Day 164 Puffing Billy Steam Train & Sky High @ Mt Dandenong

作者： -
2011年2月13日 墨爾本
Puffing Billy, Mt Dandenong

又到星期天 , 可以四圍去玩lu ^0^
今日搵埋敏華 , kiki , 同埋日本人o架o架去坐蒸氣小火車 (原來過多2個星期有Thomas 火車呀!!)
o架o架為我地預備好一天的行程 , 第一站去Belcrave 買小火車車票 , 本來諗住坐11點10分果架 , 點知太多一家大細黎捧場 , 要買第二班12點半先有票 @.@  係呀 , 架火車每日得4班 , 好珍貴 XD

如果大家會去記得係Backpacker 拎10% Discount 既飛仔 , 一人用一張 , 有優惠咪走雞




o滾o隆o滾o隆火車捐山窿


個細路女好可愛架 , 鏡頭對住佢都會微笑 , 今次佢表演拉筋


'請勿將手申出車外'
係度係相反 , 小火車另一特式係可以坐上去框邊欣賞風景 , 對對腳都叉晒出車
不過唔好學呢位朋友玩飛拖 *.*

火車開動了 !! yo yo yo ! 好多蒸氣呀
蒸唔到小籠包啦 ! 好多煤屎粒呀 !






過穚! 好高呀 ! 有d似玩過山車




幫我地渣機的伯伯被右邊吸引了 @@


黎到中途站 Menzies Creek , 可以同車頭影張合照 , 好好呀 : )




休息一陣火車呠呠又開動了 , 站長忙著同大家講bye bye
講起揮手 , 原來有d爸爸媽媽帶仔女黎坐火車 , 阿媽就陪仔女坐火車 , 老豆就會自己駕車到火車經過的馬路旁等待同仔女揮手的一刻 , 所以火車沿路都好多揮手區呀 , 哈哈



鏡頭一轉我地黎到目的地 Lakeside 車站 , 個站真係係湖邊啊 !
呢個湖係唔可以游水 , 跳水 , 違例要罰$220 架






我地今日買單程票 , o架o架話可以坐巴士返去Belcrave. 如果唔係o架o架識路我實會買來回票呀. 穿過樹林小徑 , 樹林公園 , 博物館 , 小學 , 圖書館 , 我地搵到個巴士站了! 聞說如果巴士遲左到站 , 乘客係唔洗俾錢架 , 所以我地唔駛錢就返左Belcrave.



返到Belcrave 拎番架車 , 原來o架o架已經安排好下一站 , 係去26 Observatory St, Mt Dandenong. 佢話果到有間餐廳可以飲黎 , 同埋有個花園迷宮 .
渣左15分鐘就黎到 , 如來我地上左山頂凌霄閣!! Big Suprise!

居高臨下 , 盡覽墨爾本平原 , 望遠d仲會見到市中心的高樓大廈!



除左睇景 , 山頂仲有個花園 , 好靚架!


這個是'秘密花園' , 有時會用作私人派對 , 我地走之後有員工黎關門 , 好在我地早黎一步 , 呵呵


除左渣車上黎 , 都可以坐巴士上黎




返Springvale 食'頭淡湯' 的煲仔飯 , 依然保持水準 , 無介紹錯

食飽飽 , 好玩星期天又告一段落

留言

  1. P S2011年2月14日 上午4:46

    對腳伸晒出去，真係free!!!
    [版主回覆02/16/2011 19:01:00]腳 'yong yong' 哈哈

    回覆刪除
  2. SkyBlue2011年2月14日 下午9:23

    你地好開心呀!! envyyyy
    [版主回覆02/16/2011 18:58:00]工作辛苦要調劑下~~

    回覆刪除
  3. Yin Bun2011年2月15日 下午10:20

    真係睇見已經覺得好開心，山頂望落去個景好靚呀 坐小火車仲有飛拖鞋表演睇，值回票價﹗
    [版主回覆02/16/2011 18:57:00]仲有貞子和忿怒鳥 好抵睇呀

    回覆刪除
  4. Belinda2013年5月17日 上午1:22

    想問下由Lakeside坐巴士返去Belcrave係幾號巴士 ?
    [Belinda回覆05/26/2013 21:54:35]thx
    [Hung回覆05/26/2013 10:22:50]695號
    [版主回覆05/17/2013 18:13:26] seek google help and u will find your answer on http://ptv.vic.gov.au/

