浪跡天涯 漫步袋鼠國 我們的澳洲日誌

2011.11.26 講左兩個月, 終於上堂喇 Wilton's method Decorating Basic Course 1 每人先拎一套tools, 入面有好多唔同size的唧嘴 先由老師教打icing, 最好用座枱式的mixer, 可是我只有手提式的, 要吃力一點 張白式的icing 調成黃色, 放入唧袋, 在圖上練習唧星花, 仲有shell 第一堂的功課

2011 年 11 月 16日 香港 回想那一年 , 在澳洲打工儲錢 , 有無諗過一年後會比澳洲稅局追欠稅? 有位朋友就真係咁慘 .... 佢唔知度稅局對resident 既定義同其他部門對resident 既定義係唔同 , 係呢個情況下佢係 e-tax 真左 non-resident for tax purpose. 但non-resident for tax purpose 係比 resident for tax purpose 要多交十幾% 稅 . 本來 resident 可以係一定入息上限下退到稅 , 但佢以為working holiday 就係  non-resident for tax purpose , 填左non-resident ..係呢個情況下 , 佢返到香港都要俾澳洲政府追欠稅 想知係唔係resident for tax purpose , 可參閱: (是但中一個都叫resident for tax purpose) Generally, you are an Australian resident for tax purposes if any of the following applies: you have always lived in Australia you moved to Australia and live here permanently you have been in Australia continuously for six months or more, and for most of the time you have been in the same job, and living in the same place you have been in Australia for more than half of the financial year, unless your usual home is overseas, and you do not intend to live in Australia. reference:  http://www.ato.gov.au/individuals/content.aspx?doc=/content/64131.htm submit 左 ...

2011年11月4日 返左工之後, 逄生日都會放假, 而今年因為未過試用期, 冇假放, 工作中渡過。 生日前一晚, 卓竟然買左蛋糕上左黎, 係木槺布甸蛋糕, 仲有 "Happy Birthday" 的 candle, 仲有Rabbit shaped Salt & Pepper Grinder!! 生日前都有問過卓會帶我去邊到興祝, 但一直既答案都係"成日行過, 想去食既", 我真係估唔到呀 直到帶我到門口 原來就係 "Swiss Chalet", 食人生第一口的瑞士芝士火鍋 估唔到卓會記住我講過的話 好香的芝士 (唔鍾意芝士會覺臭)!! 有雞肉、蔬菜、麵包~ 一人份量已經好多了!! 食飯期間, 發生了很失禮的事, 在此向鄰桌的朋友說對不起! 仲有尋找麥兜~

2011 年 10 月 13 日 香港 由辦理完網上e-tax 退稅 , 大約2個星期後就收到從澳洲儲備銀行寄回來的支票 , 見到漂洋過海張票 , 腦海又聞到澳洲的空氣 . 最近再為轉工之事煩惱 , 有次填寫願意搬遷的地方  , 第一時間就選澳洲 唔好話澳洲效率慢 , 快過香港派6千蚊好多

2011 年 10 月 1 日 香港 扁扁的好似豆沙包 , 一啖咬落去 , 表層鬆脆 , 再咬入去有好香既綠茶味 . 中間紅豆蓉有甜甜的紅豆味 . 如果另製雪條實一流 原來製作Macaron 好講究 , 份量要準 , 時間要準 . 要好好準備另一份食譜再嘗試 ! The Making of...... 演員包括: Icing sugar, egg white , green tea powder...... 混好的綠茶egg white mixture '吱' 落牛油紙上 在九龍灣買的牛油紙質地好差 , 焗完後 , 紙會緊緊痴在macaron 上 !! 焗下 , 好似一粒粒雞蛋仔 , 諗起又想食 ; ) 登登登凳 , 失敗左

