whv 285 - 街上撞到粉絲 ! Degas 好文分享 ! 德國村德國豬手

2011 年6月14日　阿德來德

晨早醒左訓唔番，打住一篇blog 報平安
剛從Alice Springs 回來阿德，回來文明城市，起碼公共廁所唔駛錢，唔係去左大6

三日兩夜的Uluru Tour 係我地係澳洲第一個正式既Tour
雖然晚上氣溫零度，凍到訓唔著，camp site 又多老鼠，又唔係食得飽
不過成過Tour 所去既地方都好值得去
唔係只有大石頭咁簡單

搭火車教台灣朋友玩Deal , 21 小時路程行快過

尋日係Queen's Birthday , 我地97年之前都有既公眾假期，香港新年都有惠康開門買瑞士糖，但呢邊放Public Holiday 就間間鋪都關門大吉，連Coles 都落閘．．．
換個角度講，係老闆有良心，公眾假期係所有人的褔利，無理由剝削員工褔利，有些老闆仲會因為星期日或者公眾假期俾三倍人工 (只限白工和鬼佬老闆，亞洲老闆都係無良的)
今篇blog 重點唔係呢度

尋日正當見到Coles 關門大吉，仲擔心緊Hungry Jack 有無開門，夜晚有無得食
無啦啦有個香港女仔截停我地，好似係動物園見到樹熊咁話 '依!? 你地係咪有寫Blog 果個詩同...咩呀 ，　我有睇過你地個blog 呀'

好驚，係街都被人點相，好危險呀
痴線，我地咁窮，無人會打劫我地

Hungry Jack 好在有開門，仲係24小時營業
同屋拉同屋 , 竟然有9個香港台灣whv 有緣在Hungry Jack聚會
Degas 講得好好，好多人以為我地黎working holiday 好好玩，睇唔到辛苦既一面

以下轉載　Degas 的文字

'' 昨天聽到有人說我在這邊玩, 他卻要在香港工作, 一陣鼻酸, 眼淚都湧出來了, 也許我們在FB貼的都只是玩樂的照片, 所以才令人有這錯覺,

我們這一年放棄了香港的工作, 離開家人, 朋友只為了玩??

有多少人是決意改變, 為了成長而過來?
有多少人錢包剩下數塊錢咬著牙關撐下去?
...有多少人捱得腰酸背痛, 受著冷嘲熱諷地工作?
有多少人抵著40度的天氣在外頭彎腰割菜?
有多少人在雪房門口站12個小時包著像冰一樣冷的水果?
有多少人不被當人看待?

也許這些人都不會說出來, 因為不想遠方的家人, 朋友擔心

我沒有要你體諒, 但只少請不要誤解,
大家不過是在不同的地方為未來努力! ''

為錢煩惱，因為一宗意外保守估計損失$3000 AUD
慶幸還是身體健康
因為這宗意外Kelvin 唔可以無左份工，要將失去的找回來，試過一星期只開工一天，每個朝早都要追問印度佬有無工安排，每日食唔安坐唔落
因為這宗意外Kelvin 更加感激有Winjo 在旁一齊捱
因為這宗意外我們在澳洲很多時間都是在工作，去Help-x 為了省錢

''過去會過去的．．．''
不用為我們擔心
澳洲倒數21天

############################################
今早五點多就已經被兩個鬼妹嘈醒 , 佢地又只著Bra 同 Under 係房四圍走 , 陳小姐話好常見 , 但我地都係第一次見.

八點準時打去飛行學校AFTC 約揸飛機 , 好好彩可以約明天的試飛課程.

早上的Adelaide

網友Degas 約我們去德國村 Hahndorf , 同行還有她的兩位台灣朋友.

在阿德來德 , 交通系統很完善 , 只要在High freq zone , 巴士, 火車, 電車每十五分鐘就有一班 , 市中心的公共交通還要是免費的, 不像墨爾本等巴士是一件很苦的事 , 常遲到半小時都時閒事.

大約45分鐘的車程 , 在54號車站下車 , 我們已經到達充滿歐陸陸風味的小鎮 , 因我還未去過德國 , 不知這是否德式建築 , 只知在這裏我完全不覺得身在澳洲呢 !

每間店鋪賣的都很不平凡. 有一間賣燭台的店 , 充滿了童話氣氛. 燭台有的是旋轉木馬 , 有的是聖誔小鎮 , 還有步鵝游泳. 它們都靠著蠟燭燃燒時產生的熱空氣, 加上頂部的風車, 讓它們在旋轉 , 真的很美

還有一間傳聞是在德國村最古老的店 , 賣的是獸皮. 要找它只要認著店外的乳牛皮 , 班馬皮 , 狐狸皮 . 那塊狐狸皮 看得令人心寒 , 狐狸皮 是包括頭部 , 店主用繩子穿過眼睛的位置 , 把整塊毛皮吊起來.

糖果店買朱古力

豬手跟德國都是分不開的 , 所以我們到了Hahndorf Inn 品嚐德國菜 ,

五個人共點了一盤豬手跟香腸 A Taste of Germany Combination. 燒雞翼配肉汁 . 份量十足 , 五個人已經可吃到飽飽.

豬手比我的面還要大, 平常都不吃豬皮 , 可是這個豬皮真是要吃 , 跟肉一起吃是有甘香的煙燻味道. 除了豬心  , 還有五花腩 , 我覺得這個比豬手還要出色 , 充滿肉汁 , 更加濃郁. 不得不提的 ,  拼盤還提供了三種芥苿mustard , 我最愛的English mustard 也在其中, 配BBQ 食物味道再次提升.

一盤有三種香腸 , 太愛芝士味道的腸 , 切開時 , 芝士還會流出來.

德國包看起來很硬的 , 可是吃起來是軟軟的 , 帶有點鹹味.

燒雞翼賣相一般 , 有點黑黑的 , 味道不錯, 不過不吃也沒損失.

食德國菜又怎可以沒有啤酒 , 它總共有五種啤 , 其中兩種是時間限定的 , 因我們比較喜歡不太苦的啤酒  , 當我問哪種不太苦, waitress 說可給全部味道讓我們試試, 太好了. 我們今次可試四種 , 有original , wheat, dark , 限定的. 我比較喜歡wheat , 有淡的麥味 , 而且不苦.

晚上的Adelaide