很滿足的星期天

今日真係好開心, 又有得食又有得玩。下午先去卓卓同事的club house 游水, 每個夏天必有的活動, 但每次都會感到陌生, 要重新學過點游。雖然好曬, 但又好涼滲滲, 池水乾淨得望到好遠, 真係好舒服。
游完返大埔食日本野, 御八築地係大埔都幾出名, 大排長龍。因為要留肚食冰, 唔可以食咁多生冷野, 都以熟食為主。點左四樣野, "海膽三文魚卷"、"火焰芝士蝦卷"、"鐵板牛舌"、"野菜牛肉窩"。。。好好好味+好好好飽呀。。。

食完飯一定要食甜品先會滿足, 去左附近既甜品工房, 成日都好恨去食, 但因為氣管唔好, 食完好易咳, 卓卓都唔係好俾我去食, 但今日就放縱一天了。依個係咁多款最好食既一款, 宇治金時, 面果舊紅豆雪糕磚唔係好甜但好滑, 食完即係解晒暑, 而家齌睇都覺得涼。

食飽就要即係返去早d抖, 要睇世界盃決賽西班牙對荷蘭, 八爪魚贏晒, 咁我依個月就唔食八爪魚類慶祝下啦!

By 詩詩