澳洲 Day 214 - Tasmania Day 5 - East and North East

2011 年4 月4 日 Tasmania - Bicheno road to Launceston

一朝早起身可以看清楚間backpacker 的樣子 , 四周都是壁畫 , 香港區旗都有呀

Bicheno 海邊小鎮 , 很適合渡假

同 Possum 袋貂合照 , Possum 係澳洲既小動物 , 棲於樹上, 都是有袋的
winjo: 澳洲特有的動物都有袋啦

來Bicheno 記得睇Blow Hole 呀 , 不用去Bruny Island 都可以看得到 , 仲要免費和勁近 !! 仲有無限時任影

海鷗見慣風浪好冷靜

去Bay of Fires 點知去左隔黎鹽田....

後面應該係Bay of Fires... 又下雨了無再深究就走人
(又下雨團友開始鼓噪)

經過尋晚指導兩位新手駕車 , Winjo 學有少成可以自己開車啦

Winjo: 係無師傅無乘客之下 , 我自己一個開車呀 , 但其實只係泊個位和倒後 , 方便團友赤腳上車
Kelvin: 叻 , 無刮花架車 .  你識開車啦

Pyengana Dairy Factory
聽台灣朋友吳霖講會黎這間芝士牛奶廠 (原來佢最後沒有來!!!)
未入去就俾牛牛路牌吸引住 , 唔入去都唔得啦

一入到去老闆娘就每款芝士逐一介紹 , 仲有得試食Tim , 有辣味 , wasabi味 , 仲有勁濃芝士味 , 總之好味啦
除左試食 , 仲有好多精品都好趣緻呀

一場黎到 , 試下個紅苺芝士蛋糕 , 加杯奶昔 . 個芝士蛋糕好好好軟滑 , 香濃芝士味 , 好似食緊雪糕咁 , 一試難忘

原來這間芝士廠係全澳洲佳餚榜排列第9 !!

一場黎到 , 買枝原廠奶先. (事後發現Launceton 超市都有賣)
後面隻牛識得自己去刷背脊 !!

食飽飽繼續向 Launceston 進發
途經Scottsdale , 每個information centre 都各有特色 , 而這裏成名的是木材
這座info centre 是目前為止見過最特別的一座

這個老外是誰? winjo 夢寐以求的老外男朋友? 佢就想
我地昨晚到達Bicheno backpacker的晚上就遇到一團由Hobart 來的旅客 , 這位英國佬是其中一位 , 昨晚佢仲講起去桂林的經歷. 我地由今朝去Blow Hole , 到芝士廠 , 都碰巧跟在它們的車尾  , 直至來到Launceston 前的一個山上look out 終於剛上他們的旅遊巴 :) 原來我們的行程是跟tour 差不多 

經過一個小碼頭稍為休息 ... 在澳洲釣魚是有規矩的 , 每種魚都有一個長度標準 , 如果釣到的比標準短 , 即是未成熟要放生 . 碼頭旁邊會有一把尺可以量度

傍晚到達Launceston Backpacker ,  又見到那團人和英國佬 !
其實我們是跟踨他們怕迷路 XD