" lang="EN-US"> " lang="EN-US"> 2011年9月27日 香港 這裏並不是step by step e-tax 教學. step by step 請到以下網址 http://www.wretch.cc/blog/joenien/16231133 澳洲打白工 , 就要交稅 , 交左稅的話 , 可以退 , 退幾多就視乎情況. 每稅季由7月1日到下一年6月30日. 報稅期由7月1日到10月31日 . 唔報稅俾人捉到有罰款. 7月1 日可以download e-tax 用作網上報稅. e-tax 有個function 'pre-fill' , 若果有打工 , 還銀行有息收 , 僱主或銀行會將你的資料 , 包括工資和已交稅項 , 交給稅局ATO. 若果僱主已幫你將資料上載 , pre-fill 就會下載到你的紀錄 , 可以免除自己輸入. 資料又準確. 只需要核對紀綠無誤便可. 2011年7月初嘗試玩e-tax . 但pre-fill 時沒有紀錄 , 大概是僱主那邊還沒動工. 9月尾再試 , 果然有紀錄 , 銀行和僱主都有上載. e-tax 要填的大概就是: - 核對pre-fill 紀錄 , 有多少稅已預繳. - 沒有交稅的casual work , 當然說白工 , 手動填報. - medi-care 填沒有用過醫療設施 , 日期為365日 (有就有 , 沒有就沒有) e-tax 有一大堆問題問你 , 大致關於免稅的項目 , 但發覺很多都不適用 , 不斷按'No'. 還有 , e-tax 經常要連接上網上載下載資料 , 所以一個穩定的網絡連線是很重要. 還有 , 除了6000元以上免稅 , 今年白工收入少於18000仲有1500元免稅額 , 計埋即係唔洗交可全退 . 由於離開澳洲前已經取消澳洲戶口 , 所以沒有填自動轉帳戶口 , 它應該會乖乖寄支票給我. 填到最後最後 , 如果有問題唔通過 (e-tax 的設計有死穴) , 簡單方法另開一個e-tax file. 再填 , 第二次填就快得多. pre-fill 時會給你一個password. 這個password 到最後會用上 , 記得抄低. 僱主上載了資料 , 可以看到紀錄. " la...

2011 年9月 24 日 香港 早在上個月 , 小侄仔滿月時諗起送份禮物 . 見已經有好多人送衫仔俾BB , 突然諗起有份禮物好適合 , 就係玩具反嘔城買左盒拎去同BB 玩 . 幫禮物起個名稱... '留住這一刻'....老土到爆炸 盒禮物有齊工具材料 , 幫bb倒模 點樣留? 一個月大的侄仔 , 隻腳仔只有我手指公咁長 要留底個尺寸做紀念 , 於是幫仔腳仔起個模 , 再將特殊漿液倒入模內, 隔10小時後隻假腳就成形 話說上個月第一次整, 一時失手導致浪費左一劑漿液, 所以只夠整一隻腳．． 整唔夠一對. 有點兒唔滿意, 於是另外訂多一包 到左今日, 侄仔兩個月, 終於完成一對腳仔 : ) 睇下, 好清楚見到腳紋呀 之後塗上顏色, 我估有保護作用 可以選金色或銀色 用漿糊痴實係相架內 再等BB 老豆放多張相就完成 成套禮物, 有相架, 做模和倒模的粉, 倒模用膠杯, 顏料, 畫筆 最緊要係說明書 自己有得玩, 又有紀念價值 唔錯既BB禮物

2011 年9 月24 日　香港 好開心, 好開心, 終於買左焗爐喇, 多謝Twiny & Eric 的 coupon 同 地方 香港買材料真係好難呀, 去到超級市場係搵唔到需要既食材, 本來想做macaron, 但連最普通的icing sugar 都買唔到, 下次要整就要預先去專賣西餅材料店入貨先 Apple Crumble Cheese Cake 總共有3層 最底係消化餅+牛油底 中間係 (1) sugar+egg white (2) cream cheese+egg yolk (3) cooked chopped apple 最頂 係 flour+baking powder+cinnamon+butter 頂層的脆脆好好味 ^^ 因為今次用左size較大的pie模, 做唔到書果個咁高, 下次要買定蛋糕模了 完成品 切開有點困難, 用可脫的蛋糕模就好一點 趁熱食啦喂~ 新鮮出爐的bakery product ，　口味係街食唔到

