浪跡天涯 漫步袋鼠國 我們的澳洲日誌

2011 年 2 月26日 Sandown Park 舊屋主是一對越南男女 , 男的有工作 , 容易相處. 相反女的一路都無工作 , 係度讀完Business Master 都找不到工作 , 長期留在家看電影睡覺打機 . 最重要碗又唔洗仲話我地用廚房唔乾淨 , 佢都痴孖根架 ! 由於幫敏華睇屋 , 加上不滿舊屋主住一天都要收$50 , 簡直獅子開大口 , 我地最終決定搬去springvale 隔黎站的sandown park. 但搬屋過程一d都唔愉快 . 本來想住埋一個星期容易計租 . 但舊屋主'聲稱'要兩星期通知 , 可是她之前跟本無提及到. 當初說要住多3個月時 , 又無提又無簽約. 佢間屋吉左兩間房咁耐都無人黎租, 當然立即答應我們的要求. 現在無兩個星期通知 , 佢即刻發爛渣 , 要我地第二日即刻搬走 . 同你住好把閉咩 !? 走咪走. 又唔係無屋住 , 只係你無租收. 我地行李太多 , 廚房太多野啦 , 都未食得晒就要搬走 XD 仲有一盒雪糕要搬走 ! (電視機和兩箱野不是我們的....) 星期六搬屋晚上因要等一等屋主回來 , 去左麥當奴食野 , 順便問經理借個雪櫃黎擺雪糕 新屋不是新 , 因這一區都很舊 . 我地間屋是在後花園'僭建'的. Working Holiday 的第四間屋 , 這間是最大的 , 但舊得黎感覺像去左大嶼山渡假屋 房子尚算大 , 有冷氣任用 , 又有無限上網 , 仲有張床呀 ! 我地舊屋無床架o架 , 要訓床褥和吹氣床... (張被入面有個人架 !) 搬到黎新地方 , 係時候織下頸巾禦寒 , 我地輪流織 , 織阿織 這是正屋 , 將會住6個人 , 有香港有台灣有廣州 我地間後花園住左一個廣州家庭 , 兩個小女孩3歲和6歲 . 我地會同佢地分享薯片綿花糖 , 一齊看卡通片 , 佢地英文好好架 ! 睇到香港新聞 '樓市大旺 凶宅拍賣沽清' 唔記得邊個話 , 呢個現像即係樓市到頂了 係咪黃子華呢?

2011年2月22日 Springvale 又大一歲了.... 今天晚上小詩詩給了一份驚喜 , 佢明明話去刷牙 , 我無為意就係房繼續上網 , 隔左一陣小詩詩捧左個新鮮蛋糕入房 ! 太驚喜了 ! 好多謝妳呀 今天要上班 , 明天也去上班 , 所以沒去玩啦 生日蛋糕是非常棒的禮物:) 若在香港我會好少食湯渣 , 但黎到香港我會好珍惜佢地 , 食得幾多得幾多 紅豆沙正呀 , 我就係中意食甜野 豆豉排骨 , 好香 , 澳洲第一次整排骨 面包蛋糕 , 過期面包都好好食 2011 年2月23 springvale 今晚小弟下煮 ,  多謝小詩詩俾面 本來想用牛肉碎炒雜菜 , 但炒完肉碎已太多 , 發覺放不入雜菜 誤打誤撞就炒日式的 , 因為加了日式燒汁 雜菜有紅蘿蔔絲 , (紅蘿蔔是澳洲最抵的蔬菜) , 薯仔和青瓜 , 加上香草和黑糊椒 最後放上少少薯片 , 很精彩既西餐

2011 年 2 月 20 日 Melbourne – Chadstone Shopping Center 詩 : 由 11 月係 Mel City 到食過 Koko Black Chocolate 的朱古力後 , 一路都好想去坐底飲杯香濃的朱古力 , 但每次行過都大排長龍 , 今日唔係 d 咩特別節日 , 應該不用排太久吧 , 決定訓到 1 點幾就出去行街街。 去到 Chadstone, 星期日都係一樣咁多人 , 唔係得 boxing day 先多 , 要找位置泊車都唔係易。 Chadstone 實在太大了 , 要去 information center 拎張地圖先搵到 Koko Black 的位置。去到 Koko Black 得 2 個人排緊隊 , 好彩行快一步 , 後面一黎就十個人喇 , 就算坐低左之後 , 人龍有多冇少呀 !!! 個 menu 要選擇的不多 , 不過我黎既目的只有一個 , 就係要飲滑滑的濃濃的朱古力 , 所以點了 Belgian Hot Chocolate, 上面仲有拉花的 , 視覺跟味覺的享受。 而卓點了 Hot chocolate Affogato, 睇名都不太懂是什麼東東 , 不過都可以一試新事物。黎到見到有一杯雲尼拿雪糕加一小瓶的熱朱古力 , 到底要點食 ga?! 笨笨的卓想將成杯朱古力都倒在雪糕上 , 我立即阻止 , 雪糕咪會溶晒 ?! 要逐少逐少的加入去了 , 可是到現在他都堅持要成杯加晒。   行過 Crocs 時 , 想入去睇下有冇 d 特別鈕扣 , 發現有樹熊同埋澳洲國旗呢 , 樹熊係 aud$2.99, 國旗只要 aud$0.50 ja, 太正了 , 又平又有特色 ! 卓 : 今期 sunkist 罐裝橙汁做特價 , 但係 chadstone 間 coles 被搶購一空 , 返到 springvale 間 coles 都賣晒 , 皇天不負有心人 , 咁岩有職員準備上架 .. ^3^ 小詩為我準備的 pre 生日飯 . 第六個生日都有小詩陪伴 , 多謝你 ^3^   零食篇 : 薯片一定要買kettle 或者Smiths , 好食過香港的好多   夏天涼伴 綿花糖和朱古力醬是最佳朋友

