首爾冬日滑雪自由行2014

更新相片

第一次去韓國, 出發時還有擔心當地人用英文溝通唔黎, 但去完之後發覺唔係太差, 都溝通到.
例如有次等巴士, 隨口問問前面個男仔去邊度, 係唔係上車買飛 , 我地都溝通到 , 唔係雞同鴨講 .

Day 1 - Aplensia Resort 滑雪

CX 班機零晨一點起航,一如以往, 坐飛機都係訓唔著. 航班飛行3個幾鐘就到達仁川機場 , 當地氣溫-5度 !!

比香港低了15度 !! 7點半先有shuttle bus 去滑雪渡假村, 係機場仲有2個鐘hae , 唱完少少錢 (機場唱錢比出邊貴少少)第一時間就諗起衝出去機場門口感受下有幾凍 ! haha ! 塊面無遮無掩好凍呀 !! 往返機場的巴士好多都係機場門口外的9C 閘買飛 , 而我地一早就訂左去resort 架巴士, 去9C 拎飛就得..

韓國巴士好準時, 時間一到就會準時開車 , 所以早10分鐘去搵定個站等巴士...

 一離開首爾 , 巴士沿路都見到好多雪, 第一次見到雪好開心呀 ! z z z 車程4個鐘, 有中途站休息去廁所15分鐘... Z Z Z , 一覺訓醒就來到平昌Aplensia Resort , 馬上check in 好就去滑雪, Go GO GO. Afternoon section 12:30-16:30 .


因為行程緊迫, 我地租完工具換好衫已經係1點半, 所以直接搵book 左既教練 , 上堂學滑好重要 , 聽同事講佢無學到, 跌低左唔識跌樣企番起身. 所以教練第一樣野就係教我地點樣跌, 跌底唔緊要, 學埋點樣係原地企番起身.再學埋停定, 轉左轉右. 

學得黎都已經4點, 買左個lift pass 唔好浪費, 搭上去斜波ski 番次先 !

正 ! Aplensia 比龍平個場少人, 龍平果邊太多旅行團 , Aplensia 幾好,人唔多.

今次入住Aplensia resort Holiday Inn , 我地book 左family room , 一個廳, 兩房兩廁, 好有家庭feel ,露台鋪滿雪 , 一行出玻璃門就凍冰冰 , 不過我地odon 房個暖氣壞壞地, 有時太熱成27度唔識跌番落黎...訓醒又得番20度 .
指示reception 做野要清楚d, 事緣我地book 左張mobile sim card, sim card 會一早寄定到resort, 我地到步就有得用 .  下午我地問reception 有無收過寄俾我地既sim card , 佢地check 完話無收到, sim card hotline 又打唔通. 夜晚再問reception , 交代番我地幾時幾日book , 應該早幾日酒店收到, 咁佢地 get 到我意思再去check , 終於搵到我地盒sim card.  Yeah

冬天係士多啤棃當造季節, 超市士多都搵到好甜既士多啤棃 ! yum


Day 2 - Alpensia Resort 影影相 , 夜遊首爾逛東大門

夏天的Alpensia 綠草處處, 冬天就白雪雪, 歐陸建築作背境殺左唔少 'memory'

坐預先訂好既shuttle bus 出番省城, 首爾交通擠塞問題幾壓重 , 市區漢江兩邊公路經常大塞車
首爾入住 鐘路三街既 ibis 酒店 , 2013落成新簇簇, 有天台花園又有地庫hot bath. 房間乾淨都唔係太細, size ok 啦.

晚餐食左間韓式烤肉店, 一入內waitress 就俾大膠袋我地入住d大褸以免吸晒d味. 叫左一個牛一個豬, 個豬肋骨勁辣, waitress 都話佢係好spricy , 個牛就好好食, 聞說韓國食牛好貴, 但呢間個牛又同豬差唔多價錢, 牛仲好大塊 tim ! 又好食 !

烤肉店度度都有, 緊有一間係左近


東大門whole sale / retail 商場, 普遍開 8 pm - 4 am , 行完一個商場到一個商場, 不過女士話唔係平好多... 行完好攰, 坐的士返酒店　．　如果坐短途車，　４個人坐的士抵過坐地鐡．　的士起錶$3000-3600won



Day 3 - Our 100th Month anniversary @ Seoul


雖然已結婚 , 但我地都會數住拍左幾耐拖, 而今天就係第100個月 : ) 出發前一晚岩岩趕好工製作咭紙道具

拍攝地點: 弘大


今次旅程唯一一個博物館: Trick Eye Museum. 因為Trick eye 係地庫, 要花少少時間睇地圖先搵到入口 .