原來已經6週年了。 沒有特別的去什麼什麼地方慶祝, 冇戲好睇, 冇街好行, 但去搵好野食都已經好合我地既心意 係openrice見到k11有間holly brown, 咖啡同雪糕都好出名 卓點了Affogatto, 係有咖啡浸住雪糕, 但因為咖啡太熱, 雪糕好快溶, 建議自己倒 我點了 latte, 有拉花, 很幼滑 仲有厚多士雪糕, 有strawberry同blueburry, 兩個未食早餐既人, 都食到好飽~~ (卓: 其實朝早食左個冰餅 , kekeke) 之後再繼續食, 去左Paul Lafayet 食 Macaron, 有rose, passion fruit 同 earl grey 味 試一次就夠了, 但earl grey 可再試 不懂數算我們一起有多久, 只會迎接未來的日子, 希望我們都會快樂的過每一分每一秒

2011.09.10 女人生完仔會變左C拉樣 .... 咁講會唔會嚇到d女仔唔想生呢? 兩個月前從澳洲回港 , 睇侄仔出世 , 亦都見證大嫂由靚媽媽 , 暫時變左C拉樣....不過相信大嫂好快會變番靚 澳洲短短一年working holiday 生活 , 就像將人生濃縮做一年 , 和地點轉左去澳洲 . 初到貴境 , 人生路不熟 , 萬事起頭難 , 搵工賺錢 , 過程有起有落 ,  賺夠就過退休生活 , 周遊列國. 回港生活慣唔慣? 點會唔慣  , 係度生活左廿幾年 , 點會唔慣 . 只係每當閉上眼 , 都會想起澳洲生活片段 . 相片帶不走的片段 , 在腦海漫漫回味 : ) 繼winjo 搵到工 , 我都搵到工了 , 雖然offer 唔係好 , benefit 更加無. 但當學野增值自己知識 , 做番自己專長都係件好事.  

2011 年8月28 日 香港 第一次整木槺布丁 : )  其實失敗左, 比較硬, 應該個cream唔夠凍, 打得唔好, 下次再試過 Kelvin 要將餅再壓碎d 材料 仲有呢個 , 一直想買 , 終於買左的打蛋器 還有很想要焗爐, 仲有添置材料同器材

2011 年 8 月 22 日 香港 update: 已出讓 ... 從澳洲回來 , 個大喼放係屋企又用唔著 , 唯有放出黎幫佢搵第二個主人 現售 30寸 American Tourister suitcase 軟喼一個 , 一年前吉之島一手買入 , 保養期到2013年4月 , 保養證書和單據樣樣齊. 軟喼4.5KG 夠輕身 , 30寸可以裝入大量行李. 軟喼另一優勢是可以擴張 , 擴張後再多1/3 空間 喼面另有兩格 , 放便提取旅行文件. 喼身備有密碼鎖一個 . 4轆 設計 , 拉又得 , 推又得 American Tourister 和 Samsonite 同屬同一間公司產品 , 品質有保證 尺寸: 30寸 inside 重量: 4.5 KG 配備: 4個轆 (360度自由旋轉) 售: $350 有興趣請留回覆 保養三年 , 保養期到2013年4月 配備密碼鎖 拉幹可以調夠上 , 中 , 下 三個高度

2011年8月21日 爆熱 明天是星期一喇, 開始患有星期日打工仔壓力候群症, 即每到星期日心情下降, 唔想返工, EE唉唉咁, 因為我明天就要返工喇, 我既暑假都要結束了。 初初搵工時, 都想找自己好有興趣既工作, 但無奈既係, 興趣係唔可以當飯食, 依然要找維生既工作。不過我係唔會放棄架, 我要在空餘時間繼續延續自己既夢。 好似講左咁耐, 我都未講自己好鍾意做既野係乜, 就係煮野食, 尤其是蛋糕甜品。 剛找到有celebration cake既course, 好想學, 如果學有所成的話, 我會用它來成為我既事業。有很多idea已經在我腦海裡盤算著 http://completedeelite.com/v2/index.php

