Oz Day 153 大年初一恭喜發財

2011 年 2 月 3 日 大年初一恭喜發財

恭喜發財新年進步! 第一次過一個最無氣氛既新年!! 哈哈哈 : D

尋晚年三十放工就坐火車出去City 搵敏華 , ki ki 和 May 食團年飯 . 敏華剛於前日完成Perth , Broome, Darwin, Alice Spring 之旅黎到Melbourne , 我地終於係澳洲團聚嘞 : D

 

昨晚5個人係敏華間Hostel 夾手夾腳炮製團年飯 , 在廚房的角落包水餃 , 由於唐人街同supermarket都賣晒豬肉碎, 我地只好用牛肉碎加椰菜做餡, 有少少怪呢。 初頭個個反對煎 , 但發現煎餃子係好食過烚, 烚到爆晒。

 

尋晚第一次探訪澳洲的Hostel , 感覺好新奇 , 煮晚飯時間見到班外國人好多都只係炒炒蔬菜粒蘑菇粒 , 就放上兩塊面包食 ; 煮茄汁豆 , 加堆芝士粒又放上面包食 ; 最正係有個煎羊扒當熱狗 . 外國人煮野又簡單又快 , 下次學下先 : P

 

講番我地今餐 , 係有白飯任裝架 !! 間Hostel 有免費白米 , 意粉 仲有奶喎 ! (我地天天係面包廠都有飲奶 ^^)

仲有紅酒 , 呢支平得黎都易入口

 

飯後餘興節目係飛行棋 ! 可以棋搭棋一齊行 ; 到終點要Dull 圈走 , 呢種玩法太屈機所以無玩完之行就要回家了…我都想遲d走 , 但初一要返工 =.=

 

回家途中有人係馬路中心放煙花 , 車車要繞另一條路回家 > <

原來越南人今日都係初一 ! 屋主放左隻雞係廚房 , 現在被螞蟻圍攻 XD

希望兔年事事順利 ! 大家身體健康 ! 澳元步步高升 !!!!