Aus Working Holiday Day 011 - 找房子 苦工

2010年9月13日 黃金海岸 陰

by 卓
今朝英國肥老闆問我會留幾耐 , 我話澳洲一年 , 呢間公司大約三個月 , 老闆話唔留耐d? 我話我個visa 最多留一年ja , 除非有人請做長工啦 , 肥佬諗左陣話 : "我幫你"
鬼佬係真係會咁好人...
如果留係澳洲 , 朋友又唔多個 , 又無野玩 , 又無好野食 , 我想一年後返香港喎

話說我地住緊間屋 , 屋內有兩個賓賓 , 日本人Nori 和韓國人Nate , 雖然兩個都係男仔 , 但佢地都好乾淨 , 個個禮拜都搞清潔 , 廚房廁所都白雪雪無漬 , 豪哥都話呢間屋朝淨指數係爆燈
但佢地兩個都好早訓 , 要求我地夜晚9點後唔好用廚房和客廳 , 佢地要關燈訓覺.....=.=
咁9點咪宵禁!?
所以今日約左另一個屋主去睇屋仔 , 但唔太乾淨 , 廚房又有d發霉有昆蟲 ...
知足常樂 , 我地間屋幾好丫 , 夠晒乾淨 , 最多咪宵禁下

by 詩
第一天正式返工 , 繼續洗面包盤和抺乾 , 老闆老闆娘都正常 , 最黑人憎係班大陸伙記 , 以為我聽唔明國語就係背後話我做得慢 , 老闆娘出現又爭住做野 , 搞分化孤立我 , 仲有個大陸伙記扮晒款黑口黑面 , 老闆娘都未出聲佢就係度指指點點
/ . \  好可憐呀
我要搵工呀...嗚嗚嗚


今日去超市買左個pizza , 仲有蕃茄薯仔瘦肉湯 , 黎個中西合壁
餐後仲有澳洲大橙一個