2011 年 8 月15日 回港後   回港都有一個多月，適應澳洲既生活都難唔到我，反而不太適應香港既生活。人在外地就經常掛住香港既飲飲食食，但返到黎就覺得無必要去做。 後遺症真係數之不盡 一、極度掛住澳洲，無時無刻都在回憶，並且買澳洲時常食既食物，cereal+milk, burger, chips...... 二、遇到什麼什麼都要跟澳洲比較下，小至空氣，大至房屋，相比下，依然是澳洲較優 三、身體變差了，早睡早起不再，氣管異常敏感 四、洗多左！成日食飯行街shopping，燒錢咁，太耐無做掛？！我都係鍾意自己煮多過出街食，整得開心，食得健康。可否給我一個有焗爐既廚房俾我？ 五 、 去超市好鐘意將價錢兌做澳元計 , 計落係香港又唔係平好多喎 , 物價真係貴左呀 六 、 成日同澳洲平 : 出街食飯睇價錢都要兌澳元計 , 係super sandwich 食個餐都同澳洲差唔多價 , 不過係澳洲無平野食lor , 香港仲有好多$20 搞掂一餐. 不過係澳洲食材新鮮 , 環境舒適 , 物有所值 七 、 香港超市好細...... 返到黎就係咁架啦 , 這是香港 , 出名叫彈丸之地... 我就快要返工了，面對再現實一點的生活，真的可以適應嗎？

2011 年 8 月12 日 會展 對上一次去美食博覽已經係學生年代 , 出左黎做野之後重遊舊地 , 洗錢都無咁慳 XD 雖然無一早到場排隊試食鮑魚和買 $1 鮑 , 但都買左隻黎食下 ^^ , 仲可以切開 , 一人一半 依隻有手心咁大, 炆得夠火喉, 盛惠$45隻 食杯乳酪  ,  飽足一個下午 會場好似得阿波波有乳酪和雪糕球 普遍檔檔都有人圍住 , 唯獨出前一丁好冷清 , 點解 ? 出前一丁真係好搵笨 , 20 包麵(原味+豬骨味) , 夾硬包埋架手拉車 , 盛惠 $100 大元 ! 真係當市民好傻好天真 ...都唔抵 有辛辣麵買喎 , 原來有兩檔 , 一檔係上海製 , 一檔係韓國製 , 韓國朋友話大陸製的差好遠 我地買韓國製返屋企試下先 , $55 有 10 包 係新加玻買過既花生同埋菠蘿乾 , 呢度都有喎 , 仲平過係新加玻買 , 當然帶埋佢地返屋企啦 仲有檔賣義大利製既 Cereal , $20 有 2 盒 , 多乾肉 , 好抵食 ! 係咁食 , 又試又買 , 仲有好多試飲 , 不用買飲品 可以既話, 仲可以由10am食到10pm, 一日三餐攪掂晒 夏日炎炎黎呢度仲好過去海海公園玩 , haha 會場入口本書仔好緊要 ! 入面有唔同既 coupon , 岩用會有平野食  

2011年8月1日 香港 回港繼續親親大自然的生活 今天來到天水圍濕地公園 先去天元朗大榮華食馬拉榚 , 大件夾抵食 坐輕鐵.. 事隔幾年 , 濕地公園門口多左幾條化石喎 仲有笑趣鳥 平日關係 , 好多支望遠鏡都任用 , 原來swasvoki 有出望遠鏡 ! 唔通佢既水晶會睇得清d? 入場門票只得一日成日和學生長者半價票 , 家庭票要買年票 . 如果有家庭一日票就好啦 , 更具彈性 景深太淺 , 個人好似key 上去... XD kelvin : 都話坐係度好 ka la 未到轉季 , 雀鳥唔多 , 主要係大白鷺 但招潮蟹和彈塗魚有好多呀 ! 門口旁的大草地 , 算係香港少有的大草地 大埔 - 廿年都無變 , 依然優雅清靜 今年暑假好好天氣呀 ! 日日都藍天白雲 !