DIY 婚宴小創作

2013 年4月20 日 香港
上次澳洲旅行結婚 X 影婚紗相 X 大堡礁度蜜月之旅雖然己經完滿結束, 但有樣野直到現在才完結的~ 登登登登 ~ 就係本相簿

自己執完相, 搵左其中一間印photobook 的公司,  用佢個排版工具版好 , 排好之後online upload 相片 , 等左剛剛14個工作天, 本相簿就寄到手.

photobook質素都可以. 沒有太大色差 , 30x 30 cm , 32頁的相簿, 比台灣果本輕得多, 還有比較薄身

winjo 最喜歡呢一頁

朋友用佢部新機幫我影, 像素夠大可以一張相跨兩頁

話說 , 雖然已經旅行結婚, 但都會係香港擺番幾圍 .

又話說 , 有些市面可以買到的 , 但又想有些創意 , 有些個人風格 , 所以動起手腳自己搞 . Do It Yourself. 幾好玩架 ~

中西合壁襟花 , 估計當日個囍字會好創眼 , haha

呢個係姐妹既手花

男仔襟花

話說 酒樓backdrop 公式化英文大名要加 $300 , 點解唔自己印呢? 反正都有photoshop底 , illustrator 摸兩摸都快上手.

話說唔難, 上網搵個eps 底稿 , 因為eps 係vector format , 想實物出黎幾大都得 .
用illustrator  執到想要既效果 , 俾印刷公司個稿要CMYK color format , 唔可以係RGB.
俾eps file 印刷公司印好 . 搬番屋企自己cut  , 完成 . 埋單 $220

我訂左塊1.5米寛既 foam board , 佢地印好 , 仲包得好穩陣 , 剝完一層package 又一層 .... 都幾唔環保...

有紙包住塊board

終於拎到出黎啦 , 真係幾大塊架  !

話說中間白色部份 .... 睇真d , 似唔似...

完成 . .. 其實點解要印foam board 掛係大廳? 印咭紙唔得 ??

似唔似澳洲地圖呢~~~

坐枱卡，　上次係澳洲係vineyard 尊登影的，幫每張枱數數手指 . 用 photoshop 好快整好.

正當諗到酒樓個card holder 會遮住我個number 和蝴蝶　，　我見到屋企隻樹熊可以幫到手．
呢個idea 真係唔錯

呢個Banquet 唔覺唔覺就充滿澳洲color

仲有自己焗曲奇餅 , 當係每位賓客少少回禮禮物

平時整cupcake , 有幻想過為自己的婚禮焗cup cake . 雖然整得好怱忙 , 但可以完成自己的心願 , 好開心呀

 仲有仲有
簽名筆都有整, 仲貼埋個囍字

進場片段

用左個多月時間整, 修下改下. 加d減d, 拉黎拉去,  雖然市面有好多罐頭工具 , 即係一upload  相片, 揀主題, 就自動ran 到條片 , 但我想加入自己構思既既小'animation' , 所以用power director 整黎整去 , 雖然power director 唔係最好, 但都無乜時間去研究邊隻最好 , power director 好係有自由度 , 又有基本整片既框架, 唔錯.
最喜歡係進場時用上 I Do cherish you 作背景音樂, 毯住我地進場.