回港渡假 -- Day 0+1

2010年3月8至9日 墨爾本-->吉隆坡-->香港

由於要參加阿妹的重要日子, 我便有三天回港渡假的機會。依次係第一次自己搭飛機, 是一個30小時的旅程。無他, 因為air asia的機票比直航平一半呀, 就要付出多一點的代價。
6點9就已經出門了, 跟卓道別後, 就上火車了。想不到7點的火車已經迫滿人, 全都是在city的上班族, 比香港的還要早出門。再在southern cross車站轉乘skybus去機場, 幸好往機場的路沒有塞車, 只有對面線有長長的車龍。到了melbourne airport, check in 的人龍長得很, 等了45分鐘。

由於只有hand-carry, 不可超過7kg, 但我的背包已經是7.3kg, 幸好地勤人員依然讓我上機。melbourne 機場太多地方裝修, 不太大, 食個早餐就上機了。

上機前, 見到qantas特別的飛機, 即刻沖過去影幾張先。

坐在window side 的位, 看一看風景, 已經睡個飽了, 整程機都睡著, 睡了8個多小時。

去到吉隆坡上空, 整個陸地都是蕉樹橡樹, 還是澳洲的樹木較漂亮。根據上次係吉隆坡入境, 等左成個鐘, 今次一落機就即刻沖去排隊。

聽聞吉隆坡國際機場(KLIA)很大, 熱熱的走去坐巴士去睇睇。坐左半小時, 的確有點像香港機場, 但不太大, 很少人, 很少店舖, 有點冷清。

cafe 的價格比LCCT那邊貴得多, 吃了一碗喇沙, 應該係真材實料, 有好多魚骨, 但味道不太好。

回去LCCT, 再坐在Old Town Cafe飲小麥草汁, 用佢既插坐叉電。
等到食飯時間又叫個椰醬飯。

其實時間真係過得好慢, 冇乜好做, 冇書冇video睇。

再去starbucks 飲番杯 green tea latte, 好耐都未飲過喇, 超正正ar。Starbucks 真係好好坐, 重要的係多插頭, 人也不多, 舒服點。

幸好整晚卓跟我msn, 否則已捱不住了。

Airasia 而家有一個好好的服務, 就係可以在mobile上check in, 然後有一個0都0都碼俾你係機場到print boarding pass, 要寄倉行李有個counter 可以放低, 不用派隊, 而我冇行李就已經可以立即完成登機手續。

返香港果程飛機, 我一上機就已經睡著, 起飛都唔知, 昏迷了一個小時。可是前排既人實在太噪, 我同隔離既乘客都無法睡著。

著陸一刻, 真的很感動, 終於回來了。

回家後爸媽麻麻已在家, 家裡好像有點不同, 其實我一返黎香港, 就已經覺得香港唔同左, 我都知依個問題應該係我唔同左, anyway, 沒有不同的是他們依然愛我呢。

原來卓的媽媽來了機場接我., 可是飛機早了到, 累了她白等, 真不好意思, 但感到很窩心呢。

不行了, 我要好好的睡, 晚安。