Aus Working Holiday Day 009 - 麵包店試工 & 慢步沙灘 @Surfer Paradise

作者： -
2010年09月11日 黃金海岸 晴

by 詩 and 卓
今日8點半鬧鐘就叫左我起身喇, 個鐘一響, 我嚇到跌左落床, 係香港都未試過咁。九點十左右就到左麵包店, 搵唔到個manager, 只有一個話得事既女仔, 佢就叫我換左圍裙同埋頭巾先。依一刻, 我覺得個造型好似cooking ma ma, 哈哈。佢叫我將夾麵包的盤同夾放入洗碗機, 再抺乾,放番係出面。3個鐘都係不停重覆的工作, 間唔中個出去收下台咁。點解用左一次就要洗, 根本就唔污漕, 超唔環保, 掃一掃走d麵包碎就可以, 最多好污漕既就洗下。我要等到唔使再抹水, 正式可以放麵包上架、沖咖啡、整包的日子。

放左工後就join 埋卓卓食lunch。我未黎澳洲之前, 就已經知道mcdonald有得賣安格司牛漢堡, 有 grand angus & mighty angus 兩款, 我地就一人食左一款。我食果個係mightyangus, 好多醬汁, 仲有塊煙肉, 塊肉仲好多汁, 真係超正。 而卓卓食果款係grandy angus, 多d蔬菜, 清新d , (除左塊肉都幾似至尊漢堡)。

食飽就行出去surfer paradise lu。 依到都幾多公公婆婆, 佢地唔用輛椅, 有架好得意既電動車代步。佢地仲會玩香港推行緊既草地滾球, 不過卓卓都唔知佢地點玩 , 隔離個阿叔都唔識...

周圍影下相先~
好好享受一天Holiday


Have a Happy Day , 在公園的路上隨處可見 , 太喜愛所以做埋blog 背景圖


黃金海岸海岸線全長42km , 一望無際既沙灘 , 我地沿住個海灘一路行一路行, d 沙真係好軟, 踩一步就已經好深。



著埋crocs 鞋黎行沙灘先


到此一遊 , 留番個腳印先


一二三笑~ 身後就係太平洋了


都幾大浪下 , D水又凍 , 都係不適宜游泳


黃金海岸沿岸都係高樓大廈 , 酒店豪宅一應俱全 , 一晚要$525呀
打風實吹死佢地



街頭藝人呀 , 一俾個銀仔就會郁 , 握住我隻手係咁shake


下面張相係咩動物腳印呢
明天開估


留言

  1. Yin Bun2010年9月11日 下午8:09

    真係唔知係街頭藝人，真係似藝術品多d.... 估︰係咪海歐？係咪塘鵝？
    [版主回覆09/12/2010 12:25:00]Bun: 係呀係海鷗呀

    回覆刪除

發佈留言

此網誌的熱門文章

澳洲旅行結婚 , 出發準備

作者： -
圖片
2012 年8月香港 曾參與過大大小小的婚禮和婚宴 ， 在香港搞大龍鳯始終不是我們杯茶. 又想特別少少 ， 點算好呢? 澳洲 ， 我地又返來了 每到澳洲都唔係旅遊咁簡單，上年完成了一年的working holiday, 來年我地會去澳洲旅行結婚  順便玩一轉大堡礁 。 計劃行程 , 做足出發準備 , 呢種似曾相識既感覺又返返黎。  諗起再次執拾背包 , 諗起都興奮 . 最重要既係 , 做我地所想 基本上每個state 既手續都差唔多，在澳洲註冊要在認可的婚姻監禮人celebrant下才有效，可以自行搵celebrant 在自選的地方註冊，這些私營的celebrant 一般都按服務收費；亦可搵政府的celebrant 主持儀式。黎緊我地會去Queensland  的 Brisbane 個 Registry office 簽紙，一黎中意大樓的復古英倫建築風格，室內寬敞可容納50人，二黎唔駛另外搵celebrant，一個價錢包左場地，官員和儀式。 室內 (quoted from official web): 大樓外貌 (Google map): 係澳洲註冊唔似Las Vagas 咁walk in 就可以註冊，當日最少要有兩個證婚人，一個月前要交張叫 Notice of Intended Marriage 既表格，表格可以親自去澳洲交，而我地揀郵遞，郵寄的話要在大日子前最少６個星期要遞交。呢張Form 要係合資格人士見証下簽名(The original signed NOIM form. The signature must be witnesed by a qualified witness specified on the form)，咁可以搵律師搞啦，不過搵律師咁貴，去澳洲大使館搞化算Ｄ。郵遞申請仲有其他附件，包括個人身份文件副本，即係我地本PASSPORT，呢個副本要搵人證明係真實啦 (Certified photocopies of the identification documents)，澳洲註港領事館會提供付費公證服務。最後一併寄埋一封Cover Letter，寫下想咩日期註冊。因為要在大日子前五日俾官員睇文件正本，如果未能...
閱讀更多

