whv Australia - Day 101 – 又去左賭喇

2010年12月12日 墨爾本 下雨

因為尋日安哥話細廠最後一日, 咁依個星期日就可以同卓一齊放假。約埋三個香港朋友Edith, Carrie & Liky, 兩個台灣朋友 Beatrice & Urica 一齊去Crown Casino 玩bingo, 贏左最少都有Aud$100, 但bingo 今日無得book 無得玩。

(下圖是火車站不是賭場啊)

行去casino時, 又遇到街頭賣藝, 今次表演訓釘床, 拋火把, 但最後都失手, 不過佢都好識攪氣氛。

去casino當然要去入會啦, 有coupon同優惠ma, 有張coupon 可以換Aud$5 cash。我同卓兩個拎左Aud$10 cash 就走左去玩我地至愛的骰寶, 仲要唔係玩大細, 係玩點數。我都唔記得第一個Aud$5 買左d乜, 總之就冇左啦。之後我地又睇之前開d乜, 又有同一個感覺, 係 9號。我地放低左張5蚊, 等荷官唱籌碼。隔離個阿叔就同我地唱左個籌碼, 話唔使我地等。我地張個籌碼放左係9度, 一開就中左, 實左太lucky 喇, 一擊即中, 即走。 咁我地就有Aud$40使喇, 多謝賭場既贊助。

賭完仲參觀埋賭場個聖誕裝飾 , 每隔唔知幾耐就會有音樂同埋公仔出巡 , 睇埋先走

都肚仔餓了 , 去左附近個southgate 商場搵野食 , 係foot court 食個地中海店Rhumbas ,  食左個Rice potato ball , 酸酸地幾特別幾好食架 . 角落位有間Veneziano 咖啡店有好多人幫襯 , 就幫佢買杯cappuccino 試下啦 . 唔錯呀 , 泡夠厚 , 朱古力粉又香.

食飽飽出面又落雨 , 行下商場先. 今次去左Melbourne Royal Arcade , 既古老又典雅既商場。商店都充滿了聖誕氣氛, 有間賣木公仔, 一set可以係唔同樣, 太靚喇。

另一間賣朱古力 Koko Black, 有得係舖入面飲chocolate, 但已係full booking了。廚窗的聖誕樹都有朱古力吊飾!
我地揀左4粒試下先。

左上正方形的係辣朱古力, 太刺激了

左下一睇就知係杏仁朱古力

而右面只係個樣唔同, 但都係榛子朱古力

全部都係超好食架!!

之後我地又衝左去victoria market 買生蠔, 太愛了, 今次買一打都係aud$11, 好, 食埋今次要去sydney 先再食, 畢竟都係生冷野。

號外 - 特別貼上coles 熊仔餅 , 太可愛了!