2011 年 2 月 19 日 Melb   先工作後假期 , 阿詩仲有 2 個星期就唔駛 do 啦 ! 間廠整好鬼多產品 , Cupcake, mini cupcake, mug cake, quiche, sausage roll, garlic bread, croissant….. 不經不過已經在這蛋糕面包廠工作了 2 個多月 詩 :   每天上班的感覺就像做 gym 一樣 , 不停做負重運動 , 又會不停扭腰 , 由最初快搬不動的 15kg 彩虹糖 , 現在很容易就抬起   老闆個仔 Philip 近期成為我地幸運之神 , 工廠今年新產品復活節蛋糕由 Philip 全力負責 , 仲拉左我由 Sausage roll 果邊黎做 Easter cupcake. 菲利浦昨天安排我地去做神聖任務 , 整蛋 ! 我地係間房整左成日蛋 , 感覺就像企鵝係度 孵蛋 …. 孵左 5044 x 5 = 2 萬 5 隻蛋 ! d蛋一粒粒散係枱都幾似櫻花   今日和前幾日一樣 , 放粒蛋係蛋糕上面 , 簡單的工作 帶大家遊下花園 : 歡迎各位團友 , 你正進入食品製作地帶 Cupcake 以外的地方好多都用大機 , 長長的運輸帶製作食品 , 這個是做quiche 的 這部是最高的機械人 , 印度朋友會企上條belt 清潔部機.... 最長的運輸帶 , 都唔知點解要咁長 ....

2011 年 2 月15 日 Melbourne 尋日情人節老闆娘送左份大禮俾我 , 今日開始調左我去整cake ! Yeah ! 點解咁開心!? 除左可以同阿詩同埋一個部門做野 , 更實際既係有番穩定既上班時間 . 因為忙完12月六天工作之後 , 1 月開始做開個部門少左訂單 , 唔係日日有工返 , 一個星期返得1日都試過 . 反而阿詩就繼續六天工作 , 恨死我 最近Cake 部門忙於整復活旦蛋糕 , 老闆娘就叫我'聽日去Cake 度同女朋友一齊返工啦' : ) 今日返9至6 , 同返灣仔果陣時一樣時間 XD Halo Easter Cupcake Sausage Roll再見了 繼續放送小火車相片~ 外國既樹好大棵呀 , 哈哈 情人節快樂

2011年2月13日 墨爾本 Puffing Billy, Mt Dandenong 又到星期天 , 可以四圍去玩lu ^0^ 今日搵埋敏華 , kiki , 同埋日本人o架o架去坐蒸氣小火車 (原來過多2個星期有Thomas 火車呀!!) o架o架為我地預備好一天的行程 , 第一站去Belcrave 買小火車車票 , 本來諗住坐11點10分果架 , 點知太多一家大細黎捧場 , 要買第二班12點半先有票 @.@  係呀 , 架火車每日得4班 , 好珍貴 XD 如果大家會去記得係Backpacker 拎10% Discount 既飛仔 , 一人用一張 , 有優惠咪走雞 o滾o隆o滾o隆火車捐山窿 個細路女好可愛架 , 鏡頭對住佢都會微笑 , 今次佢表演拉筋 '請勿將手申出車外' 係度係相反 , 小火車另一特式係可以坐上去框邊欣賞風景 , 對對腳都叉晒出車 不過唔好學呢位朋友玩飛拖 *.* 火車開動了 !! yo yo yo ! 好多蒸氣呀 蒸唔到小籠包啦 ! 好多煤屎粒呀 ! 過穚! 好高呀 ! 有d似玩過山車 幫我地渣機的伯伯被右邊吸引了 @@ 黎到中途站 Menzies Creek , 可以同車頭影張合照 , 好好呀 : ) 休息一陣火車呠呠又開動了 , 站長忙著同大家講bye bye 講起揮手 , 原來有d爸爸媽媽帶仔女黎坐火車 , 阿媽就陪仔女坐火車 , 老豆就會自己駕車到火車經過的馬路旁等待同仔女揮手的一刻 , 所以火車沿路都好多揮手區呀 , 哈哈 鏡頭一轉我地黎到目的地 Lakeside 車站 , 個站真係係湖邊啊 ! 呢個湖係唔可以游水 , 跳水 , 違例要罰$220 架 我地今日買單程票 , o架o架話可以坐巴士返去Belcrave. 如果唔係o架o架識路我實會買來回票呀. 穿過樹林小徑 , 樹林公園 , 博物館 , 小學 , 圖書館 , 我地搵到個巴士站了! 聞說如果巴士遲左到站 , 乘客係唔洗俾錢架 , 所以我地唔駛錢就返左Belcrave. 返到Belcrave 拎番架車 , 原來o架o架已經安排好下一站 , 係去26 Observatory St, Mt Dandenong. 佢話果到有間餐廳可以飲黎 , 同埋有個花園迷宮 . 渣左15分鐘就黎到 , 如來我地上左山頂凌霄閣!! Big Suprise! 居高臨下 , 盡...