Australia whv Day 238 - 動物農莊最後一夜

2011年4 月28日 Yass Horse Riding School

每天對著貓貓狗狗好似湊BB 咁 , 時間過得很快 , 不經不覺在這裏已經留了18天 ,
以下時間回顧番做左d咩先


狗仔篇:

復活節假期間 , 主人個個要去旅行照顧唔到狗仔 , 大量狗隻好似難民咁湧入黎 , 最高峰有三十隻狗 , 做到我地死 ! 每天吃過早餐 (天天吃Cereal + Milk 正) 就開始工作 , 先要放d狗出公園玩 , 再幫狗窩清潔 , 清潔環境頗為惡劣. 狗仔玩夠之後拉番佢地入籠再分配食物 , 班衰狗每次見到我拎住桶狗糧 , 隻隻都會'頭搖又尾擺' , 我朝朝都會唱鄭衣健 ....
d大狗好氣好力 , 我都要好氣好力咁拉住佢地
上圖隻狗仔Zipha 係最可愛既狗仔 , 上星期唔捨得佢走...
中圖係細狗 , 細狗最癲 , 一定會跳上你個身 , 不過最好玩
左下係Zipha 個朋友 , 成隻獅子咁
右下臘腸狗 , 好聽話架

屋主Susan 有四隻狗 , 左邊隻Spring 成日要玩擲波 , 佢放個波係你面前要你陪佢玩 , 試過遮住佢隻眼再搬走左個波 , 佢都會釘住塊地 , 以為個波會再次出現...
右上Rooboo 最嘈 , 最細隻係佢最惡
右下Yukie , 年紀最小 , 最痴人

放羊篇:
屋主有4隻羊 , 綿羊係咩咩聲 , 山羊係mur mur 聲....
見到我地拎個桶就會老遠衝過黎 , 嚇死winjo
佢地好細膽 , 嚇一嚇就會跑到好遠

雞仔篇:

親手執雞蛋 , 生鮮出爐仲暖緊

馬仔篇:
屋主大約有17隻馬 , 有d發配邊疆自生自滅
有d就要餵足三餐 , 佢地又食綠包既草 , 又要食禾割草 , 又要食'五穀'

執屎篇:
班衰狗柯到食個籠都係屎 , 每朝都要執'金' , 最怕佢地柯爛屎....後來搵到柯欄屎原因 , 情況有所改善
班衰馬又會係花園就圍柯 , 馬屎一柯就一大堆 , 執晒去做肥田料
拎住個鏟係花園巡 , 每天都掃一掃雷

掃糧篇:
班動物無晒野食 , 我地又會揸車去市鎮掃貨

苦力篇:
破柴 , 鋪路
每樣做過一次

草原風馳電掣篇:
偶然會揸架四輪電單車 quad bike 係大草地上橫衝直撞
任務一: 拖住個'爬' 去草地爬散d馬屎 , 每次做呢個任務就好似玩Mario Kart 向住target 去衝
任務二: 去搬d柴返屋企 , 準備起爐取暖

住屋篇:
屋主同我地helper分開住的, 屋主的屋是磚屋, 家裡放滿馬的裝飾品, 外面有個火爐, 我地食飯都會係左下圖的餐桌食; 而我地住的是右下圖的鐵皮屋, 幸好有一個浴室在我們房裡, 但如果要去屋主果邊間屋 , 就要經過花園 , 初時要去那邊才有澡涼去廁所都幾唔方便架

騎馬篇:
屋主俾左一次機會我地騎馬
一次唔夠lor
winjo : 無馬鞍唔舒服

kelvin: 有法國妹帶馬呀

天空篇:

沒有街燈 , 晚上星星作伴

屋主篇:

屋主Susan是個澳洲人 , 頭幾日相處覺得她經常無理取鬧 , 有一次嚇唔住向佢投訴之後 , 加上Winjo 補佢修補好notebook 電池電線 , 佢對我地都好左 , 之後分享fusion 菜都好開心

飲食篇:
幫屋主屎都執埋
佢包我地三餐
早餐食Uncle Tobey + Milo Cereal 再加芝士多士, 今朝去超市見過係$7一盒 , 我地班helper都食左唔少盒
午餐有時比較簡單 , 有時係沙律 , 有時係湯 , 有時隔夜餸
晚餐會豐富一些 , 有時會好豐富
上上星期日食左餐叫Sunday Roaster (右上) , 話每個澳洲家庭星期日都可能會煮這個 , 有牛肋骨 , 焗薯仔 , 焗紅蘿蔔 , 焗豆 , 蘋果蓉 , 蕃茄洋蔥
又試過食澳洲漢堡 (右下由Laurine 示範) 有Home made 漢堡扒 , 洋蔥 , 生菜 , 煙肉 , 大量芝士 , 吞拿魚 , 煎蛋 , 蕃茄 , 牛油果 , 沙律醬 ,  BBQ 汁 , 疊到成層樓咁高

Winjo 技癢都要煮番幾餐咁話
左上: 雲石蛋糕 , 連識食既法國人都話好
左下: 泰式波蘿炒飯 , 個個食到停唔到口

今晚最後晚餐大家食羊架 , winjo 第一次整羊架 , 無失手抵讚
有焗薯片 , 蕃茄醬 , 蘋果醬
Winjo 仲整左入口即溶 ' 無麵粉朱古力蛋糕 ' Flourless chocolate cake

法文教學時間
大家食飯我地講 Please enjoy , 法文叫 Bon Appetit
多謝叫 Merci

Merci for reading