浪跡天涯 漫步袋鼠國 我們的澳洲日誌

2011 年 4 月30日 Blue Mountain 今朝搵埋LaLa 我地三個人揸入去Echo Point 搵三姊妹 三姊妹叫咩名我唔知 但三姊妹石應該是這樣的 因為三姊妹太怕醜 今天我們要加一些想像力.... 落左一個星期雨呀 !! 咩都睇唔到 當地人說Blue Mountain 很少機會落咁耐雨 ... 我地真黑仔 由昨天揸車上黎已經係咁大霧啦 ! 三姊妹石你地係邊呀 行山又水浸 , 景又睇唔到 我地去行長樓梯落去搵三姊妹 騰雲駕霧 , 去左仙景 那邊竟然陽光普照 , 但係Echo Point 等左成日都見唔到Three Sisters 離開Echo Point 沿Cliff Drive 揸 落足一星期雨 , 當然去睇瀑布啦 亦都因為落足一星期雨 , 條山路一d都唔好行... 但美景當然要用腳力付出 返回火車站 , 去搵傳說中的 3336呎 原來我地上左海拔1000 米呀 只有13度 今晚去LaLa 間"民宿" 煮晚餐 好豐富呀 明天要去悉尼嘞 !!

2011 年4 月29日 Katoobma 到左Blue Mt. 嘞 ,沿公路揸上黎除左海拔越黎越高 , 就係越黎越大雨到埋越黎越大霧 =.= 在迷霧的街道中行走 , 仲以為自己去左英國 不過今日倫敦好好天喎 , 係電視見到直播王子婚禮 , 教堂由天花板望落地下 , 加埋d裝飾 , 個畫面靚到呢 , 好似睇緊電影咁 今晚住係間好懷舊既backpacker 舊得黎有種家庭Feel Katoomba Mountain Lodge Backpacker $23 希望明天天氣好啦....

2011年4 月28日 Yass Horse Riding School 每天對著貓貓狗狗好似湊BB 咁 , 時間過得很快 , 不經不覺在這裏已經留了18天 , 以下時間回顧番做左d咩先 狗仔篇: 復活節假期間 , 主人個個要去旅行照顧唔到狗仔 , 大量狗隻好似難民咁湧入黎 , 最高峰有三十隻狗 , 做到我地死 ! 每天吃過早餐 (天天吃Cereal + Milk 正) 就開始工作 , 先要放d狗出公園玩 , 再幫狗窩清潔 , 清潔環境頗為惡劣. 狗仔玩夠之後拉番佢地入籠再分配食物 , 班衰狗每次見到我拎住桶狗糧 , 隻隻都會'頭搖又尾擺' , 我朝朝都會唱鄭衣健 .... d大狗好氣好力 , 我都要好氣好力咁拉住佢地 上圖隻狗仔Zipha 係最可愛既狗仔 , 上星期唔捨得佢走... 中圖係細狗 , 細狗最癲 , 一定會跳上你個身 , 不過最好玩 左下係Zipha 個朋友 , 成隻獅子咁 右下臘腸狗 , 好聽話架 屋主Susan 有四隻狗 , 左邊隻Spring 成日要玩擲波 , 佢放個波係你面前要你陪佢玩 , 試過遮住佢隻眼再搬走左個波 , 佢都會釘住塊地 , 以為個波會再次出現... 右上Rooboo 最嘈 , 最細隻係佢最惡 右下Yukie , 年紀最小 , 最痴人 放羊篇: 屋主有4隻羊 , 綿羊係咩咩聲 , 山羊係mur mur 聲.... 見到我地拎個桶就會老遠衝過黎 , 嚇死winjo 佢地好細膽 , 嚇一嚇就會跑到好遠 雞仔篇: 親手執雞蛋 , 生鮮出爐仲暖緊 馬仔篇: 屋主大約有17隻馬 , 有d發配邊疆自生自滅 有d就要餵足三餐 , 佢地又食綠包既草 , 又要食禾割草 , 又要食'五穀' 執屎篇: 班衰狗柯到食個籠都係屎 , 每朝都要執'金' , 最怕佢地柯爛屎....後來搵到柯欄屎原因 , 情況有所改善 班衰馬又會係花園就圍柯 , 馬屎一柯就一大堆 , 執晒去做肥田料 拎住個鏟係花園巡 , 每天都掃一掃雷 掃糧篇: 班動物無晒野食 , 我地又會揸車去市鎮掃貨 苦力篇: 破柴 , 鋪路 每樣做過一次 草原風馳電掣篇: 偶然會揸架四輪電單車 quad bike 係大草地上橫衝直撞 任務一: 拖住個'爬' 去草地爬散d馬屎 , 每次做呢個任務就好似玩Mario Kart 向住target...

