台北 Prewedding x 浸溫泉 2012

2012 年10月下旬 台北

Pre-wedding

半年前在婚紗展被游說買了薇薇新娘 ViVi Bride 的 prewedding Package . 雖然要有點不願意要買安瓶, 但係梁總監化得靚 , 揀相果日見到d相又咁靚, 利sir 影得好有風格 , 影出黎既相我地都好滿意 , 雖然安瓶貴但都算值得 . 希望曬出黎既相都有高質素啦

到台北的第一天 , 約好一點半去揀衫, 所以酒店都未check in 就去薇薇了 , 雖然晚裝有好多款 , 得揀得耐手既都好似唔多 , 所以揀得好快就揀好三件晚裝和兩件婚紗. check in 完酒店就去左地下街幫男仔買煲呔 . 呢一晚要抖足精神 , 準備第二日影影影

第二朝8點就去薇薇化妝 , 梁總監識講廣東話所以好易溝通. 亦都被佢說服買左兩盒安瓶. 於是佢今日都對我地照顧周到.


今次攝影師係利sir , 利sir 係我地指名的 , 因為之前睇過唔同攝影師既作品, 有好好有好普通 , 利sir 既作品係我地杯茶. 拍外景時 , 成日聽到利sir 叫我地 '三巴高 三巴高' , 我地諗 , 咩三巴呀, 大三巴? 三巴高...原來係下巴高咁解 , 好在有梁總監做既時翻譯 . 影到太陽落山, 返到台北市 , 架車共用左8小時 , 即係HKD800

第三日揀相 , 因為一早設定好目標係唔加相 , 所以好恨心好決絶咁不斷delete 相 , 無論佢點sale 都不為所動. 男仔: 多d相係為左面子? 多d相係為左自己睇? 80張都係果個樣 , 40 張又係果個樣, 點解要買多50張? 精挑細選40張精華就可以啦, 唔洗貪心.

今次台灣prewedding 的自備道具仲有佢地

吃

Daughter's Cafe

台灣朋友介紹 . 由捷連站坐580巴士到 民生社區活動中心下車 .  這區比台北市中心寧靜得多 , 市容都較乾淨

想冬天時黎多次呢條街 , 會唔會變晒兩邊黃葉呢 ?


這是桂綸鎂的《第36個故事》拍攝場地 , 內裏裝潢寬敞舒適 , 滿有格調 , 有些大學生會來這裏喝coffee 看書.

 牆上既照片係拍劇的making of

開放式廚房 , 係度打工都幾開心

Brownie 好食

咖啡一般 , 唔夠香, 都係澳洲果邊好飲

有滕籃為顧客放置袋袋 , 好細心

微熱山丘

朋友介紹要去這裏買手信 , 初到門口原全看不出這裏是賣鳳棃酥的 .

內裏裝潢用木為主, 舒適時尚. 一進入內就會位每個客人捧上一杯茶和一客鳳棃酥. 可以試左先再決定買唔買. 無介紹錯 , 好香 , 有果肉絲.

吃到飽
台灣都有任食打邊爐 , 今次台灣朋友帶左我地去加近中山國小站的 . 台灣全食打邊爐的特色係有haagen dazs 任食

浭
台北有好多店吃浭 , 近台北車站有檔好好食, 以家庭式經營 , 雖然裝潢簡陋 , 但坐滿客 , 黎買外賣都唔少. 推介魷魚浭 , 魯肉飯


浸溫泉
倆人旅店

影完相要relax 下, 浸溫泉都好呀 , 反正未浸過
想有二人空間浸 , 但又唔想對住4面牆好似係廁所浸咁 , 我地訂左 北投倆人旅店溫泉. 每間房間個露台都有獨立溫泉 , 溫泉同房間用玻璃門分隔 , 可以邊浸邊睇電視 . 酒店4層每層有唔到顏色格調 , 我中恴三樓這個淺木色的
套餐仲包括一個二人shabu shabu.
4點check in , 第二日12點check out , 雖然浸左4獲 , 但都係唔捨得走

呢兩隻可愛熊仔都係pre wedding  自備道具之一 ^^

浸完又食 , 食飽又浸 , 幫助消化呀

新北投近溫泉博物館有條溫泉溪 , 中意浸腳的話浸幾耐都得

長榮 Hello Kitty 機

明明book 了Hello Kitty 機 , 正當滿心歡喜時 , 登機發覺點解同5日前架普通長榮無分別? 機身無Hello Kitty  , 機艙都無特別 , 只係餐具用了Hello Kitty.... 最後問空姐拎了兩個Hello Kitty pillow case 落機. 無執輸

長榮係用桃園機場Terminal 2 , 好新淨, 又幾個候機室都係特別設計 , 等上機都有野睇下