霏霏剪新髮 & 麥記 create your taste 2015.08.02

霏霏頭髮長左好多，爸爸要同佢剪頭髮，我是要求剪Bob頭的。我食食下飯，老公就叫我去驗貨，我再說是要剪Bob頭，老公加多幾刀後，霏霏新髮型面世了。

變得BB左好多，仲攪笑左。有人話係阿旺頭，有人話好可愛。霏霏你大個會唔會問我地點解剪到你咁短呢？

講左食麥記create your taste 成個月，今日終於試左喇。

有四部機，好多人都特登黎試。

我㨂左Angus beef,燒菠蘿，其他已包既配料就㨂足晒，三種芝士，蕃茄，焦糖洋蔥，酸瓜，辣椒。味道其實同Angus burger 個set好似，因為燒菠蘿好細，食唔出。

老公冇㨂Angus beef, 但有煙肉同燒菠蘿。

食完霏霏玩左陣麥記公園，大伯帶左佢去玩滑梯，個傻豬驚玩滑梯，扭計喊。