2010 年 4 月28日 今日屋主放我地假 , 朝早打理好貓貓狗狗羊羊雞雞 , 我地揸出去小鎮Yass 輕鬆下 Yass 人口 5400 , 比香港一橦大厦還要少人... 高低起伏的山波只會看見一間間平房 在這裏買間屋不會比在香港買一層600尺樓貴... 小學生的書包都掛在課室外 , 睇數量應該是小班教學 舊火車橋下 秋天了 , 走左枯葉上聽卜卜聲 去到邊 . 跳到邊 澳洲去到邊 . 喝到邊 - 咖啡 第一次見哈哈笑咖啡 ! Funny Mr. Hume 是很久以前開發這一帶的先鋒 他的故居成為一個景點 門口寫著收費 $7 , 但入到去無職員收錢 , 慳番 出街可以在家入定枝水喉水 今日選擇買奶 $1 一公升的奶 , 比買水要平得多 所以話澳洲飲奶當水飲 在和暖陽光底下 , 很舒服 回家路上遇見彩虹 聽聞有雙彩虹的 , 希望會見到 油站自己入油 , 車自己抺 澳洲很多事都是help yourself 車洗乾洗淨 明天離開這動物農莊  , 再次出發 下一站: Blue Mountain (一天) -> Sydney (一天) -> Hunter Valley Help-X (一個月)

2011 年4月24日 Yass 復活節快樂! 復活節第一次無假放 , 仲要工作無糧出 , 一於食窮個場主 , 食到增磅先得 事關我地去左Help-X , 幫農場主人做打雜交換食宿 今日一如以往打理好貓貓狗狗同埋兔仔後 ,  場主同我地玩'尋找復活蛋' , 她先將23粒復活蛋藏於花園中 , 樹丫上 , 木柴上 , 火爐旁 仲有空罐下 ! 讓我地9個大小朋友去搵 . 我地兩個加埋搵到11粒呀 !!! 佢地點做野架 !!! 搵完大家齊齊食 成個場唯一一隻兔仔....  

2011 年 4 月16日 Canberra 今朝早屋主話放我地一日假 , 仲提議我地去首都坎培拉~ 食完早餐即刻衝上車走人 , 重拾旅遊的感覺 由Yass 開車到Canberra 只雖用45分鐘 講下歷史先 當時澳洲選地方做首都 , 悉尼同墨爾本都爭持不下 , 最後兩個地方都唔揀 , 於1908年揀左兩地之間的坎培拉作為首都 , 再由一為Chicago 城市建築師 Walter Burley Griffin 規劃整個城市 . 人口只有358,000 , 坎培拉的格局很漂亮, 馬路闊寛 , 市中心是Lake Burley Griffin , 湖的兩邊全是公園 , 國會山前是一條又長又直的馬路 , 好宏偉 今日去邊度玩? 去Information Centre 拎書仔睇下有咩好去先 , 坎培拉本書仔係暫時睇過最好的一本 , 資料豐富 , 地圖又齊 好 , 決定第一站上國會山莊 途經湖邊的公園又衝左落去 上次去大阪無去到奈良 , 點知係澳洲遇見奈良平和公園 , Supprise 袋鼠同鹿仔個公仔好可愛呀 如果真有鹿就好了 坎培拉同奈良做左姊妹 , 連日式花園都搬左過黎 無得去日本 , 在澳洲欣賞紅葉啦 我地跳上國會山啦 身後的國會大樓正是坎培拉的標誌 襯番今日首都主題 , 著件澳洲國旗衫先 = ) 國會大樓唔知點解有咁多柱 , 驚天花會倒下 ? 國會大樓內四圍瀏覽 , 地方雖然大 , 不過無乜野睇 , 快 d 上天台先 上天台部 lift 竟然 .... 困 lift !!!! 熄埋燈 !!! 澳洲都無乜幾可要搭 lift , 一搭就 .... =.= 按警鐘 , 同個職員講我地困 lift 呀 , 部 lift 又即刻開番喎 .... =.= 從國會大樓天台看坎培拉 正前方是 Australian War Memorial 剛從左邊條橋上來 Capital Hill , 因間我地會揸右邊條橋去 Australian War Memorial 第二站去數銀仔 , 去金庫 我地去澳洲錢幣廠 Royal Australian Mint~ 澳洲的錢幣都是由這裏鑄造 而紙幣廠在墨爾本 ( 點解係墨爾本果陣時唔知 ...) 澳洲市面流通的硬幣有 $2 $1 $0.5 $0.2 $0.1 和$0.05 每個面額的硬幣仲有好多款 , 我地好努力咁儲起唔同...