Aus Working Holiday Day 012 - 睇戲

2010年9月14日 黃金海岸 過雲雨

by 詩

今日被安排返下午, 要負責收舖。因為下午的關係, 已經少了很多麵包盤要洗, 可以洗得輕鬆一點。不過依到唔會俾人有放鬆的一刻, 已立刻安排我去洗麵包架 (木造的)。這個不用水洗的, 掃一掃, 再噴消毒藥水, 就已經可以了。老闆娘Lisa就叫我洗咖啡機, 開心的一點是終於有機會接觸到, 了解它每個部份, 我真係好想學識ar!! 最辛苦既一刻又黎喇, 就係要抹玻璃、抹地, 洗呀洗, 我真係洗到手都軟呀, 係洗極都洗唔甩d積。老闆娘叫我收枱又去舖頭到, 我初時拎起攞入去, 老闆娘話推就得喇, 咁我推啦, 果個黑面神Peggie就大叫話一定要拎起,。好!! 我拎起兩秒, 放番低照推, 你又唔係老闆, 我點會聽你點ar。  今日賣剩幾多包, 老闆娘就叫我地拎走, 我拎左8件蛋撻, 10幾個麵包。

番到屋企已經散左, 冇力喇。食左兩個麵包, 一件蛋撻, 同卓卓煮俾我既撈麵, 實在太餓喇。

等到9點, 豪哥黎車我地去睇戲。睇魔法師的門徒(The Sorcerer’s Apprentice), 依到睇戲係不設劃位ga, 早去有好位。就算星期二有特價, 全院得小貓3、4隻, 連工作人員都冇, 得個賣飛既 , 早知係咁 , 下次飛都唔買直衝入去算。今次係第一次睇冇字幕既西片, 好考我地既listening 呀!! 套戲內容唔係太得, 係搞笑就真, 好似睇龍珠+地動王咁, 要畫個陣係地下, 腰間出波, 我真係笑左出黎。