    回覆刪除

發佈留言

此網誌的熱門文章

澳洲旅行結婚 , 出發準備

作者： -
圖片
2012 年8月香港 曾參與過大大小小的婚禮和婚宴 ， 在香港搞大龍鳯始終不是我們杯茶. 又想特別少少 ， 點算好呢? 澳洲 ， 我地又返來了 每到澳洲都唔係旅遊咁簡單，上年完成了一年的working holiday, 來年我地會去澳洲旅行結婚  順便玩一轉大堡礁 。 計劃行程 , 做足出發準備 , 呢種似曾相識既感覺又返返黎。  諗起再次執拾背包 , 諗起都興奮 . 最重要既係 , 做我地所想 基本上每個state 既手續都差唔多，在澳洲註冊要在認可的婚姻監禮人celebrant下才有效，可以自行搵celebrant 在自選的地方註冊，這些私營的celebrant 一般都按服務收費；亦可搵政府的celebrant 主持儀式。黎緊我地會去Queensland  的 Brisbane 個 Registry office 簽紙，一黎中意大樓的復古英倫建築風格，室內寬敞可容納50人，二黎唔駛另外搵celebrant，一個價錢包左場地，官員和儀式。 室內 (quoted from official web): 大樓外貌 (Google map): 係澳洲註冊唔似Las Vagas 咁walk in 就可以註冊，當日最少要有兩個證婚人，一個月前要交張叫 Notice of Intended Marriage 既表格，表格可以親自去澳洲交，而我地揀郵遞，郵寄的話要在大日子前最少６個星期要遞交。呢張Form 要係合資格人士見証下簽名(The original signed NOIM form. The signature must be witnesed by a qualified witness specified on the form)，咁可以搵律師搞啦，不過搵律師咁貴，去澳洲大使館搞化算Ｄ。郵遞申請仲有其他附件，包括個人身份文件副本，即係我地本PASSPORT，呢個副本要搵人證明係真實啦 (Certified photocopies of the identification documents)，澳洲註港領事館會提供付費公證服務。最後一併寄埋一封Cover Letter，寫下想咩日期註冊。因為要在大日子前五日俾官員睇文件正本，如果未能...
閱讀更多

Australia Working Holiday - 嘔心瀝血終極大總結

作者： -
圖片
2010.09 - 2011.07 澳洲 前言 Working Holiday  工作假期已經唔係咩新奇事物 , 現在可以工作假期的國家還有加拿大 , 愛爾蘭 , 德國 , 日本, 韓國 , 澳洲 , 紐西蘭 遇過有一對大學生情侶一畢業就去澳洲體驗一年. 有在三十歲前趕上尾巴車闖盪澳洲. 有結婚後留底老公係香港,獨自來過新生活. 又有留底男/女朋友係香港自己過黎 . 亦都有結婚後一齊去澳洲一年當渡蜜月 . 也有不少在職場打拼數年後要衝出香港尋找新刺激 世界很大 , 有很多美麗地方 , 何不出去看一看 下圖攝於Tasmania 每個人都帶著唔同既理由去WH.  以WHV 身份來澳洲99%不是只來觀光. 更重要是在這裏生活. 以下摡括澳洲生活一些資訊 (資料如有不足 , 可自行google , 看澳洲網頁當學英文啦. 以下價目全以澳元計. 澳元/港元: 8.3) 澳洲....大得很 地圖上看, 澳洲面積只比中國或美國少一些, 而澳洲比印度大一倍有多. 但澳洲只有2千多萬人口 !!!! 只比香港多3倍!!!  或許在澳洲, 羊和袋鼠的數目真的比人多.. 澳洲境內有6個省:  New South Wales  (最大城市Sydney悉尼)  , Queensland  (最大城市Brisbane布里斯本) , South Australia  (最大城市Adelaide阿德來德), Tasmania  (最大城市Hobart 荷巴特), Victoria  (最大城市Melbourne 墨爾本) , and Western Australia  (最大城市Perth柏斯) 和2個領地(同省沒有大分別) —the Northern Territory (最大城市Darwin 達爾文)and the Australian Capital Territory (最大城市Canberra坎培拉) 每個省有各自的省政府和交通工具網絡 . 雖然各省有省法, 但大致上法律內容差不多 有個英文字一定要識, 就係Suburb . 即係區咁解. 澳洲每個地方都細分做唔到既Suburb. Suburb有大有細, 有D深水堡咁大, 有D元...
閱讀更多

WHV 網上申請

作者： -
圖片
由決定去澳洲working holiday 到交form, 都只不過係3天的決定。幸好有online application, 唔使去大使館申請, 真係方便得多。 About Working Holiday: http://whs.esdlife.com/ Online Application: http://www.immi.gov.au/e_visa/working-holiday.htm#b (港人要選 Subclass 417) 申請資格: 1) 18歲以上、30歲以下 (幸好還在中游位置 ) 2) 身體健康, 冇穿冇爛 (因為要照肺) 3) 有錢!! 唔使多, 最緊要夠 (就由交form 開始, AUD$230就已經要俾, AUD匯價低時申請比較好) 係填form 之前, 要準備定passport 同 credit card。 份form都幾長下, 要俾d耐性ar。要填既都係基本資料, 地址、電話、passport id 等等。著眼點應該要留意份問卷, 例如會否用當地醫療資源, 一定要答"no" 。 如無記錯, 係Apply 時有得入Visa card 資料,即表示仲有Quota Model answers in the following parts: 1) Health declarations => No 2) Character declarations => No 3) Declaration => Yes 最後果part 選擇health check, 有online health check 同 mental health check。Online health check 要成 HK$330多。係慳得就慳既大前題下, 選擇了尖沙咀的診所照肺。旺角果間要有passport 同 副本, 相, 同埋要"排街症"咁等多2-3weeks 先得, 護士們擺出一副唔憂做既姿態 。尖沙咀的護士有禮貌得多, 唔需要自己帶影印本, 佢地幫你影埋, 仲可以任何時間上去照一照就得, 30蚊抵俾, 再俾多個good 你。 [溫馨提示: 相片要露耳仔, 靚女們記住帶多個髮夾去影相ar!!] Medical Clinic HK$250 Quality Healt...
閱讀更多