最後第5個的星期日

仲有唔夠一個月就要離開香港了, 每個星期六日都要好好玩餐飽。
同唔同的朋友、家人、同事聚一聚。
今個星期日冇約人, 等卓卓學完車, 萬無目的四圍游盪。
去左朗豪坊, 想買inception, 但得兩天預售, 冇好位。

搭車去mega box, 可以買10日內既飛, 就買左10日後巨幕版既inception, 好期待呀。

原來mega box 開左間台灣野, 叫 墾丁茶房, 裝修到好似墾丁既民宿, 很有特色。食物賣相同味道都好唔錯, 最重要係夠平, 都係30蚊左右就有飯, 20蚊有小食, 平靚正呀!!

有架綿羊仔俾你坐係到影相架, 有得食, 有得玩。
仲有, 係墊台紙上有段文字同我地好貼切, 意思就係去墾丁就好似去左黃金海岸。我地上次去唔成墾丁, 去黃金海岸就好似去墾丁!!

臨走仲同春田花花好朋友一齊影相........麥兜、麥o麥、麥太、菇時、得巴、阿輝影相 (記得晒佢地d名, 因為佢地係我中學良伴)