Australia Working Holiday - 嘔心瀝血終極大總結

作者： -
圖片
2010.09 - 2011.07 澳洲 前言 Working Holiday  工作假期已經唔係咩新奇事物 , 現在可以工作假期的國家還有加拿大 , 愛爾蘭 , 德國 , 日本, 韓國 , 澳洲 , 紐西蘭 遇過有一對大學生情侶一畢業就去澳洲體驗一年. 有在三十歲前趕上尾巴車闖盪澳洲. 有結婚後留底老公係香港,獨自來過新生活. 又有留底男/女朋友係香港自己過黎 . 亦都有結婚後一齊去澳洲一年當渡蜜月 . 也有不少在職場打拼數年後要衝出香港尋找新刺激 世界很大 , 有很多美麗地方 , 何不出去看一看 下圖攝於Tasmania 每個人都帶著唔同既理由去WH.  以WHV 身份來澳洲99%不是只來觀光. 更重要是在這裏生活. 以下摡括澳洲生活一些資訊 (資料如有不足 , 可自行google , 看澳洲網頁當學英文啦. 以下價目全以澳元計. 澳元/港元: 8.3) 澳洲....大得很 地圖上看, 澳洲面積只比中國或美國少一些, 而澳洲比印度大一倍有多. 但澳洲只有2千多萬人口 !!!! 只比香港多3倍!!!  或許在澳洲, 羊和袋鼠的數目真的比人多.. 澳洲境內有6個省:  New South Wales  (最大城市Sydney悉尼)  , Queensland  (最大城市Brisbane布里斯本) , South Australia  (最大城市Adelaide阿德來德), Tasmania  (最大城市Hobart 荷巴特), Victoria  (最大城市Melbourne 墨爾本) , and Western Australia  (最大城市Perth柏斯) 和2個領地(同省沒有大分別) —the Northern Territory (最大城市Darwin 達爾文)and the Australian Capital Territory (最大城市Canberra坎培拉) 每個省有各自的省政府和交通工具網絡 . 雖然各省有省法, 但大致上法律內容差不多 有個英文字一定要識, 就係Suburb . 即係區咁解. 澳洲每個地方都細分做唔到既Suburb. Suburb有大有細, 有D深水堡咁大, 有D元...
閱讀更多

WHV 網上申請

作者： -
圖片
由決定去澳洲working holiday 到交form, 都只不過係3天的決定。幸好有online application, 唔使去大使館申請, 真係方便得多。 About Working Holiday: http://whs.esdlife.com/ Online Application: http://www.immi.gov.au/e_visa/working-holiday.htm#b (港人要選 Subclass 417) 申請資格: 1) 18歲以上、30歲以下 (幸好還在中游位置 ) 2) 身體健康, 冇穿冇爛 (因為要照肺) 3) 有錢!! 唔使多, 最緊要夠 (就由交form 開始, AUD$230就已經要俾, AUD匯價低時申請比較好) 係填form 之前, 要準備定passport 同 credit card。 份form都幾長下, 要俾d耐性ar。要填既都係基本資料, 地址、電話、passport id 等等。著眼點應該要留意份問卷, 例如會否用當地醫療資源, 一定要答"no" 。 如無記錯, 係Apply 時有得入Visa card 資料,即表示仲有Quota Model answers in the following parts: 1) Health declarations => No 2) Character declarations => No 3) Declaration => Yes 最後果part 選擇health check, 有online health check 同 mental health check。Online health check 要成 HK$330多。係慳得就慳既大前題下, 選擇了尖沙咀的診所照肺。旺角果間要有passport 同 副本, 相, 同埋要"排街症"咁等多2-3weeks 先得, 護士們擺出一副唔憂做既姿態 。尖沙咀的護士有禮貌得多, 唔需要自己帶影印本, 佢地幫你影埋, 仲可以任何時間上去照一照就得, 30蚊抵俾, 再俾多個good 你。 [溫馨提示: 相片要露耳仔, 靚女們記住帶多個髮夾去影相ar!!] Medical Clinic HK$250 Quality Healt...
閱讀更多