WHV Day 060 - 062 大遷徙---黃金海岸搬去墨爾本!

2010年11月1日 – 2010年11月3日

今次應該正式離開黃金海岸 , 羊總我地後會有期嘞 !

 

第一日

今日預計坐6個鐘車 , 由黃金海岸出發 , 由昆士蘭省進入新南威爾斯省 . 目的地Kampsey . 沿途經過好多樹林 , 見到好多樹熊告示牌 , 也有些袋鼠牌 , 但一隻樹熊袋鼠都見唔到!!! 太陽落山前到達Kampsey , 不幸遇上大雨….搵到計劃內的Motel ($79一晚), 間Motel 室內有微波爐 , 我地再問接待處拎多個電飯煲煮通粉 , 食飽飽係時候zzzzz , 第二朝又要起程了

 

卓: 呢隻似蟹
詩: 似羊多d呀

第二日

昆士蘭已經是夏令時間 , 時間比香港快3小時. 今日預計坐7個鐘車 , 目的地新南威爾斯省的 Goulburn. 出乎意料地 Goulburn 小小一個鎮但十分漂亮 , 很多古歐陸式建築都完整保留外貌 , 別有一番風味. 第一次失去時間感, 望住個天, 都唔知係幾多點, 因為到7點幾, 個太陽都未落山, 仲係5點幾咁. 今晚間Motel ($88一晚)不准煮食 , 我地去左超市買左隻烤雞 , 天寒地凍食隻熱辣辣烤雞特別好味

 

第三日

今日坐車要坐耐一些 , 因為要直奔墨爾本東南的Springvale , 亦是大遷徙最終目的地. 途經雪梨西北面的Liverpool , 走上公路離開新南威爾斯省 , 亦即進入維多利亞省 , 氣候唔同風景都唔同 , 沿路見到好多綿羊和薰衣草 : ) 維多利亞省位處澳洲的南方 , 快要夏天的關係 , 這裏夜晚8點才天黑 , 再過些日子要到9點先天黑 ! 班鬼佬中意放左工再去沙灘爽一爽先返家.

山頭係一粒粒樹 , 遠睇幾似西蘭花

下午5點幾才到達Springvale , 趕急搵shared house 落腳 , 搵唔到今晚訓街都似… 好在睇到第五間終完搵到間似番d樣 , 一星期$150 包水電煤 , 不過無雙人床, 連床架都無 , 無上網, 無電視….新屋屋友全是越南人 , 屋主在這裏讀完Master 啊!

Springvale 這區比較舊 , 聚集大量華人和越南人 , 可以見番熟識既港式茶餐廳 , 食左個區內最平 $5 豆豉排骨飯 , 這裏消費比黃金海岸平得多