使等車, 沙田圍--馬鐵-->大圍--東鐵-->紅磡--西鐵-->尖東--小輪-->中環--小輪-->南丫島, 真係要講句 "Thanks God!!". 入到去先食個簡單的lunch 先, 望住個海食茶餐, 藍天白雲, 加添了幾分的滋味。 再去南丫島出名既shelly cake express 嘆番件cheese cake。總共有十款cake, 八款cheese cakes 都叫齊, 最好食都係豆腐cheese cake, 清清地既豆腐唔會蓋過cheese 味, 值得推介。我都好希望會學得識點整呢!! http://www.openrice.com/restaurant/sr2.htm?shopid=10760 可能係天氣太熱啦, cake shop 竟然俾把葵扇我地撥。 行番渡假屋途中, 再經過阿婆豆腐花, 果然滑過bb塊面珠仔。 畢業左咁多年, 都仍然可以每個暑假都有個camp, 感覺好似返番去中學時代, 其實我地都冇乜點變丫。我成日都有個想法, 如果著番校服, 我地會唔會仲好似中學生呢? 返渡假屋, 玩uno, 但玩法都係第一次。 rule 1: 出數字牌, 要講出聲, 1要嗌7... 1<->7 2<->5 3<->8 4<->6 0<->9 rule 2: 同色同字要嗌cut, 即使自己出兩隻同色同字 rule3: Draw 2 --> 咩色 Draw 5 rule 4: skip <-> reverse 倒轉講 仲有好多rules............. 見冇咁曬, 就去沙灘游陣水, d 水超淺水, 行左一百米d水都未浸過腰, 好似bb池呀。 夜晚, 要由渡假屋行出去碼頭, 但超恐怖野發生左, 竟然成條路都充滿keropi, 跳跳跳!!! 好彩angel 捉住我, 同我傾計, 分散d注意力, 我先行得到碼頭ja。 夜晚, 一餐好豐富既海鮮餐, 都唔係太貴, 味道都唔錯, 好滿足呢!! *點解呢篇post 不停收到垃圾reply.......好煩呀!!