顧名思義, 錯覺藝術館全部展品都係錯覺藝術，觀眾可以成為畫既一部份．













弘大附近有好多間cafe , 求其幫襯左一間

下一站鷺梁津海鮮市場

 本來諗住只係食個活章魚刺身，　但因為地下買完野，　要上一樓餐館先有人料理，又俾餐館ｄ人游說叫多左碗魚湯，好似俾人劏咁．　講番個刺身，雖然已經剪件，但仲係隻碟上郁郁下，拎上手感覺到吸咀係咁吸隻手，　點多ｄ麻油以免吸實個喉嚨　

食完個tea 係時候去食晚餐 = )



今個晚餐食得較豐富，選了’津津罷漏’　－　以豐盛的傳統宮廷菜，以17至22種韓式套餐是大韓民國最具代表性品牌。準備著新鮮營養又豐盛又美觀食材，津津罷漏的韓式套餐被稱為"代表韓國的最佳文化體驗"。外國顧客稱讚津津罷漏為代表大韓民國的最佳口味和服務的餐廳。







每枱食客都有自己一間房, 亦有黎傾生意既食客



我地透過酒店幫手book 枱 , 係reception 見到我地韓文的名字.


每人大約HKD350


Day 4 - 太白山雪花節　土俗村人蔘雞

冬季有幾個Festival , 一月份有太白山雪花節. 一座座冰雕吸引唔少遊客，本地人佔大多數．出發前已經報左團，朝早７點係首爾市中心坐旅遊巴往東到太白．又係另一個４小時車的旅程．落車見到一粒粒雪粒吹過黎，　又唔係落雪，　原來係由上吹落黎．

雪花節有大量冰雕, 又有俾小朋友玩既溜冰場和冰滑梯.











長期留係冰區幾凍，　要包實ｄ，　羽褥大褸唔少得, 場內有個大冰屋，　入面係ice cafe . 入到去又幾暖喎，　仲見到有兩舊冰係度滴水.




夜晚出返首爾食人蔘雞暖暖身．普遍公認土俗村人蔘雞係最好食





Day 5 - 溫泉　明洞

有團友想浸溫泉，　原是搵左間係利川市既，　首爾坐一小時巴士到達，　有男女分開浸浴，溫湯，冷湯，室外室內．　因為分開男女湯所以ｄ人都係光脫脫 @_@

著衫區有個Korean style sauna,　應該就係汗蒸浴．　入面個個人都唔出聲坐定定，　密室一個有少少似避難所．


夜晚逛明洞亦係女士最開心既環節．





男士顧著掃街邊小食, 這個蛋撻好好食, 好脆好暖


食左間好食既炒辣雞．


夜晚突然下起雪，Yeah, 第一次遇到落雪，好好彩呀


Day 6 - 棃大賞雪

一覺訓醒，打開窗見到個世界唔同晒，首爾市內變成白色世界，Amazing !










最後一天行程，　先去酒店附近的Insadong ，條街有好多gallary, 我地幫襯左間，　好中意佢既圖案好sweet.








綠茶 . 蛋糕 . 早餐






棃花女子大學好靚，係雪景下生色不少．

正門有塊大棃花石壁


聽講＂我的野蠻女友＂係禮堂前長樓梯取景

韓國巴士真係好準時，　我地係大雪下拉喼去巴士站，　點知仲差一個燈位，咁就眼白白睇住架巴士走，　唯有轉坐鐵路到機場．去到首爾鐵路站，　認住個鐡路加飛機既logo 行就搵到架機場火車，坐普通班次大約９個站，　一個鐘就到機場，大約4千幾won 車費．機場最花時間係辦退稅，　因為賺物滿30000won ，旅客可以退消費稅，　不過手續前後排左兩次隊，　遇著同時間有大陸旅行仲有排排．搞好晒岩岩Final call 上得切飛機．汗

嫌唔夠可以係機場火車站溜冰！