Australia Working Holiday Day 004 -006 - 返工 搵工

2010年9月6-8日 澳洲黃金海岸 晴

by 卓:
9月6 在澳洲第一天上班 , 來澳洲前已透過豪哥介紹到SurPacific 上班.
SurPacific 是間幫客戶編寫和管理網頁的公司 . 這三天我都係做些較簡單的網頁更新工作 , 老細話遲些會俾個新網頁我起 , 希望唔好咁快啦
同事講起英文上黎會好快 , 9成都聽唔到 , 淨係同豪哥講中文 XD
Lunch Time 最平都要8蚊9蚊一餐 , 應該係中環價啦
朝早返工屋企行過去7分鐘就到, 係度返都唔錯架
不過應該會做3個月就完

為左快d儲到錢, 快d搵多份part-time 先得

by 詩:

9月6日
因為卓卓要返工喇, 我都唔想繼續係屋企冇野做, 就一齊咁早起身, 出去australia fair 搵工做。未試過周街搵工架, 太緊張喇, 就坐左係food court一陣, 望住個大海呆左陣, 就鼓起勇氣去問工喇。Cafe, 壽司, 包舖都有問過, 但都淨係叫我放低resume 就算, 要等消息。問完見太早喇, 就去左southport park (南港公園) 行左陣。依到d公園真係好大, 一大片既草地, 一望無際既海, 一大片天空, 真係好舒服。

仲見到兒時常在沙田中央公園玩的:

之後就去左超級市場買餸, 嘩, 突然間聽到2蚊一袋蔬果任揀, 就即刻沖左過去喇。因為依到d蔬菜真係好貴, 加上未搵到工, 2蚊袋就真係好抵, 哎呀, 而家實在太似一個師奶喇

9月7日 去家的北面探險
因為連日以來, 都只係australia fair 附近行, 都未試過行遠d, 我就沿住對著的路, 一路直上, 終於見到外國先有的drive in McDonald。坐左McDonald一陣, 突然後面好嘈, 以為咩人摷垃圾, 原來係隻大海鷗摷個麥記紙袋入面既薯條, 再有幾隻白鴿圍住想食, 但太細隻, 唔夠人爭。

再行遠d, 入左kfc問工, 佢就俾左張 application form 我, 填完仲俾多個test team, 有性格測驗, 點樣先係好員工, 仲有幾個order要用幾多材料咁, 嘩, 我唔係應徵經理級wo, 唔使咁難ma。

9月8日 去家的南面探險 -- surfer paradise (滑浪天堂)
今次唔可以再行過去喇, 因為都幾遠ar, 我要去左7-11買左張 Go Card (類似香港的八達通), 搭巴士過去。果到最多都係雪糕店、冰店咁, 我就派左十間左右。當我行到咁上下, 諗住行多一次再派過, 見到間冰店, 係台灣人開既。雖然我唔係好想係中國人開既店做 (因為通常都俾超平人工又做得耐), 但冇野做都去試下問下。佢一路講一個鐘得7蚊, 又做得夜晚11點半, 我已經好想走, 但唔知點算好。佢叫我星期六返, 仲要背埋佢份notes, 我都係諗諗先, 希望可以依兩日有其他offer la。
surfer paradise冇野多, 最多就係海鷗, 係成街都係, 等你餵佢, 又衝入商場, 搶垃圾食。

海灘d沙好軟好軟, 條海岸線好長, 可以望到好遠既城市, d樓好似係海面咁, 好得意。下次用部靚相機影清楚先。